Maheberu 10:39 - Tshwa Bible

³⁹ Kanilezi hina a hi lava va tlhelelako nzhako kulobyisweni; kanilezi hina hi vona lava va nga ni kukholwa, a ku kasi ku hanyiswa a mihefemulo ya hina. Miti. 16:31; 2 Ped. 2:20

Maheberu 10:39 Mawu Ofanana

Tisimu 44:18

A timbilu ta hina a ti ku fularelangi, Ni mikonzo ya hina a yi hambukangi ndleleni ya wena,

Mavingu 1:32

Hakuva a vo kala kupima va ta hihiritwa kupengeni kabye, i kuvuvuma ka zipumbu ku ta va lovisa.

Mavingu 14:14

Loyi wa mbilu ya gome i ta kolwa hi mahanyela yakwe; anilezi loyi a lulamileko i ta xuriswa hi lezi zi nga mbilwini yakwe.

Marku 16:16

Loyi a kholwako a bapatizwa i ta hanyiswa; kanilezi loyi a nga kholwiko i ta lamuliwa. Joh. 12:48; Miti. 2:38; Rom. 10:9

Luka 11:26

Zonake wu famba, wu ya lava a yinwani mimoya ya ntlhanu ni mimbiri yo biha ku hunza wona wutsumbu; yi enghena yi tshama kona; zonake a matshamela yo gumesa ya munhu loye rna biha ku hunza yo sangula. Joh. 5:14; Maheb. 6:4; 2 Ped. 2:20

Johani 17:12

Na nza ha hi navo, nzi lo va hlayisa vitweni ga wena, legi u nzi nyikileko gona; nzi va gongile, a ku na munwe a lovileko, saseka a nʼwana wa kulova, kasi a mitsalo yi fela ku tatiseka. Tis. 109:8; Maheb. 2:13; 1 Joh. 2:19

Johani 20:31

Kanilezi lezi zi tsalilwe, aku kasi mu fela ku kholwa lezaku Jesu hi Kristu, a Nʼwana wa Nungungulu; ni ku hi kukholwa mu fela kuva ni kuhanya vitweni gakwe. Lu. 1:4; Xip. 3:15, 16; 1 Ped. 1:8, 9

Johani 5:24

Hizinene, nziku ka nwina: Loyi a zwako a mhaka ya mina, ni ku kholwa loyi a nzi rumileko, i na ni wutomi ga pinzukelwa; zonake a ngati kulamulweni, kanilezi i humele kufeni, a enghena wutomini. Xip. 3:16, 18; 6:40, 47; 1 Joh. 3:14

Johani 6:40

Hakuva kuranza ka Dadani lezaku ni wihi loyi a cuwukako Nʼwana, a kholwa ka yena, i fela kuva ni wutomi ga pinzukelwa; ni lezaku nzi mu vuxa hi siku go gumesa. Xip. 3:15, 16; 4:14

1 Va le Tesalonika 5:9

Hakuva Nungungulu a nga hi yimiselangi a zanga, kanilezi a ku kuma kuhanyiswa hi Hosi ya hina Jesu Kristu, Rom. 9:22; 2 Tim. 2:19; 1 Ped. 2:8

2 Va le Tesalonika 2:3

Mu nga kanganyiswi hi munhu ha nchumu; hakuva a kuranga ku tava kona kutlhelela nzhako, ku wonekeliswa a Munhu wa kuonha, a nga nʼwana wa kulahleka, Dan. 7:23; Joh. 17:12; 1 Tim. 4:1; Kuv. 13:11

1 Timote 6:9

Kanilezi lava va ranzako a ku ngha va fuma, va wela kuringweni ni maphanyeni, ni kumbilukeleni kunyingi ka wupumbu ku bayisako, lezi zi nyupetako vanhu kulobyisweni ni kulahlekeni. Mat. 13:22

Maheberu 10:26

Hakuva loku hi onha ha womu anzhako ka kuva na hi tivile zinene, a wa ha hi kona a muphahlo wa zionho; Mitse. 15:30; 2 Ped. 2:20

Maheberu 10:38

Loyi a lulamileko wa mina i ta hanya hi kukholwa; Kanilezi loku a tlhelela nzhako, a muhefemulo wa mina a wu tsaki ha yena. Gal. 3:11

Maheberu 11:1

Makunu a kukholwa hi kona ku tiyisako hi zilo lezi zi languteliwako, a xikholwiso xa zilo zi nga woniwiko. Rom. 8:24

1 Pedro 1:5

nwina lava mu hlayiswako hi ntamu wa Nungungulu hi kukholwa, kasi ma kuma a kuhanyiswa loku ku longileko ku wonekeliswa xikhatini xo gumesa. Joh. 10:28

2 Pedro 3:7

Kanilezi a matilo laya ma nga kona makunu, ni misava, zi hlayiselwe nzilo hi gezu gwalego, zi gongelwa a siku ga kulamulwa ni ga kulobyiswa ka vanhu, lava va nga chaviko Nungungulu. Mat. 25:41

1 Johani 5:16

Loku munhu a wona makabye wakwe na a kari a maha a xionho lexi xi nga yisiko kufeni, ngha a mu kombelela, na Nungungulu i ta mu nyika kuhanya, loku a xionho xi hi lexi xi nga yisiko kufeni. Xi kona a xionho xi yisako kufeni, a nzi wuli lezaku ku kombelelwa xona. Joba 42:8; Jer. 7:16; Mar. 3:29

1 Johani 5:5

Himani loyi a hlulako tiko, loku ku nga hi yena loyi a kholwako lezaku Jesu i Nʼwana wa Nungungulu ke? 1 Kor. 15:57

Kuvululelwa 17:11

A xihari lexi xi nga hi kona, lexi xi nga hiko kona makunu, hi yona a hosi ya wuntlhanu ni tinharu, na yi hi yinwe ya leti ta ntlhanu ni timbiri; xiya kulobyisweni.

Kuvululelwa 17:8

A xihari lexi u xi wonileko xi wa hi kona, kanilezi a xa ha hi kona; xi lava ku huma hi lomu nkeleni wa lieswila, xiya kulobyisweni. A vaaki va misava lava a mavito yabye ma nga tsaliwangiko bhukwini ga wutomi kusukela kuvangiweni ka misava, va ta hlamala loku va wona xihari, hakuva xi wa hi kona, zonake a xa ha hi kona, kasi xi ta tlhela xiva kona. Xip. 11:7; 13:8, 10

1 Samueli 15:11

Nza ti laya hi lezi nzi nga yimisa Saule a kuva hosi, hakuva i hluwukile, a nga hlayisangi timhaka ta mina. Zonake Samueli i lo zangara, a rila ka Jehova gontlhe wusiku. Gen. 6:6