Maheberu 11:6 - Tshwa Bible

⁶ Kanilezi ahandle ka kukholwa a zi koteki ku mu tsakisa; hakuva loyi a tshinelako ka Nungungulu i yimelwe hi ku kholwa lezaku ku kona Nungungulu, ni lezaku yena wa chachazela lava va mu lavako.

Maheberu 11:6 Mawu Ofanana

Genesisi 15:1

Anzhako ka lezi zilo ni gezu ga Jehova gi lota ka Abrama hi kulora, giku: U nga chavi, Abrama! Nzi xitlhangu xa wena; a nchachazelo wa wena wa hombe nguvu.

1 Kronekele 28:9

Wena nwananga Solomoni, tiva Nungungulu wa dadani wa wena, u mu khozela hi mbilu yi basileko ni kutsaka ka muhefemulo; hakuva Jehova wa kamba timbilu tontlhe, a tiva a timhaka tontlhe ta maalakanyo ya mbilu. Loku wena u mu hlota, u ta mu kuma; kanilezi loku wena u mu tsika, yena i ta ku hoxa kule kala kupinzuka. Isa. 55:6; Jer. 11:20; Kuv. 2:23

Joba 21:14

Hambu lezi va ngaku ngalo ka Nungungulu: Suka ka hina, Hakuva a hi ranzi a ku tiva a tindlela ta wena!

Tisimu 106:24

Va lo nyenya a tiko leʼgo saseka, A va kholwangi gezu gakwe.

Tisimu 119:10

Nza ku hlota hi mbilu ya mina yontlhe, U nga nzi tsiki nzi hambuka zileletelweni za wena.

Tisimu 58:11

Zonake a vanhu va taku: Kunene, loyi a lulamileko i na ni nchachazelo; Hakunene, ku kona Nungungulu loyi a lamulako misaveni. 2 Tes. 1:5

Tisimu 73:28

Kanilezi zi nzi sasekele a ku tshama kusuhi ni Nungungulu; Nzi mahile Hosi Jehova a kuva wuchavelo ga mina, Kasi nza fela ku tlhatlhambutela a mitiro ya wena yontlhe.

Tisimu 78:22

Hakuva a va kholwangi ka Nungungulu, A va tsumbangi kuhanyiseni kakwe.

Tisimu 78:32

Hambu zi hi tano, va lo engeta va onha; Va nga kholwi a zihlamaliso zakwe.

Mavingu 11:18

A hakhelo ya wa kubiha ya khohlisa; anilezi loyi a byalako kululama i ta kuma nchachazelo wu nene. Hos. 10:12; Jak. 3:18

Mavingu 8:17

Nzi ranza lava va nzi ranzako; ava va nzi lavisisako va nzi kuma.

Isaya 55:3

Dembani tindleve, muta ka mina; Zwanani, kasi mihefemulo ya nwina ya hanya. Nzi ta maha xivumelwano xa pinzukelwa na nwina, Kasi ma amukela a tipswalo leti nzi tsumbisileko ka Davida. 2 Sam. 7:15; 1 Tih. 8:25; Miti. 13:34

Isaya 7:9

A zinza ga Efraime hi Samaria, ni hloko ya Samaria hi nʼwana Remalia. Loku mu nga kholwi, cima mu nga ta tiya.

Jeremia 2:31

Nwina va xizukulwana lexi, ingisani a mhaka ya Jehova! Xana nzi wa hi tiko ga xiwula a ka Israeli ke? Kutani kuva tiko ga munyama? Hikuyini a vanhu va mina vaku: Hi tlhatlhekile, Hi nga ta engeta hita ka wena.

Mitsengo 14:11

Zonake Jehova aku ka Mosi: A vanhu lava va ta nzi kanyisa kala rini ke? Kala rini na va nga nzi tsumbi, hambu loku nzi mahile a zihlamaliso zontlhe lezi xikari kabye?

Mitsengo 20:12

Jehova i te ngalo ka Mosi na Aroni: Kota lezi mu nga kholwangiko ka mina, mu nzi basisa mahlweni ka vanana va ka Israeli, cima mu nga ta chiketa lowu hlengeletano ka tiko legi nzi va nyikileko; gona.

Mateu 11:26

Ina, Dada, hakuva lezo zi wa sasekile mahlweni ka wena.

Mateu 5:12

Tsakani, mu nengela nguvu, hakuva ngwa hombe a nchachazelo wa nwina le tilweni; hakuva va lo xanisisa lezo a vaprofeti lava va mu rangeleko. Neh. 9:26; Miti. 5:41; 1 Ped. 4:13

Mateu 6:16

Loku mu yila, mu nga tsuvi khwatsi hi vaxengeteli, hakuva va tshuvika tinghohe tabye, kasi va fela ku wonwa hi vanhu vaku va yila. Hizinene nziku ka nwina, va sina va wu amukele a nchachazelo wabye. Isa. 58:5

Mateu 6:33

Kanilezi a kuranga lavani mufumo wakwe, ni kululama kakwe, zonake ku ta engetelwa ka nwina zontlhe lezi zilo. Tis. 37:25; Mar. 10:30; Lu. 12:31

Mateu 6:5

Laha mu khongelako, mu nge khwatsi hi vaxengeteli, lava va ranzako a ku khongela na va yimile masinagogeni ni lomu mahanzakanyeni ya maphango, kasi va fela ku woniwa hi vanhu. Hizinene nziku ka nwina, va sina va amukele a nchachazelo wabye.

Marku 16:17

A ziwoniso zi ta nga mahiwa hi lava va kholwako hi lezi: Hi vito ga mina va ta hlongola madimoni, va wulawula hi tirimi tiswa; Lu. 10:17; Miti. 2:4, 16, 18

Luka 12:31

kanilezi lavani a mufumo wakwe, zonake lezi zilo zi ta engetelwa ka nwina. Mat. 6:33

Luka 6:35

Kanilezi ranzani valala va nwina, mu va mahela kusaseka, ni ku va pemba na mu nga tsumbi ku tlheliselwa; zonake a nchachazelo wa nwina wu ta maha wa hombe, mu ta maha vana va Loyi a nga Hehla-hehla; hakuva yena i na ni tipswalo ka lava va nga bongiko ni ka lava va bihileko. Tis. 37:26; Mat. 5:45

Johani 14:6

Jesu aku kakwe: Mina nzi ndlela, ni zinene, ni wutomi; a nga kona a tako ka Dadani, loku a ngati ha mina. Xip. 1:4; 8:32; 10:9; Maheb. 9:8

Johani 8:24

Hikwalaho nzi mu byelile, lezaku mu ta fela zionhweni za nwina; hakuva loku mu nga kholwi lezaku nzi mina yena, mu ta fela zionhweni za nwina. Vesi 21; Mar. 16:16

Va le Roma 10:14

Xana va ta kombelisa kuyini ka yena loyi va nga kholwangiko kakwe ke? Ni kambe, va ta kholwisa kuyini ka yena loyi va nga zwangiko timhaka takwe ke? Xana va ta zwisa kuyini a handle ka mukaneli ke? Tit. 1:3

Va le Galatia 5:6

Hakuva ka Kristu Jesu a wutshiva ni wukhuna a zi vuni nchumu, sine a kukholwa loku ku tirako hi liranzo. Kol. 3:11; 1 Tes. 1:3; Jak. 2:18

Maheberu 11:26

I lo alakanya lezaku a kurukwa ka Kristu i pfuno wa hombe ku hunza a kufuma ka le Gipite; hakuva i wa langutela a nchachazelo.

Maheberu 3:12

Tlharihani vamakabye, ku nga taku yi hi kona ka munwe wa nwina a mbilu yi bihileko yi nga kholwiko, ya ku fularela Nungungulu loyi a hanyako.

Maheberu 4:2

Hakuva na hinawu hi kanelelwe a ivangeli, khwatsi hi vona; kanilezi vona, a mhaka leyi va nga yizwa a yi va vunangi nchumu, hakuva lava va nga yizwa a va yi amukelangi hi kukholwa.

Maheberu 4:6

Hikwalaho kota lezi vanwani va ha vumelwako a ku enghena kona, ni lava va nga kanelelwa kale a mahungu yo saseka va nga tsanzeka ku enghena hi kota ya kungaingisi,

Maheberu 7:19

(hakuva a nayo a wu mbhelelisangi nchumu), ku engheniswa a kutsumba ka chukwana, loku hi tshinelako ka Nungungulu ha kona. Miti. 13:39; Rom. 5:2; Xip. 6:18

Maheberu 7:25

Hi kota ya lezo i na ni ntamu wa ku hanyisa hi kumbheleleko vona lava va tshinelako ka Nungungulu ha yena, hakuva wa hanya xontlhe xikhati kasi ku va kombelela.

2 Pedro 1:10

Hikwalaho, vamakabye, pinyameleni nguvu hi ku tiyisa a kuvitanwa ni kuhlawulwa ka nwina; hakuva loku mu maha lezo, cima mu nga ta khunguvanyeka; 1 Joh. 3:19

2 Pedro 1:5

Hi kota ya lezi ngha mu pinyamela a kuva ni wunene kukholweni ka nwina; ni wuneneni ga nwina muva ni kutiva;

2 Pedro 3:14

Hikwalaho, varanzekako, kota lezi nwina mu langutelako lezi zilo, chelani kota lezaku mu ta kumiwa hi yena na mu hi ni kurula, mu nga hi na bala na khwanga mahlweni kakwe. 1 Kor. 1:8; Fil. 1:10; 1 Tes. 5:23

Kuvululelwa 21:8

Kanilezi a matoya, ni vangakholwiko, ni va manyala, ni vadayi, ni zibhayi, ni valoyi, ni vakhozeli va zifananiso, ni vontlhe vahembi, va ta kuma xiavelo xabye le tiveni legi gi vurako hi nzilo ni solufa; hi kona a kufa ka wumbiri. 1 Kor. 6:9; Gal. 5:19-21; Efe. 5:5

Rute 2:12

Jehova a ku tlhelisele mitiro ya wena, u amukela nchachazelo wa hombe hi ka Jehova Nungungulu wa ka Israeli, loyi u tileko hasi ka tipapa takwe kasi ku ta kuma wuponelo. Tis. 17:8; Mat. 23:37