Luka 7:37 - Tshwa Bible

³⁷ Laha mutini ku wa hi kona a wasati loyi a nga hi muonhi; loku a zi tivile lezaku Jesu i tshamile kugeni lomu ndlwini ya muFarisi, i lo neha a xikhudzana xa alabasteri xi nga hi ni mafura yo nuhela,

Luka 7:37 Mawu Ofanana

Mateu 21:31

Hi wihi wa lava vambiri a nga maha kuranza ka raru wakwe ke? Vaku: Hi loyi wa kuranga. Jesu aku kabye: Hizinene nziku ka nwina: A vahlengisi ni zibhayi va mu rangela ku enghena mufunweni wa Nungungulu.

Luka 18:13

Kanilezi a muhlengisi i lo yima kule, a nga tiyangi ni ku tlakusa a mahlo yakwe le tilweni, kanilezi a tiba xifuva, aku: Nungungulu, ngha u hi ni wuxinji ka mina nzi nga muonhi.

Luka 19:7

Vontlhe lava va nga zi wona va lo tsanwa, vaku: I hambukele ka munhu a nga muonhi ku ya humula kona. Mat. 9:11; Xip. 5:30

Luka 5:30

A vaFarisi ni vatsali vabye va lo tsanwa, vaku ka vapizani vakwe: Hi yini mu gako ni kunwa zinwe ni vahlengisi ni vaonhi ke?

Luka 5:32

A nzi telangi ku ta vitana a valulamileko kuhunzulukeni, kanilezi a vaonhi. Mat. 9:13; 1 Tim. 1:15

Luka 7:34

A Nʼwana wa munhu i tile, na aga, anwa; nwina muku: Langutani a munhu wa kulonzola, xidakwa, munghana wa vahlengisi ni vaonhi! Mat. 11:19

Luka 7:36

A munwe wa vaFarisi i lo mu ramba lezaku a yaga naye; Jesu i lo enghena ndlwini ya muFarisi, a tshama kugeni. Mat. 26:6; Mar. 14:3; Joh. 11:2

Johani 11:2

Hi yena Maria loyi a nga tota Hosi hi mafura, a kulula mikonzo ya yona hi misisi yakwe; hi makabye wakwe, Lazaru, loyi a nga kari a babya. Mat. 26:7; Mar. 14:3; Xip. 12:3

Johani 9:24

Zonake va lo vitana hi xikhati xa wumbiri a munhu loyi a nga hi xikhumu, vaku ngalo ka yena: Dumisa Nungungulu; ha zi tiva lezaku loyi munhu muonhi. Jox. 7:19; 1 Sam. 6:5; Vesi 16

Johani 9:31

Ha zi tiva lezaku Nungungulu a nga ingisi a vaonhi; kanilezi loku munhu a chava Nungungulu, a maha kuranza kakwe, hi yena a mu ingisako. Joba 27:9; Tis. 34:15; Mav. 1:28

Va le Roma 5:8

Kanilezi Nungungulu wa kombisa a kuhiranza kakwe hi lexi, lezaku na ha hi vaonhi Kristu i lo hi fela. Joh. 15:13; 1 Ped. 3:18

1 Timote 1:15

A mhaka leyi yi tiyile, yi fanele ku amukelwa kontlhe, lezaku Kristu Jesu i lota misaveni ku ta hanyisa vaonhi, lava mina nzi nga nhonzwa yabye. Mat. 9:13; Lu. 19:10; Rom. 5:8; 1 Joh. 3:5

1 Timote 1:9

na a zi tiva lezaku a nayo a wu vekelwangi munhu a lulamileko, kanilezi wu vekelwe a zihunza-milayo ni va nga ingisiko, lava va nga chaviko Nungungulu, ni vaonhi, ni lava va nga basangiko, ni lava va wulawulako tihlamba, a vadayi va vararu vabye ni vamamani vabye, ni vadayi va vanhu, Gal. 3:19

1 Pedro 4:18

Loku zi tsanza ka loyi a lulamileko a kuva a hanyiswa, ku ta kuyini ka loyi a bihileko ni muonhi ke?