Maheberu 12:26 - Tshwa Bible

²⁶ loyi a gezu gakwe gi nga tsekatsekisa a misava a ka xikhati lexo; kanilezi makunu i tsumbisile, aku: Nza ha ta tsekatsekisa misava kanwe kambe, na ku nga hi yona yoce kanilezi ni tilo kambe. Ekso. 19:18; Hag. 2:6

Maheberu 12:26 Mawu Ofanana

Eksodusi 19:18

Zonake a xitsunga xa Sinai xi lo tuvika musi matlhelo wontihe, hakuva Jehova i wa relele ka xona na hi lomu nzilweni. A musi wa kona wu lo tuvikela hehla kotisa musi wa phingo ga nzilo. Zonake a xitsunga xontlhe xi lo tsekatseka nguvu. Deut. 4:11; Maheb. 12:18

Isaya 13:13

Hikwalaho nzi ta tsekatsekisa a tilo, Ni misava yi ta suka wutshanwini ga yona, Hi zanga ya Jehova wa tiyimpi, sikwini lego ga khulo gakwe gi chavisekako.

Isaya 2:19

A vanhu va ta tsutsumela timhakweni ta maribye, ni lomu minkeleni ya misava, hi ku chava Jehova ni kungangamela ka wukulu gakwe, laha a ta nga suka a chavisa misava.

Isaya 66:22

Hakuva khwatsi hi lezi a matilo maswa ni misava yiswa leyi nzi ta nga yi maha, zi ta nga tsonzoma mahlweni ka mina, ku wula Jehova, zinghaho a lixaka la nwina ni vito ga nwina zi ta tshama zi hi kona. Jer. 31:35; 2 Ped. 3:13; Kuv. 21:1

Joeli 3:16

Jehova wa dzuma le Zioni, a zwata a gezu gakwe hi le Jerusalema; a tilo ni misava zi tsekatseka. Kanilezi Jehova i tava wuchavelo ga vanhu vakwe, ni khokhola ga vana va ka Israeli. Hos. 11:10; Am. 1:2

Habakuka 3:10

A zitsunga za ku wona, zi chava; Ku hunza a swinga wa mati. A kueta ku zwata a gezu ga kona, Ku tlakusa a mandla ya kona.

Hagai 2:21

Byela Zerubabeli a mwamangulu wa le Juda, uku: Nzi ta tsekatsekisa a tilo ni misava.

Hagai 2:22

Nzi ta khungumula a zitshamu za wuhosi za mifumo, nzi ta fuvisa a ntamu wa mifumo ya vamatiko; nzi ta hangalasa a tikareta ni vakhileli va tona; a mahaxi ni vakhileli va wona va ta dawa munwe ni munwani hi supado ya nakulobye.

Maheberu 12:27

A mhaka leyi yaku: A kanwe kambe, yi kombisa a kususiwa ka zilo lezi zi zi kotako ku tsekatsekiswa, kota lezi zi nga zilo zi mahilweko, kasi ku fela ku sala lezi zi nga zi kotiko ku tsekatsekiswa. Mat. 24:35; Kuv. 21:1

Valamuli 5:4

Jehova, laha u nga huma hi le Seire, A kufeni ka wena hi le tikweni ga Edome, A misava yi lo tsekatseka, a matilo ma dona, Ina, a marefu ma lo chulula mati. Ekso. 19:16; Deut. 2:3