Luka 8:24 - Tshwa Bible

²⁴ Vona va lota kakwe, va ta mu vuxa, vaku: Hosi, Hosi, ha lova. I lo vuka, a kawuka a mheho ni kuvindluka ka mati; zi lo gawuka, kuva ni malenga.

Luka 8:24 Mawu Ofanana

Tisimu 65:7

Loyi u miyetako a kugobhoza ka bimbi, A kugobhoza ka mabyandlati ya gona, Ni vilinganya ya matiko.

Isaya 50:2

A xikhati lexi nzi ngata, hikuyini ku nga hi hava muyimeli ke? Ni laha nzi nga vitana, hikuyini ku nga kala ku huma wo hlamula? Xana a woko ga mina gi komile ko kala nzi tsanzeka ku tlhatlhisa ke? Kutani nzi vumala ntamu wa ku hanyisa ke? Languta, hi kukawuka ka mina nza womisa a bimbi, A micongo nzi yi maha xiwula, kasi a zidluwani za bola, zifa hi tora, Hi kota ya ku vumala mati. Ekso. 14:21; Jox. 3:5, 16

Jeremia 5:22

Xana a mu nzi chavi ke? ku wula Jehova; mu nga ta rurumela mahlweni ka mina ke? Mina loyi nzi nga veka a seke a kuva mbhingano wa bimhi wa kala kupinzuka, lezaku gi nga zi koti ku wu hunza. Hambu loku a mabyandlati ma gobhoza hi ntamu a ma zi koti ku hlula, hambu loku gi nga dzinza-dzinza hi ntamu, cima gi nga ta hunza. Joba 26:10; Tis. 104:9

Nahume 1:4

Wa kawuka a bimbi a gi maha gipswha, a pswhisa micongo yontlhe; Baxani ni Karmeli ya ohoma, ni xitsangi xa Lebanoni xa wuna.

Mateu 14:30

Kanilezi pa a wona mheho yi tshinga, i lo chava; zonake loku a sangula ku wela i loba huwa, aku: Hosi, nzi ponise.

Mateu 8:25

Va lo tshinela kakwe; va mu vuka, vaku: Hosi, hi hanyise, ha lova.

Marku 4:39

I lo vuka, a kawuka a mheho, aku ka bimbi: Miyela, uku hwi! Ni mheho yi lo gawuka, kuva ni malenga ya hombe.

Luka 4:35

Jesu i lo mu kawuka, aku: Miyela, u huma ka yena! Laha dimoni na gi mu wisile lahasi xikari kabye, gi lo huma ka yena, na gi nga mu mahangi nchumu.

Luka 4:39

Jesu i lo korama hehla kakwe; a kawuka feveri; yi lo mu tsika, a suka zalezo, a va tirela.

Luka 5:5

Simoni i lo hlamula, aku: Hosi, hi tirile wusiku gontlhe, a hi kumangi nchumu; kanilezi hi kota ya kulaya ka wena nzi ta tlonweka tikoka.

Luka 8:25

Aku ngalo kabye: Hi kwihi a kukholwa ka nwina ke? Va lo chava, va hlamala, vaku ka munwe ni munwani: Hi yena mani, loyi a layako a timheho ni mati, zi mu ingisa ke?