Maheberu 1:2 - Tshwa Bible

² kanilezi a ka masiku laya ya kugumesa i wulawulile ka hina hi Nʼwana wakwe, loyi a nga mu yimisa a kuva xiga-tshomba ya zilo zontlhe, loyi a nga maha ha yena misava. Joh. 1:17; Mat. 21:38; 28:18; Rom. 8:17; Efe. 1:10

Maheberu 1:2 Mawu Ofanana

Genesisi 49:1

Zonake Jakobe i lo vitana a vana vakwe, aku: Tlhanganani nzi ta mu tivisa lezi zi ta nga mu humela zikhatini za ha tako.

Isaya 2:2

A masikwini yo gumesa a xitsunga xa yindlu ya ka Jehova xi ta yimiswa le xixungweni xa zitsunga, yi tlakusiwa hehla ka zitsunga zinwani; wontihe matiko ma taya kona. Jer. 3:17; Mika 4:1

Isaya 44:24

Jehova, a mutiruli wa wena, Loyi a ku wumbileko rumbyini ga nyine wa wena, i ngalo: Nzi Jehova loyi a mahako zilo zontlhe, Nzi andlele a matilo ha nzoce Nzi andlala a misava ha nzoce. Joba 9:8; Jer. 32:17

Isaya 45:12

Hi mina nzi mahileko misava, Nzi vanga vanhu hehla ka yona; I mandla ya mina ma andleleko matilo, Nzi hloma a mabutho ya wona wontihe.

Isaya 45:18

Hakuva Jehova loyi a vangileko matilo; Nungungulu wutsumbu loyi a wumbileko misava, a yi yimisa, A yi tiyisa; a nga yi mahi a kuva xiwula, Kanilezi a yi mahela kuva wutshamu go aka kona, e ngalo: Hi mina Jehova, a ku na munwani.

Jeremia 30:24

A zanga yo tshisa ya Jehova yi nga ta bohla na a nga se ku tatisa a mixuvo ya mbilu yakwe; a masikwini ma ha tako mu ta zi pimisisa.

Jeremia 48:47

Hambu lezo, nzi ta tlhelisela Moabi a vakhonwilweko vakwe masikwini ya kugumesa, ku wula Jehova. Loko hi kona a kulamulwa ka Moabi.

Ezekieli 38:16

U tata u talwa ni tiko ga mina Israeli, u kotisa refu gi fenengetako misava. Loku ku hunzile malembe yo tala nzi ta ku ruma u yalwa ni tiko ga mina, kasi a matiko ma fela ku nzi tiva, laha nzi ta nga hlawuleka ha wena Goge, mahlweni kabye.

Danieli 10:14

Makunu nzi tile ku ta ku byela lezi zi ta nga maheka ka tiko ga wena masikwini yo gumesa, hakuva muwoniso wa masiku ya le kule.

Danieli 2:28

Kanilezi i kona Nungungulu le tilweni loyi a tsetsulako a mifihlakalo, hi yena a tivisileko hosi Nebukadnezzare lezi zi ta nga maheka masikwini ma ha tako. A noro wa wena ni miwoniso leyi u yi wonileko sangweni ga wena, hi lezi:

Hosea 3:5

Anzhako ka lezo a vanana va ka Israeli va ta tlhela va hlota Jehova a Nungungulu wabye, na Davida a hosi yabye; a masikwini yo gumesa va ta chavela ka Jehova ni wuneneni gakwe. Isa. 2:2; Jer. 30:9; Mika 4:1

Mika 4:1

Masikwini yo gumesa a xitsunga xa yindlu ya ka Jehova xi ta yimisiwa hehla ka zitsunga, xi ta tlakuswa hehla ka miganga, a matiko ma ta tsombana ka xona.

Mitsengo 24:14

Makunu mina nza famba ka hina. Kanilezi ngone nzi ta ku kombisa lezi zi ta nga mahiwa hi lava vanhu lomu tikweni ga wena ka masiku ma ha tako.

Mateu 13:39

a nala loyi a nga va xwanya hi Satani; a kutshovela hi kugumesa ka tiko; ni vatshoveli hi tingelosi. Joeli 3:13; Kuv. 14:15

Mateu 17:5

Na a ha wulawula, a refu go ngangamela gi lo va khubhunyeta; a gezu gi huma refini giku: Loyi hi Nwananga a ranzekako, nzi xaleleko ha yena; mu ingiseni. Deut. 18:15; 2 Ped. 1:17

Mateu 21:38

Kanilezi a varimi, laha na va wonile a nʼwana wakwe, vaku xikari kabye: Hi yena mugi wa tshomba, ngonani, hi mu daya, higa tshomba yakwe. Tis. 2:2, 8; Joh. 11:53

Mateu 26:63

Kanilezi Jesu i lo miyela. Ni mupristi wa hombe i te ngalo kakwe: Nza ku hlambanyisa hi Nungungulu, lezaku u hi byela loku u hi Kristu, a Nʼwana wa Nungungulu. Levi 5:1; Isa. 53:7

Mateu 28:18

Zonake Jesu i lo tshinela ka vona, aku kabye: Wu nyikilwe ka mina a ntamu wontihe a tilweni ni laha misaveni; Dan. 7:13; Lu. 10:22; Miti. 2:36; Efe. 1:21; Maheb. 1:2

Mateu 3:17

Zonake ku lo zwala a gezu gi huma matilweni, giku: Loyi hi Nʼwana wa mina a ranzekako, nzi xaleleko khwatsi ha yena. Tis. 2:7; Mar. 1:11; Lu. 9:35; Joh. 12:28; Efe. 1:6

Marku 1:1

A kusangula ka ivangeli ya Jesu Kristu, a Nʼwana wa Nungungulu. Mat. 14:33; Lu. 1:35; Joh. 1:34

Marku 12:6

Yena i wa ha hi ni nʼwana munwe a ranzekako; hi kugumesa a mu ruma ka vona, aku: Va tava ni xichawo ka nʼwana wa mina.

Marku 12:7

Kanilezi a varimi va lo wulawulisana xikari kabye, vaku: Hi yena mugi wa tshomba, ngonani hi ta mu daya, higa tshomba yakwe.

Johani 1:10

Gezu gi wa hi kona misaveni, ni misava yi wa mahilwe hi yena, kanilezi misava a yi mu tivangi. Maheb. 11:3

Johani 1:14

Zonake Gezu gi lova ni miri, gi tshama xikari ka hina; hina hi lo wona kungangamela kakwe, ku nga kungangamela loku Dadani a nyikako a Nʼwana wakwe a belekilweko yece, na a tele hi wuxinji ni zinene. Isa. 40:3; Mat. 1:16; Rom. 1:3

Johani 1:3

Zilo zontlhe zi lo mahiwa hi yena; hi lahandle kakwe a ku mahiwangi nchumu xikari ka lezi zi mahilweko.

Johani 13:3

Jesu na a zi tiva ku ngalo, Dadani i wa vekile zilo zontlhe mandleni yakwe, niku i humele hi ka Nungungulu, iya ka Nungungulu, Mat. 11:27; Xip. 8:42; 16:28; Miti. 2:36; 1 Kor. 15:27; Maheb. 2:8

Johani 13:32

ni Nungungulu i ta mu dumisa a ka wutsumbu gakwe, i ta mu dumisa zalezi. Xip. 12:23; 17:1, 5

Johani 15:15

A nza ha mu vitani lezaku mu malanza; hakuva a nanza a gi zi tivi lezi zi mahiwako hi hosi ya gona; kanilezi nzi mu vitanile nziku mu maxaka, hakuva nzi mu tivisile zontlhe lezi nzi nga zizwa ka Dadani. Miti. 20:27

Johani 16:15

Zontlhe lezi a nga nazo Dadani, za mina; hikwalaho nzi ngaku ngalo, wa teka lezi zi nga za mina, a mu bikela zona. Mat. 11:27; Xip. 17:10

Johani 17:2

kota lezi u mu nyikileko ntamu hehla ka nyama yontlhe, lezaku vontlhe lava u mu nyikileko vona, a fela ku va nyika wutomi ga pinzukelwa. Dan. 7:14; Mat. 11:27; 28:18; Xip. 6:37; 1 Kor. 15:25

Johani 3:16

Hakuva Nungungulu i lo ranza tiko kota lezi, a kala a nyikela a Nʼwana wakwe a belekilweko yece, kasi ni wihi loyi a kholwako kakwe a nga lovi, kanilezi ave ni wutomi ga pinzukelwa. Rom. 5:8; 1 Joh. 4:9

Johani 3:25

Ku lo vuka a kukanetisana hi mhaka ya kuhlazeka, xikari ka vapizani va Johani ni muJuda wo kari.

Johani 5:26

Hakuva kota lezi Dadani a nga ni wutomi nzeni kakwe, hizalezo i nyikile Nʼwana a kuva ni wutomi nzeni kakwe.

Johani 5:27

I mu nyikile ntamu ku lamula, hilezi a nga Nʼwana wa munhu. Dan. 7:13, 14; Miti. 10:42

Johani 9:29

Ha zi tiva lezaku Nungungulu i wulawulile ka Mosi; kanilezi loyi munhu a hi ku tivi laha a humako ha kona. Xip. 8:14

Mitiro 10:36

Ma yi tiva a mhaka leyi a nga yi rumela ka vana va Israeli, laha a nga kanela a mahungu yo saseka ya kurula hi Jesu Kristu, loyi a nga Hosi ya vontlhe; Isa. 57:19; Kol. 1:20; Dan. 7:14; Kuv. 17:14

Mitiro 2:17

Ku ta maheka masikwini ya kugumesa, ku wula Nungungulu, Nzi ta chulula a Moya wa mina hehla ka nyama yontlhe; A varisanyana va nwina ni vanhanyana va nwina va ta profeta, A majaha ya nwina ma ta wona ziwoniso, Ni zikhosana za nwina zi ta lora miloro. Isa. 44:3; Ezek. 11:19; 36:27; Joeli 2:28; Zak. 12:10; Xip. 10:45; 21:9

Va le Roma 1:4

A kombisiwa hi ntamu lezaku i Nʼwana wa Nungungulu hi Moya wa wubaswa, hi kuvuka kakwe hi ka vafileko. Hi yena Jesu Kristu a Hosi ya hina, Miti. 13:33; Maheb. 9:14

Va le Roma 8:17

Zonake loku hi hi vana, hi zigatshomba; a zigatshomba za Nungungulu, a zigatshomba zinwe na Kristu, loku hi kari hi xaniseka zinwe naye, kasi hi fela ku kuliswa zinwe naye. Miti. 26:18

1 Va le Korinte 2:7

Hina hi wulawula a wutlhari ga Nungungulu gi nga fihlakalo, a wutlhari legi gi fihlilweko, legi Nungungulu a nga gi yimisela a wudzunzo ga hina, a tinguva na ti nga seva kona. Rom. 16:25; 2 Tim. 1:9

1 Va le Korinte 8:6

kasike ka hina i kona Nungungulu munwe, a Dadani loyi zilo zontlhe zi tako hi ka yena; na hina hi nga ka yena; ni Hosi yinwe, yena Jesu Kristu, loyi zilo zontlhe 21 nga kona ha yena, na hina hi kona hi kota ya yena. Miti. 17:28; Efe. 4:6; Fil. 2:11; Kol. 1:16

Va le Galatia 4:4

Kanilezi loku a xikhati xi tatisekile, Nungungulu i lo rumela a Nʼwana wakwe a belekilweko hi wasati na a pswalelwe lahasi ka nayo; Gen. 49:10; Isa. 7:14; Dan. 9:24; Mat. 5:17; Mar. 1:15; Joh. 1:14

Va le Efesusi 1:10

lezaku a yimisa a xaxameto a kumbheleni ka xikhati, lowu ha wona a ta nga tlhanganyisa zilo zontlhe ka Kristu, a zilo za le matilweni ni lezi za laha misaveni. 1 Kor. 3:22; Fil. 2:9; Maheb. 9:10

Va le Efesusi 3:9

ni ku kombisa ka vanhu vontlhe, va tiva a wunekwa ga fihlakalo lowu wu nga fihlilwe hi kale ka matiko ka Nungungulu, loyi a nga vanga zilo zontlhe. Tis. 33:6; Joh. 1:3; Rom. 16:25; 1 Kor. 2:7

Deuteronome 18:15

Jehova Nungungulu wa wena i ta ku vuxela muprofeti wo kota mina xikari ka vamakabye va wena, loyi mu ta mu ingisa. Joh. 1:45; Miti. 3:22; 7:37

Deuteronome 31:29

Hakuva nza zi tiva lezaku loku nzi file, mu ta ti bihisa futsi, mu hambuka ndleleni leyi nzi mu leleteleko yona; ni makhombo ma ta mu chikelela hi zikhati za ha tako; hakuva nwina mu ta maha kubiha mahlweni ka Jehova; mu ta mu zangarisa hi mitiro ya mandla ya nwina.

Deuteronome 4:30

Laha u ta ngava zikaratweni, ni loku lezi zilo zontlhe zi chikela ka wena, hi zikhati za ha tako u ta tlhelela ka Jehova Nungungulu wa wena, zonake u ta ingisa a gezu gakwe.

Maheberu 1:5

Hakuva ka yihi xikari ka tingelosi a ngaku ka yona: Wena u Nʼwana wa mina, Nyamutlha nzi ku belekile? Niku ngalo: Nzi tava Dadani wakwe, Yena i tava Nʼwananga. Tis. 2:7; Miti. 13:33; Xip. 5:5

Maheberu 1:8

Kanilezi hi Nʼwana i ngalo: Nungungulu, a xitshamu xa wena xa wuhosi xa kala kupinzuka, A nhonga ya wena ya wuhosi i nhonga ya nongameto. Tis. 45:6, 7

Maheberu 11:3

Hi kukholwa ha pima lezaku a misava yi lo vangiwa hi gezu ga Nungungulu, lezaku lezi zi woniwako zi mahilwe hi zilo zi nga wonekiko. Gen. 1:1; Tis. 33:8

Maheberu 2:3

zonake hi ta ponisa kuyini loku hi ala a kuhanyiswa ka hombe ka kunghahi ke? loku ku nga wulawulwa kuranga hi Hosi, zonake ku tiyiswa ka hina hi vona lava Va nga yizwa. Isa. 45:17; Mat. 4:17; Mar. 1:14

Maheberu 3:6

kanilezi Kristu i wa tsumbekile khwatsi hi nʼwana hehla ka yindlu ya Nungungulu. A yindlu yakwe yi nga hina, loku hi khomisisa a kutiya ka hina, ni ku kulisa a kutsumba ka hina kala kugumeseni. Mat. 24:13; 2 Kor. 6:16; Efe. 2:21, 22

Maheberu 4:14

Makunu kota lezi hi nga ni mupristi wa hombe a hunzeleleko wukulu, loyi a tsemakanyileko matilo, a nga Jesu a Nʼwana wa Nungungulu, ngha hi khomisisa a kuvumela ka hina. Xip. 3:1; 7:26

Maheberu 5:8

Hambu lezi a nga hi Nʼwana, i lo gonza kuingisa hi lezi a nga xaniseka ha zona; Fil. 2:8; Xip. 3:6

Maheberu 7:28

Hakuva a nayo wu yimisa a vanhu lava va nga ni gome a kuva vapristi va hombe; kanilezi a mhaka ya kuhlambanya leyi yi ngata hi nzhako ka nayo, yi yimisa a Nʼwana a mbhelelisilweko kala kupinzuka.

Maheberu 7:3

A nga hi na dadani, a nga hi na mamani, a nga hi na lixaka, a nga hi na kusangula ka masiku, hambu ni kugumelwa ka kuhanya kakwe, kanilezi i fanana ni Nʼwana wa Nungungulu, a simamisa a hi mupristi kala kupinzuka.

Maheberu 9:26

Loku zi wa hi lezo ngha a yimelwe hi ku xaniseka kambe ni kambe kusukela kuvangiweni ka misava; kanilezi makunu i wonekile kanwe kugumeseni ka tintanga, kasi ku fuvisa kuonha hi ku maha muphahlelo hi wutsumbu gakwe. Gal. 4:4; 1 Ped. 3:18

1 Pedro 1:20

Yena i wa yimiselwe a ntiro lowu hi mahlweni a misava na yi nga se ku vangiwa, kanilezi i lo wonekeliswa zikhatini zo gumesa hi kota ya nwina. Mat. 22:21; Gal. 4:4

2 Pedro 3:3

A kuranga tivani lezaku a masikwini ya kugumesa ku tata a vatseketseli va wulawula kutseketsela, na va famba kumbilukeleni kabye, 1 Tim. 4:1

Juda 1:18

laha va nga ku ngalo ka nwina: Hi xikhati xa kugumesa ku tava kona a vatseketseli, lava va fambako hi kumbilukela kabye ka kubiha. 1 Tim. 4:1