Luka 6:8 - Tshwa Bible

⁸ Kanilezi yena i lo tiva a maalakanyo yabye; i te ngalo ka loye a nga hi ni canja gi lameleko: Suka, u yima laha xikari; i lo suka a yima.

Luka 6:8 Mawu Ofanana

1 Kronekele 28:9

Wena nwananga Solomoni, tiva Nungungulu wa dadani wa wena, u mu khozela hi mbilu yi basileko ni kutsaka ka muhefemulo; hakuva Jehova wa kamba timbilu tontlhe, a tiva a timhaka tontlhe ta maalakanyo ya mbilu. Loku wena u mu hlota, u ta mu kuma; kanilezi loku wena u mu tsika, yena i ta ku hoxa kule kala kupinzuka. Isa. 55:6; Jer. 11:20; Kuv. 2:23

1 Kronekele 29:17

Nungungulu wa mina, nza zi tiva lezaku wena wa hlola a mbilu, ni lezaku wena u xalaliswa hi kululama. Loku ku hi mina, nzi nyikele zontlhe lezi zilo hi kutsaka ka mbilu ya mina; ni kambe a vanhu va wena lava va nga laha, nzi va wonile hi kutsaka loku va humesa a minyikelo yabye.

Joba 42:2

Mina nza zi tiva lezaku wena wa zi kota ku maha zilo zontlhe, Ni lezaku a kuxuva ka wena a ku na ku tsanzekiswa.

Tisimu 44:21

Xana Nungungulu a wa nga zi tivangi ke? Hakuva wa tiva a mifihlakalo ya mbilu.

Isaya 42:4

A nga ta mbheta ntamu, ge ni ku karata, Kala loku a yimisile kululama laha misaveni; A matiko ya le bimbini ma ta langutela nayo wakwe.

Mateu 9:4

Jesu na a tiva kualakanya kabye, aku ngalo: Hi yini mu alakanyako kubiha timbilwini ta nwina? Tis. 139:2; Xip. 12:25; Lu. 5:22

Marku 3:3

Jesu i te ngalo ka munhu loyi a lameleko canja: Suka, u ta yima laha.

Luka 13:12

Laha Jesu a nga mu wona, i lo mu vitana, aku ngalo ka yena: Wasati, u tlhatlhilwe wubabyini ga wena.

Luka 5:22

Jesu na a tiva a maalakanyo yabye, i lo va hlamula, aku: Mu wulawulisana hikuyini a timbilwini ta nwina ke?

Luka 6:9

Jesu i te ngalo kabye: Nza mu wutisa, Ku fanele hi sabado ku maha kusaseka, kutani ku maha kubiha ke, a ku hanyisa wutomi, kutani ku gi lovisa ke?

Johani 2:25

ku wa nga laveki lezaku a tiviswa nchumu hi za munhu; hakuva a wutsumbu gakwe i wa kari a zi tiva lezi zi nga nzeni ka munhu. 1 Sam. 16:7; 1 Kro. 28:9

Johani 21:17

Aku ngalo ka yena hi xikhati xa wunharu: Simoni, nʼwana Johani, wa nzi ranza ke? Pedro i lo karateka hilezi a ngaku ngalo ka yena hi xikhati xa wunharu: Wa nzi ranza ke? Zonake aku ngalo: Hosi, wa zi tiva zontlhe; wa zi tiva lezaku ngalo nza ku ranza. Jesu aku ka yena: Gisa tiyivu ta mina. Xip. 2:24, 25; 16:30

Johani 9:4

Hi fanele a ku tira a mitiro ya loyi a nzi rumileko, na ka ha hi mumu; a wusiku gata, laha munhu a nga zi kotiko ku tira. Xip. 4:34; 5:19, 36; 11:9; 17:4

Mitiro 20:24

Kanilezi a nzi khatali nchumu hi kuhanya ka mina, a nzi wuli lezaku ku na ni lisima ka mina, kasi nza fela ku mbheta a kufamba ka mina, ni ntiro lowu nzi wu amukeleko hi ka Hosi Jesu, lezaku nzi kustumunya hi ivangeli ya tipswalo ta Nungungulu. Xip. 1:17; Rom. 8:35; 2 Kor. 4:1, 16

Mitiro 26:26

Wena hosi wa ti tiva khwatsi a timhaka leti nzi wulawulako ha tona hi kutlhatlheka; hakuva nza tsumba lezaku a ku kona ni yinwe ya tona u yi kohlwako; hakuva zontlhe lezi a zi mahiwangi wukumbini.

Va le Filipi 1:28

na mu nga dzukiswi ha nchumu hi valala. A kutiya ka nwina xikombiso ka vona xa kulobyiswa kabye, kanilezi ka nwina xi tava xa kuhanyiswa ka nwina, ni lexi xita hi ka Nungungulu. Isa. 41:10; Mat. 10:28; Rom. 8:17; Maheb. 13:5

Maheberu 4:13

Hakuva a xi kona ximahwa xi fihlilweko mahlweni ka yena; kanilezi zontlhe zi vululwe ziku dlunya mahlweni ya yena loyi hi ta nga ti hlamulela mahlweni kakwe.

1 Pedro 4:1

Kota lezi Kristu a nga xaniseka nyameni, hlomaniwo kualakanya kwaloko; hakuva loyi a xanisekileko nyameni i tsawukene ni kuonha; Gal. 5:24

Kuvululelwa 2:23

A vana vakwe nzi ta va daya hi kufa; zonake a mabandla wontihe ma ta zi tiva lezaku hi mina nzi hlolako tiswa ni timbilu, nzi ta nyika munwe ni munwani wa nwina khwatsi hi mitiro yakwe. 1 Sam. 16:7; Tis. 62:12; Rom. 2:6