Maheberu 12:15 - Tshwa Bible

¹⁵ Ti woneleni lezaku ku ngavi kona munhu a kiyelelwako hi tipswalo ta Nungungulu; lezaku ku nga dzuki ku mila a mutsu wa kubava wu mu karata, ni lezaku a vanyingi va nyenyeziswa ha wona. 2 Kor. 6:1

Maheberu 12:15 Mawu Ofanana

1 Tihosi 14:16

Jehova i ta nyikela va ka Israeli hi kota ya zionho za Jeroboamu, lezi a zi mahileko ni lezi a onhisileko va ka Israeli ha zona.

Eksodusi 32:21

Zonake Mosi aku ka Aroni: A vanhu lava va ku gohele yini lezi u va enghenisileko lomu xionhweni xa kunghahi?

Mavingu 4:23

Hlayisa mbilu ya wena ku hunza zontlhe, akuva yona i hlowo ya wutomi.

Isaya 5:4

Xini xinwani xi nga fanele kuva xi mahilwe xivineni xa mina Lexi nzi nga xi mahangiko ke? Laha nzi nga rinzela a kuva xi pswala mauva yo nanziha, Hikuyini xi psweleko mauva yo bava ke?

Isaya 5:7

Hakuva a xivina xa Jehova wa tiyimpi hi yindlu ya ka Israeli, Ni vanhu va ka Juda xibyalo xakwe a tsakako ha xona. I wa cuwukele nongameto, kanilezi i lo kuma kuhalatiwa ka nkhata, A cuwukela kululama, kanilezi a kuma tihuwa ta kuxaniseka.

Jeremia 2:21

Nzi lo ku byala na u hi sinya yo saseka ya vina, Ya lixaka li nene; Hikuyini makunu u hunzukileko u maha sinya ya limbe lixaka ke? Mat. 21:33; Mar. 12:1; Lu. 20:9

Luka 22:32

kanilezi mina nzi ku kombelele, lezaku a kukholwa ka wena ku nga hluleki. Wena loku u hunzulukile, tiyisa a vanakuloni. Tis. 51:13; Joh. 17:9; 21:15-17

1 Va le Korinte 10:12

Hikwalaho loyi a alakanyako lezaku i yimile, a ti wonele, a nga dzuka awa.

1 Va le Korinte 13:8

A liranzo cima li nga ta fuva. Kanilezi a kuprofeta ku ta hunza; ni ku wulawula hi tirimi ku ta mbhela; ni kutiva ku ta hunza.

1 Va le Korinte 15:33

Mu nga kohliswi; a ku tolovetana ni vakubiha ka bihisa a mahanyela ma nene.

1 Va le Korinte 5:6

A kutidzunza ka nwina a ku saseki. A mu zi tivi lezaku a comelo gi tsongwani ga vilisa mapa wontihe ke? Gal. 5:9

2 Va le Korinte 13:5

Ti hloteni wutsumbu ga nwina, mu wona loku mu hi kona kukholweni; ti kambeni wutsumbu ga nwina. Kutani a mu zi tivi nwina lezaku Jesu Kristu i kona ka nwina ke? Loku zi nga hi tano a mu na ku amukeleka. Joh. 17:23; Rom. 8:10; 1 Kor. 9:27; 11:28; Gal. 4:10

2 Va le Korinte 6:1

Kota lezi hi tirisanako naye ha mu khongotela lezaku mu nga amukeli tipswalo ta Nungungulu mahala, 1 Kor. 3:9; Xip. 5:20; Maheb. 12:15

Va le Galatia 2:13

Ni vanwani vaJuda va lo xengetela kota yena, ku kala ku hambukiswa na Barnabasi hi kuxengetela kabye.

Va le Galatia 5:4

Nwina lava mu ranzako ku hlayelwa lava va lulamileko hi nayo, mu hambene na Kristu, mu wile, a ma ha hi kona tipswalweni. Rom. 9:31; Maheb. 12:15

Va le Efesusi 5:3

Kanilezi a wubhayi ni kungahlazeki kontlhe, ni makangwa, ngha zi nga kumbukwi xikari ka nwina, a zi faneli vobasa.

Deuteronome 29:18

Ku nga dzuki kuva kona xikari ka nwina a wanuna, kutani wasati, kutani i ngango, kutani lixaka leli a mbilu ya lona yi hambukileko legi siku ga Jehova Nungungulu wa hina, aya khozela vanungungulu va matiko lawo; ku nga taku kuva kona xikari ka nwina a mutsu lowu wu humesako nyongwa ni manonwe. Miti. 8:23; Maheb. 12:15

Deuteronome 32:32

Hakuva a xivina xabye xi huma sinyeni ya Sodoma, Ni le masinwini ya Gomora; A mauva yabye mauva ya nyongwa, Zitata za wona za bava. Ezek. 16:49

Deuteronome 4:9

Ntsena lezaku ti wonele, u hlayisa khwatsi muhefemulo wa wena, kasi u nga rivali lezi u zi wonileko hi mahlo ya wena; ni lezaku zi nga dzuki zi huma lomu mbilwini ya wena ni ka gihi siku legi u hanyako; kanilezi u ta tivisa a vanana va wena ni vazukulu va wena Ekso. 19:17; Deut. 6:7

Va le Kolosi 3:5

Hikwalaho dayani a ziro za nwina za laha misaveni: a wubhayi, ni kungahlazeki, ni wurembi, ni kumbilukela ka kubiha, ni likaka, li nga kukhozela zifananiso;

Titusi 1:15

Zontlhe zi basile ka lava va basileko; kanilezi a ku na xilo xi basileko ka lava va zivi ni va nga kholwiko; a kupima kabye ni livalo labye zi nyenyezile. Lu. 11:39

Maheberu 3:12

Tlharihani vamakabye, ku nga taku yi hi kona ka munwe wa nwina a mbilu yi bihileko yi nga kholwiko, ya ku fularela Nungungulu loyi a hanyako.

Maheberu 4:1

Kota lezi a xitsumbiso xa kuenghena kuhumuleni kakwe xa ha hi ku kona, a hi chaveni lezaku ku nga sali nzhako ni munwe wa nwina.

Maheberu 4:11

Hikwalaho a hi pinyameleni a ku enghena kuhumuleni loku, kasi ku ngavi ni munwe loyi a wako hi kungaingisi ka kunghaho. Xip. 3:12, 18, 19

Maheberu 6:11

Hina ha xuva lezaku munwe ni munwani wa nwina a simamisa ku pinyama kota lezi, lezaku ava ni kutsumba ku tiyileko kala kugumeseni; Kol. 2:2; Xip. 3:6, 14

Joxua 6:18

Kanilezi nwina ti hlayiseni ka lezi zi yilako, ku nga taku mu ti nyenyezisa hi ku teka a zilo zo yila mu zi yisa wugovelweni ga ka Israeli, mu gi nehela khombo.

2 Pedro 1:10

Hikwalaho, vamakabye, pinyameleni nguvu hi ku tiyisa a kuvitanwa ni kuhlawulwa ka nwina; hakuva loku mu maha lezo, cima mu nga ta khunguvanyeka; 1 Joh. 3:19

2 Pedro 2:18

Hakuva hi ku wulawula a timhaka ta matshanza leti ti nga nyawuliko, va xengetela hi kunavela ka nyama ni wubhayi, a vanhu lava va ha ponako ka lava va hanyako kuhambukeni; Miti. 2:40; Juda 16

2 Pedro 3:11

Kota lezi zontlhe lezi zi ta nga nyamalaliswa, nwina mu fanele a kuva vanhu ba kuyini mahanyeleni wontihe yo basa ni wukhongeli!

2 Pedro 3:14

Hikwalaho, varanzekako, kota lezi nwina mu langutelako lezi zilo, chelani kota lezaku mu ta kumiwa hi yena na mu hi ni kurula, mu nga hi na bala na khwanga mahlweni kakwe. 1 Kor. 1:8; Fil. 1:10; 1 Tes. 5:23

2 Johani 1:8

Ti woneleni, lezaku mu nga lahlekelwi hi lezi mu zi tirileko, kanilezi mu amukela a nchachazelo wu teleko. Gal. 3:4