Luka 6:7 - Tshwa Bible

⁷ A vatsali ni vaFarisi va lo mu xiyelela, lezaku kutani i ta mu hanyisa hi sabado; kasi va fela ku mu kumisa nanzu.

Luka 6:7 Mawu Ofanana

Tisimu 38:12

Lava va hlotako wutomi ga mina va nzi vekela maziyo; Ni lava va xuvako lezaku nzi lamatwa, va wulawula kubiha, Va alakanya kukhohlisa gontlhe siku.

Isaya 29:21

Lava va nyikako munhu nanzu hi marengu yabye, Va veka ziyo ka loyi a lamulako nyangweni, Va tshanza a mhaka ya loyi a lulamileko hi mawunwa.

Jeremia 20:10

Hakuva nzi zwile vanyingi na va nzi hleva, Matlhelweni wontihe ku kona kuchava. Vaku: Mu kecareni, hi ta mu kecara. A vanghana lava nzi toloveleneko navo Va langutela a kuwa ka mina, vaku: Kutani a nga kucetelwa, zonake hi ta mu hluthula, Kasi hi ti photela ka yena.

Mateu 5:39

kanilezi mina nziku ka nwina: Mu nga tsimbeteli loyi wa kubiha; kanilezi kani hi mani a ku phakatako a rama ga xinene, hunzuluka u mu nyika ginwani kambe. Isa. 50:6; Lu. 6:29; Rom. 12:17, 19

Marku 3:2

Va lo mu cuwukela, ku kutani i ta mu hanyisa hi siku ga sabado, kasi va fela ku mu kumisa nanzu.

Luka 13:14

Kanilezi a murangeli wa sinagoga i lo zangara hilezi Jesu a nga hanyisa hi siku ga sabado, a byela vanhu, aku: Ku na ni ntlhanu wa masiku ni ginwe laya a vanhu va faneleko ku tira ha wona; tanani ha wona mu ta hanyiswa, na ku nga hi siku ga sabado. Ekso. 20:9; Mat. 12:10; Mar. 3:2

Luka 20:20

Va lo mu xiya, va ruma tihloli, leti ti nga ti mahisa ku khwatsi ti lulamile, lezaku ti fela a ku mu hika hi kuwulawula kakwe, kasi va fela ku mu nyikela wukosini ni ntanwini wa mufumeli. Mat. 22:15

Johani 9:16

Hikwalaho a vaFarisi vanwani vaku ngalo: Loyi munhu a ngati hi ka Nungungulu, hakuva a nga hlayisi a sabado. A vanwani vaku: A muonhi a nga mahisa kuyini a ziwoniso za kunghahi ke? Ku wa hi kona kuhambana xikari kabye. Xip. 3:2; 7:12, 43; 10:19