Luka 7:21 - Tshwa Bible

²¹ Hi lexo xikhati Jesu i wa hanyisa vanyingi a tinghumbeni tabye, ni mitungu, ni ku hlongola mimoya ya kubiha, a tlhelisela kuwona ka vanyingi va nga hi zikhumu.

Luka 7:21 Mawu Ofanana

1 Tihosi 8:37

Loku ku huma ndlala lomu tikweni, kutani mitungu, ni kubola ka mavele, a humbi ni ziwungwani, ni loku a valala va vimbezela lomu tikweni legi gi nga ni miti yabye, ni loku mababyi ya tixaka ti hambeneko ma enghena;

Levi 14:48

Loku a yindlu yi tshulilwe, ni loku mupristi a hlolile a wona lezaku a sakaveti a gi anzangi lomu ndlwini, i ta wula lezaku a yindlu yi hlazekile, hakuva zi mbhelile lezi zo biha.

Mateu 4:23

Jesu i lo nzulanzula le Galilea gontlhe, na a gonzisa masinagogeni yabye, na a kanela ivangeli ya mufumo, a chuma tixaka tontlhe ta tinghumbe, ni tixaka tontlhe ta mababyi xikari ka vanhu. Xip. 24:14; Mar. 1:34; Lu. 4:14

Mateu 4:24

A wudumo gakwe gi lo zwala Siria gontlhe. Va neha kakwe vontlhe va nga kari va babya, va nga hi ni tinghumbe ti tsalangeneko ni kubayisa, na va hi ni madimoni, ni zitsuri, ni zikhurubu, i lo va hanyisa.

Marku 3:10

Hakuva i wa hanyisile vanyingi, ni vontlhe va nga hi ni tinghumbe va wo tsimbeketana kakwe, kasi va fela ku mu khumba.

Marku 5:29

Zalezo a kuphophoma ka nkhata wakwe ku lo gumesa; azwa mirini wakwe lezaku i hanyisilwe nghumbeni yakwe.

Marku 5:34

Jesu i te ngalo kakwe: Nwananga, a kukholwa ka wena ku ku hanyisile; famba hi kurula, u hanyiswa nghumbeni ya wena. Mat. 9:22; Xip. 10:52; Miti. 14:9

Luka 7:20

Laha a vavanuna va nga tile kakwe, va te ngalo: Johani Mubapatizi i hi rumile ka wena, aku; Hi wena loyi a tako ke, kutani ha ha langutela munwani?

Maheberu 12:6

Hakuva a Hosi yi tsayisa loyi yi mu ranzako, Yiba a nʼwana munwe ni munwani loyi yi mu amukelako. Tis. 94:12