Luka 4:8 - Tshwa Bible

⁸ Jesu i lo mu hlamula, aku: Ku tsalilwe ku ngalo: U ta khozela Hosi Nungungulu wa wena, hi yena yece u to mu tirela. Deut. 6:13; 10:20

Luka 4:8 Mawu Ofanana

2 Tihosi 19:15

Hezekia i lo khongela ka Jehova, aku: Jehova Nungungulu wa ka Israeli, loyi a tshamileko hehla ka makerubima! Hi wena wece a Nungungulu wa matiko wontihe ya misava; hi wena u nga maha a tilo ni misava. 1 Sam. 4:4; Tis. 80:2; 99:1

Tisimu 83:18

Kasi va fela ku tiva lezaku hi wena wece u nga ni vito ga Jehova, Loyi a Hunzeleleko Kutlakuka misaveni yontlhe.

Isaya 2:11

A mahlo ya matshanza ya munhu ma ta tsongahatwa, ni ku ti kukumukisa ka vanhu ku ta koramiswa; hi Jehova yece a ta nga kuliswa a ka siku lego.

Mateu 16:23

Kanilezi yena i lo hunzuluka, aku ngalo ka Pedro: Suka ka mina, Satani; u xikhunguvanyiso ka mina; hakuva a maalakanyo ya wena a hi maalakanyo ya Nungungulu, kanilezi maalakanyo ya vanhu. Rom. 8:7

Mateu 4:10

Kanilezi Jesu aku ngalo kakwe: Suka Satani; hakuva ku tsalilwe ku ngalo: Wena u ta khozela Hosi Nungungulu wa wena, hi yena yece u to mu tirela. Deut. 6:13; 10:20

Luka 4:4

Jesu i lo mu hlamula, aku: Ku tsalilwe ku ngalo: A munhu a nga ta hanya hi xibaba xoce. Deut. 8:3

Luka 4:7

Hikwalaho, loku u nzi khizamela, zontlhe lezi zi tava za wena.

Deuteronome 10:20

Chava Jehova Nungungulu wa wena, u mu khozela, u namarela kakwe, u hlambanya hi vito gakwe.

Deuteronome 6:13

U ta chava Jehova Nungungulu wa wena, u mu khozela, u hlambanya hi vito gakwe. Jer. 4:2; Mat. 4:10; Lu. 4:8

Jakobe 4:7

Hikwalaho ti koramiseni ka Nungungulu; alani Satani, zonake i ta suka ka nwina. Efe. 6:11; 1 Ped. 5:9

1 Pedro 5:9

Mu kaneteni hi kutiya kukholweni ka nwina, na mu tiva lezaku a kuxaniseka ka kunghahi ku humelela a vamakabye va nwina vontlhe va nga lomu misaveni. Miti. 14:22; Jak. 4:7

Kuvululelwa 19:10

Nzi lowa hasi mikonzweni ya yona a ku yi khozela, kanilezi yiku ka mina: Hi nga wona, u nga mahi lezo! Nzi nanza khwatsi hi wena ni vamakabye va wena lava va nga hi wukustumunyu ga Jesu. Khozela Nungungulu, hakuva a wukustumunyu ga Jesu hi moya wa kuprofeta. 1 Joh. 5:10; Xip. 22:8, 9

Kuvululelwa 22:9

Yiku ka mina: Hi nga wona, u nga mahi lezo. Nzi nanza khwatsi hi wena ni vamakabye va wena a vaprofeti, ni lava va hlayisako a timhaka ta legi bhuku: khozela Nungungulu. Xip. 19:10

1 Samueli 7:3

Zonake Samueli i lo wulawula ka yontlhe yindlu ya ka Israeli, aku: Loku nwina mu xuva ku tlhelela ka Jehova hi timbilu ta nwina tontlhe, susani xikari ka nwina a vanungungulu va matiko ni maAxtarte, mu tiyisa timbilu ta nwina ka Jehova, mu khozela yena yece; hi kona a ta nga mu tlhatlhisa mandleni ya vaFilistia. Deut. 6:4; Mat. 4:10; Lu. 4:8