Luka 9:35 - Tshwa Bible

³⁵ Ni gezu gi lo huma refini, giku: Loyi hi Nʼwana wa mina, a xihlawulwa xa mina; mu ingiseni. Mat. 3:17; Miti. 3:22

Luka 9:35 Mawu Ofanana

Isaya 42:1

Languta a nanza ga mina, legi nzi gi yimelako, A hlawulilweko wa mina loyi muhefemulo wa mina wu xalalako ha yena; Nzi vekile moya wa mina hehla kakwe, I ta humesela kululama ka vamatiko. Mat. 3:17; 17:5

Mateu 12:18

Hi gona a nanza ga mina legi nzi gi hlawulileko; Xiranzwa xa mina lexi muhefemulo wa mina wu xaleleko khwatsi ha xona. Nzi ta veka Moya wa mina hehla kakwe, i taba hungu hi kulamula a ka vamatiko.

Mateu 3:17

Zonake ku lo zwala a gezu gi huma matilweni, giku: Loyi hi Nʼwana wa mina a ranzekako, nzi xaleleko khwatsi ha yena. Tis. 2:7; Mar. 1:11; Lu. 9:35; Joh. 12:28; Efe. 1:6

Marku 1:11

Ku lo huma gezu hi le tilweni, giku: Wena u Nwananga a ranzekako, nzi xalalako khwatsi ha wena. Tis. 2:7; Mat. 3:17

Luka 3:22

ni Moya wa ku Basa wu lo relela hehla kakwe hi dzumba ga tuva, ni gezu gi lo huma hi le tilweni, giku: Wena u Nʼwana wa mina a ranzekako, nzi xalele ha wena.

Luka 9:34

Laha na a ha wulawula lezo, ku lota a refu, gi ta va khubhunyeta; ku te loku va ha enghena refini va chava.

Johani 12:28

Dadani, dumisa a vito ga wena! Kwalaho ku lota gezu hi le tilweni, giku: Nzi gi dumisile, nzi ta engeta nzi gi dumisa. Mat. 3:17

Johani 3:16

Hakuva Nungungulu i lo ranza tiko kota lezi, a kala a nyikela a Nʼwana wakwe a belekilweko yece, kasi ni wihi loyi a kholwako kakwe a nga lovi, kanilezi ave ni wutomi ga pinzukelwa. Rom. 5:8; 1 Joh. 4:9

Maheberu 2:3

zonake hi ta ponisa kuyini loku hi ala a kuhanyiswa ka hombe ka kunghahi ke? loku ku nga wulawulwa kuranga hi Hosi, zonake ku tiyiswa ka hina hi vona lava Va nga yizwa. Isa. 45:17; Mat. 4:17; Mar. 1:14

Maheberu 3:15

Hakuva ka ha wuliwa ka hina ku ngalo: Nyamutlha loku muzwa a gezu gakwe, Mu nga nonohisi a timbilu ta nwina kota laha va nga nzi zangarisa.

Maheberu 5:9

na a mbhelelisilwe i lo maha a muvangi wa kuhanyiswa ka pinzukelwa, ka vontlhe lava va mu ingisako;