Luka 8:28 - Tshwa Bible

²⁸ Laha a nga wona Jesu, i loba huwa, awa lahasi mahlweni ka yena, aku ngalo hi gezu ga hombe: I mhaka muni nzi nga nayo na wena Jesu, Nʼwana wa Nungungulu loyi a nga Hehla-Hehla? Nza ku khongotela, u nga nzi xanisi.

Luka 8:28 Mawu Ofanana

Isaya 27:1

A ka siku lego Jehova i taba hi supado yakwe yo kariha ya hombe ni ya ntamu, A tsayisa Leviatani, a nyoka yi tsutsumako, Leviatani, a nyoka yi ti kokakokako, Zonake a daya drako legi gi nga lomu bimbini. Joba 26:13; Ezek. 29:3

Mateu 8:29

Va lo kanyuluka, vaku: I mhaka muni hi nga nayo na wena, Nʼwana wa Nungungulu? U tile laha ku ta hi xanisa na xi nga se ku chikela xikhati ke?

Luka 8:27

Laha Jesu na humele muhanzeni, i lo tlhangavetwa hi munhu wa le mutini, loyi a nga hi ni dimoni; xikhati xa hombe i wa nga ambalangi tinguwo, a nga tshami ndlwini, kanilezi a tshama zilahleni.

Luka 8:29

Hakuva Jesu i wa layile a moya wa kubiha a ku huma munhwini loye; hakuva wu wa mu xanisile hi kale. Va wa mu bohile hi mangenje ni makhotso, va mu lavelela; kanilezi i lo bhewula a ziboho, a yiswa xiwuleni hi dimoni.

Jakobe 2:19

Wa kholwa lezaku Nungungulu munwe, hizona lezo; a madimoni na wonawu ma kholwa ma rurumela. Mat. 8:29; Miti. 19:15

2 Pedro 2:4

Hakuva Nungungulu a nga tsetselelangi a tingelosi leti ti nga onha, kanilezi i lo ti hoxa Gehena, a ti valela marinzini ya munyama, a kuva ti gongiwa kala kulamulweni. Joba 4:18; Lu. 8:31; Joh. 8:44

1 Johani 3:8

Loyi a onhako ngwa Satani, hakuva Satani i onhile hi le kusanguleni. Kanilezi a Nʼwana wa Nungungulu i lo wonekeliswa lezaku a fela ku mbhetisa a mitiro ya Satani. Joh. 8:44; Maheb. 2:14

Kuvululelwa 20:10

Zonake Satani, loyi a nga va khohlisa, i ta hoxwa tiveni ga nzilo ni solufa, laho ku nga kona xihari ni muprofeti wa mawunwa; va ta xaniswa mumu ni wusiku kala kupinzuka ni kupinzuka. Xip. 14:10, 11