Maheberu 11:26 - Tshwa Bible

²⁶ I lo alakanya lezaku a kurukwa ka Kristu i pfuno wa hombe ku hunza a kufuma ka le Gipite; hakuva i wa langutela a nchachazelo.

Maheberu 11:26 Mawu Ofanana

Tisimu 37:16

Lezi zi tsongwani a nga nazo a munhu a lulamileko, I chuko ku hunza leʼzo tala a nga nazo a wakubiha.

Tisimu 69:20

A kurukiwa ku panzile mbilu ya mina, ya nzi tikela; Nzi cuwukela a kuxanisekelwa, kanilezi a ku kona; Ni vatangalisi, kanilezi a nzi va kumangi.

Tisimu 69:7

Hakuva nzi cepetilwe hi kota ya wena, Nzi su koyo tingana.

Mavingu 11:18

A hakhelo ya wa kubiha ya khohlisa; anilezi loyi a byalako kululama i ta kuma nchachazelo wu nene. Hos. 10:12; Jak. 3:18

Mavingu 23:18

Lezo u tava ni masiku ma ha tako, i kutsumba ka wena cima ku nga tava ka mahala.

Isaya 51:7

Nzi ingiseni, nwina lava mu tivako kululama, Wena tiko u nga ni nayo wa mina mbilwini ya wena; Mu nga chavi ku tseketselwa hi vanhu, Ge hambu ku dzukiswa hi xiruko zabye.

Mateu 10:41

Loyi a amukelako muprofeti hi ku mu tiva lezaku muprofeti, i ta amukela a nchachazelo wa muprofeti; ni loyi a amukelako munhu wo lulama hi ku mu tiva lezaku i munhu wo lulama, i ta amukela a nchachazelo wa munhu wo lulama.

Mateu 5:12

Tsakani, mu nengela nguvu, hakuva ngwa hombe a nchachazelo wa nwina le tilweni; hakuva va lo xanisisa lezo a vaprofeti lava va mu rangeleko. Neh. 9:26; Miti. 5:41; 1 Ped. 4:13

Mateu 6:1

Ti woneleni lezaku mu nga mahi a kululama ka nwina mahlweni ka vanhu, kasi ma wonwa hi vona; loku zi nge nghaho a mu na nchachazelo ka Raru wa nwina wa le tilweni.

Luka 14:14

zonake u ta kateka, hakuva va vumala za ku ku tlhelisela ha zona; hakuva u ta tlheliselwa a kuvukeni ka valulamileko.

Luka 14:33

Zinghaho ni wihi wa nwina a nga tsikiko zontlhe lezi a nga nazo, a nga zi koti ku maha mupizani wa mina.

Mitiro 5:41

A vapostoli va lo suka hi laha hubyeni, na va tsaka hilezi va hlayelweko lava va faneleko a ku xaniseka hi kota ya vito ga Jesu. Mat. 5:12; Rom. 5:3; 2 Kor. 12:10; Fil. 1:29; Jak. 1:2

2 Va le Korinte 12:10

Hikwalaho nza xalala gomeni, ni kurukatelweni, ni kuvumaleni, ni le kuxanisweni, ni le kukaratekeni hi kota ya Kristu; hakuva loku nzi hi ni gome, hi kona nzi nga ni ntamu. Rom. 5:3; Xip. 7:4; 13:4

2 Va le Korinte 6:10

a ku khwatsi hi xanisekile, kasi lezo ha tsaka xikhati xontlhe; a ku khwatsi hi lava va vumalako, kasi lezo hi fumisa votala; a ku khwatsi a hi na nchumu, kasi lezo hi na ni zilo zontlhe.

Va le Efesusi 1:18

Ngha a woninga a mahlo ya timbilu ta nwina, kasi mu fela ku tiva lezaku xini a kutsumba loku a mu vitaneleko kona, ni lezaku gi talisa kuyini a wukosi ga tshomba yakwe xikari ka vobasa, Miti. 26:18

Va le Efesusi 3:8

Mina loyi nzi nga tsongwanyanyani xikari ka vobasa vontlhe, nzi lo nyikiwa a tipswalo leti ta ku kanela ka vamatiko a ivangeli ya titshomba ta Kristu leti ti nga kambiwiko; 1 Kor. 15:9; Kol. 1:27

Va le Filipi 3:7

Ahembalokoke, a zilo lezi zi nga hi bhinzu ka mina, nzi zi alakanyile lezaku kulahleka hi kota ya Kristu.

Maheberu 10:33

hi tlhelo hilezi mu nga hlekulwa hi kurukwa ni zixaniso, hi tlhelo ginwani hilezi mu nga hlengela ni lava va nga xanisiswa lezo. 1 Kor. 4:9; 1 Tes. 2:14

Maheberu 10:35

Hikwalaho ngha mu nga lahlekelwi hi kutiya ka nwina, loku ku nga ni nchachazelo wa hombe. Mat. 5:12

Maheberu 11:6

Kanilezi ahandle ka kukholwa a zi koteki ku mu tsakisa; hakuva loyi a tshinelako ka Nungungulu i yimelwe hi ku kholwa lezaku ku kona Nungungulu, ni lezaku yena wa chachazela lava va mu lavako.

Maheberu 13:13

Hikwalaho a hi humeni hiya kakwe lahandle ka wugovelo, na hi rwele a kurukwa kakwe. 1 Ped. 4:14

Maheberu 2:2

Hakuva loku a mhaka leyi yi nga wulawuliwa hi tingelosi yi tiyile, ni loku zihambuko zontlhe ni kungaingisi zi amukele a kutlheliselwa ku ringeneko, Miti. 7:53; Gal. 3:19

1 Pedro 1:11

na va lavisisa lezaku xikhati muni, kutani xi tava xa kuyini a xikhati lexi xi nga kombiwa hi Moya wa Kristu lowu wu nga hi ka vona, laha wu nga kustumunya hi mahlweni hi zixaniso za Kristu, ni kungangamela loku ku ta nga lanzela hi lenzhako. Isa. 53:3; Dan. 9:26; 2 Ped. 1:21

1 Pedro 4:14

Nwina mu katekile loku mu rukiwa hi kota ya vito ga Kristu; hakuva a Moya wa kungangamela, wu nga Moya wa Nungungulu, wu le hehla ka nwina.

Kuvululelwa 2:9

Nza tiva a kuxaniseka ka wena, ni wusiwana ga wena, kasi lezo u fumile, ni ku rukatelwa hi vona lava va nge ngalo vaJuda, na va nga hi vona, kanilezi na va hi va sinagoga ga Satani. Lu. 12:21; Rom. 2:17; Xip. 3:9

Kuvululelwa 3:18

Nza ku khongotela a kuva u ti xavela ka mina a nzalama yi hlutilweko hi nzilo, kasi wa fuma; ni tinguwo to basa, kasi wa ambala, ku nga woneki a tingana ta wumbyiri ga wena; ni muri wa ku tota mahlo ya wena, kasi wa wona. Isa. 55:1; Mat. 13:44; 2 Kor. 5:3

Rute 2:12

Jehova a ku tlhelisele mitiro ya wena, u amukela nchachazelo wa hombe hi ka Jehova Nungungulu wa ka Israeli, loyi u tileko hasi ka tipapa takwe kasi ku ta kuma wuponelo. Tis. 17:8; Mat. 23:37