Luka 8:29 - Tshwa Bible

²⁹ Hakuva Jesu i wa layile a moya wa kubiha a ku huma munhwini loye; hakuva wu wa mu xanisile hi kale. Va wa mu bohile hi mangenje ni makhotso, va mu lavelela; kanilezi i lo bhewula a ziboho, a yiswa xiwuleni hi dimoni.

Luka 8:29 Mawu Ofanana

Marku 5:8

Hakuva Jesu i wa te ngalo ka yena: Wena moya wa kubiha, huma ka munhu loyi!

Luka 8:28

Laha a nga wona Jesu, i loba huwa, awa lahasi mahlweni ka yena, aku ngalo hi gezu ga hombe: I mhaka muni nzi nga nayo na wena Jesu, Nʼwana wa Nungungulu loyi a nga Hehla-Hehla? Nza ku khongotela, u nga nzi xanisi.

Luka 8:30

Jesu i lo wu wutisa, aku: Hi wena mani a vito ga wena ke? Wuku ngalo: Nzi Legioni; hakuva madimoni yo tala ma wa enghenile ka yena.

Luka 9:39

A moya wu mu khoma, lokuloku aba huwa; wu mu tsekatsekisa lezaku a pupuma kuvi; a wu vumeli ku mu tsika ni loku wu mu xanisile nguvu.

Luka 9:42

Kota lezi a nga hata, a dimoni gi lo mu puluwunzisa lahasi, gi mu tsekatsekisa hi ku bayisisako. Kanilezi Jesu i lo kawuka a moya wa kubiha, a hanyisa mufana, a mu nyikela ka raru wakwe.