Luka 6:38 - Tshwa Bible

³⁸ Nyikani, ku ta nyikiwa ka nwina; va ta mu nyika xifuveni xa nwina a xiringaniso xi nene, xi kanyetelweko, lexi xi kuhlungelweko xi halakela. Hakuva hi lipimo lolu mu pimelako vanwani ha lona, mu ta pimelwawu ha lona. Tis. 79:12; Mav. 19:17; Mar. 4:24

Luka 6:38 Mawu Ofanana

2 Samueli 19:36

A nanza ga wena gi ta so tlhatuka Jordani zinwe ni hosi basi; hi kuyini a hosi yi nzi chachazela kota lezo ke?

Estere 7:10

Zinghaho va lo cikita Hamani laha mhanzeni leyi a nga wa yi longisele Mordekai. Zonake a zanga ya hosi yi lo hohla.

Estere 9:25

Kanilezi laha a mhaka yi nga chikela hosini, Estere i lo rumisa lezaku ku hangalaswa mapapilo yo vukela a xikungo lexi xi nga wa bohelwe vaJuda, ni lezaku xi wela hlokweni yakwe Hamani, yena ni vana vakwe va hayekiwa timhanzeni.

Joba 42:11

Zonake ku lota kakwe vontlhe vanakulobye va xinuna ni va xisati, ni vontlhe lava a nga wa tolovelene navo, va taga zinwe naye ndlwini yakwe, va mu hlanguta mihloti, va mu chavelela kubayisekeni kontlhe loku Jehova a nga wa ku vekile hehla ka yena; a munhu ni munhu i lo mu nyika a xipanze xa mali, vontlhelele va lo mu nyika a tiphera ta nzalama. Gen. 33:19

Tisimu 79:12

Hosi, tlhelisela hi ka ntlhanu ni kumbiri a xifuveni xa vaakelwane va hina A nzhukano leyi va ku rukileko ha xona.

Eksodusi 21:24

a tihlo hi tihlo, a tino hi tino, a woko hi woko, a nenge hi nenge,

Mavingu 10:22

A zikatekiso za Jehova za fumisa munhu; ima a nga engeteli wusiwana ha zona.

Mavingu 19:17

Loyi a hawukelako zisiwana i pembisa ka Jehova; ena i ta chachazelwa hi zimaho zakwe za zi nene. Mat. 10:42; 25:40

Mavingu 22:9

A munhu loyi a nga wunene i ta kateka; akuva wa nyika xibaba xakwe ka zisiwana.

Jeremia 32:18

wena loyi u maheleko wuxinji ka makume mazana, u tlhelisa a kubiha ka vadadani zifuveni za vana vabye anzhako kabye; u wa hombe, Nungungulu nyamintamu, Jehova wa tiyimpi hi vito ga wena. Ekso. 20:5; 34:7; Deut. 5:9

Mateu 10:42

Kani hi mani a nyikako ka munwe wa lava va tsongwani a khokho ga mati yo titimela ntsena, hi ku tiva lezaku mupizani, hizinene nziku ka nwina, a nga ta lahlekelwa hi nchachazelo wakwe. Mar. 9:41; Maheb. 6:10

Mateu 7:2

Hakuva mu ta lamuliwa hi kulamula loku mu lamulako ha kona vanwani; ni xiringaniso lexi mu ringanisako vanwani ha xona, mu ta ringaniswawu ha xona. Mar. 4:24; Lu. 6:38

Marku 4:24

I te ngalo kabye: Tlharihani hi lezi mu zi zwako: Hi mpimo lowu mu pimako ha wona mu ta pimelwawu ha wona ni ku hunza. Mat. 7:2; Lu. 6:38

Luka 6:30

Mu nyike munwe ni munwani a ku kombelako; ni loyi a ku tekelako za wena, u nga tlheli u zi lava ka yena. Deut. 15:7, 8, 10; Mar. 21:26

Deuteronome 15:10

Mu nyike hi matsenya, ni loku u mu nyikile, a mbilu ya wena yi nga kanakani; hakuva hi kota ya lezo u mahileko, Jehova Nungungulu wa wena i ta ku katekisa ka yontlhe mitiro ya wena ni ka zontlhe lezi u zi mahako. 2 Kor. 9:7

Jakobe 2:13

Hakuva loyi a nga mahangiko wuxinji a nga ta mahelwa wuxinji kulamuleni; kanilezi a wuxinji gi ta ti kulisa hehla ka kulamula. Mav. 21:13; Mat. 6:15

Valamuli 1:7

Adoni-bezeki aku: 70 wa tihosi, laha ti nga wa tsemilwe titiho ta tona ta hombe ta mandla ni ta mikonzo, ti wa rolela matlhatlha lahasi ka meza ya mina. Nungungulu i nzi tlhelisela zimaho za mina. Vona va lo mu yisa le Jerusalema, laho a nga ya fela kona. Ekso. 21:23