Luka 8:54 - Tshwa Bible

⁵⁴ Kanilezi yena i lo mu khoma hi canja, a vitana hi gezu ga hombe, aku: Nhanyana, vuka! Xip. 7:14; Joh. 11:43

Luka 8:54 Mawu Ofanana

Jeremia 31:32

Na ku nga hi ku kota a xivumelwano lexi nzi xi mahileko ni vararu vabye, A sikwini legi nzi nga va khoma hi canja nzi va humesa a tikweni ga Gipite; A xivumelwano lexi va nga xi tshova, Kasi lezo nzi wa hi nwinyi wabye, ku wula Jehova.

Mateu 9:25

Kanilezi loku xidlemo xi humesilwe, yena i lo enghena, a mu khoma hi canja; ni nhanyana i lo vuka.

Marku 1:31

I loya mu khoma hi canja, a mu vuxa, ni feveri yi lo mu tsika; yena i lo va tirela.

Marku 8:23

Yena i lo khoma a xikhumu hi canja, a xi humesa mutini; laha na a phelele a mahlo ya xona, i lo tlhateka mandla yakwe hehla ka xona, a xi wutisa, aku: Wa wona nchumu ke? Xip. 7:33

Marku 9:27

Kanilezi Jesu i lo mu khoma hi canja, a mu vuxa; yena a yima.

Luka 8:51

Laha na a chikele le ndlwini, a nga vumelangi munhu a kuva a enghena naye, ahandle ka Pedro, na Johani, na Jakobe, ni raru wa nhanyana ni nyine wakwe.

Luka 8:53

Va lo mu hleka, na va zi tiva lezaku i file.

Luka 8:55

A moya wakwe wu lo wuya, a hatla a vuka; zonake Jesu i lo laya lezaku ngha a nyikiwa zakuga.

Johani 11:43

Laha na a wulile lezo, i lo vitana hi gezu ga hombe, aku: Lazaru, huma!

Johani 5:21

Hakuva khwatsi hilezi Dadani a vuxako a vafileko a va hanyisa, hizalezo kambe a Nʼwana wa va hanyisa lava a zi ranzako. Lu. 7:14; Xip. 11:25, 43

Mitiro 9:40

Kanilezi Pedro i lo va humesa vontlhe, a khizama a khongela; zonake na a hunzulukele xirumbini, i te ngalo: Tabita, vuka! Yena i lo hafula mahlo, ni laha a nga wona Pedro, i lo vuka a tshama. Mat. 9:25; 1 Tih. 17:19-23; Xip. 7:60

Va le Roma 4:17

Kota lezi ku tsalilweko ku ngalo: Nzi ku mahile a raru wa tixaka tinyingi. I maha lezo mahlweni ka Nungungulu loyi a nga kholwa kakwe, loyi a hanyisako lava va fileko, a wulawulako hi zilo zi nga hiko kona, a ku khwatsi hi loku zi hi kona. 1 Kor. 1:28; Efe. 2:1; 1 Ped. 2:10