Maheberu 10:11 - Tshwa Bible

¹¹ Hakunene a mupristi munwe ni munwani i yimile masiku ni masiku kukhozeleni, a nyikela yaleyo miphahlelo kambe ni kambe, leyi yi nga zi kotiko ku susa zionho. Mitse. 28:3

Maheberu 10:11 Mawu Ofanana

Eksodusi 29:36

Siku ni siku u ta tlhava nkuzi, kasi ku maha munyikelo wa kuonha akuva nzhiho, u gi susela nanzu alati hi ku gi mahela rivalelo, u gi tota kasi ku gi basisela a ntiro.

Isaya 1:11

Yi nzi vuna yini a miphahlo ya nwina yo tala ke? ku wula Jehova. Nzi kolilwe hi minyikelo ya kuhiswa ya timhamba, ni mafura ya marole yo kuluka; a nzi xalaliswi hi nkhata wa tikuzi, ni wa tiyivana ni timhongo. Tis. 50:8; Jer. 6:20; Am. 5:21

Ezekieli 45:4

Xipanze xi basileko xa misava; xi ta lumba vapristi lava va tirako wutshanwini ga kubasa, lava va tshinelako ku ta khozela mahlweni ka Jehova. Xi tava wutshamu ga tiyindlu tabye, ni wutshamu gi basileko ga yindlu ya kubasa.

Danieli 11:31

A mabutho ma rumilweko hi yena ma ta nyenyezisa a wutshamu ga kubasa ni khokhola, va ta fuvisa a minyikelo ya kuhiswa ya simasima, va yimisa a manyalataniso ya mbangalakasa. Mitse. 28:4; Mat. 24:15

Danieli 12:11

Kusukela xikhatini lexi a minyikelo ya kuhiswa va simasima yi ta nga fuviswa, ku yimiswa a manyalataniso ya mbangalakasa, ku tava 1,290 wa masiku.

Danieli 8:11

Ina, li lo ti kulisa ni mahlweni ka Nduna ya yimpi leyo, li yi tekela a munyikelo wa kuhiswa wa simasima, ni wutshamu ga yona ga kubasa gi lo khungumulwa. Mitse. 28:3

Danieli 9:21

ina, na nza ha wulawula mikombelweni, Gabrieli a wanuna loyi nzi nga mu wonile kuranga lomu muwonisweni, i lota na a puruma hi xihatla, a ta nzi khumba hi xikhati xa munyikelo wa laha gambyeni.

Danieli 9:27

Yi ta maha xivumelwano xi tiyileko ni vanyingi ka viki ginwe. Hi khihlanya ga viki yi ta maha a miphahlelo ni minyikelo ya tinzhoho yi yima. A muhahluli i tata hehla ka tipapa ta manyalataniso ya mbalakasa, kala a tsayiselelo lowu wu yimisilweko wu chululiwa hehla ka muhahluli. Isa. 28:22; Mat. 24:15; Mar. 13:14

Mika 6:6

Nzi taya na nzi hi ni yini mahlweni ka Jehova, nzi ya ti koramisa mahlweni ka Nungungulu a tlakukileko? Nzi ta tshinela kakwe na nzi hi ni minyikelo ya kuhiswa, ni marole ya lembe ginwe ke?

Mitsengo 28:24

Mu ta nyikela lezo zilo siku ginwe ni ginwani kala 7 wa masiku, a kuva kuga ni muphahlelo wa kuhiswa wa masema yo nanziha ka Jehova. Mu ta nyikela zinwe ni munyikelo wa kuhiswa wa kala kupinzuka zinwe ni kunwa ka kona.

Mitsengo 28:3

U ta va byela uku: A miphahlo ya kuhiswa leyi mu ta nga nyikela ka Jehova hi leyi: Siku ni siku mu ta nyikela tihamba timbiri ta lembe ginwe a wukale, ti nga hiko na bawa. Wu tava munyikelo wa kuhiswa wa masiku ni masiku. Ekso. 29:38

Mitsengo 29:6

Mu ta yi nyikela zinwe ni munyikelo wa kuhiswa wa hweti, zinwe ni munyikelo wa kona wa kuga ni kunwa, kota nayo wa kona; lowu muphahlelo wa kuhiswa wa masema yo nanziha ka Jehova.

Maheberu 10:1

Kota lezi a nayo wu nga ni xiruti ntsena xa zilo zo saseka lezi zi tako, na wu nga fananisi hi kumbheleleko a xiyimo xa zona, cima a wu zi koti ku mbhelelisa vona lava va tshinelako hi miphahlelo leyi va nyikelako yona malembe ni malembe. Kol. 2:17

Maheberu 10:4

Hakuva a zi koteki lezaku a nkhata wa tikuzi ni timbuti wu susa zionho. Mika 6:6, 7

Maheberu 5:1

Hakuva ni wihi wa vapristi va hombe, loku a langilwe xikari ka vanhu, i vekiwa kasi ku yimela vanhu ka zilo za Nungungulu, lezaku a nyikela minyikelo ni miphahlelo hi kota ya zionho. Xip. 2:17; 8:3, 4

Maheberu 7:27

loyi ku nga lavekiko kakwe lezaku masiku ni masiku a humesa miphahlelo ya zionho zakwe kuranga, a tlhela a humesela ya zionho za vanhu, khwatsi hi vanwani vapristi va hombe; hakuva lezo i lo zi maha kanwe ku enela, laha a nga ti nyikela wutsumbu gakwe. Levi 9:7; 16:15; Rom. 6:10

Maheberu 8:2

loyi a khozelako lomu ndlwini yo basa yi nga tabernakeli ga zinene, legi gi yimisilweko hi Hosi, na ku nga hi munhu.

Maheberu 8:4

Makunu loku a wa hi kona misaveni ngha a nga hi mupristi, hakuva va kona lava va nyikelako minyikelo kota nayo;