Luka 4:25 - Tshwa Bible

²⁵ Mina nziku ka nwina: Ku wa hi kona tinoni to tala ka Israeli masikwini ya Elija, laha tilo gi nga wa valilwe a malembe manharu ni ntlhanu wa tihweti hi yinwe, kuva ni ndlala ya hombe tikweni gontlhe; 1 Tih. 17:9; 18:1; Jak. 5:17

Luka 4:25 Mawu Ofanana

1 Tihosi 17:1

Elija a muTixebeti wa le Gileade, i te ngalo ka Ahabi: Nzi hlambanya ha Jehova a hanyako, a Nungungulu wa ka Israeli, loyi nzi nga xitiri xakwe! A malembe lawa cima ku nga tava kona a vula hambu nzhokati, loku ku nga hi gezu ga mina. Jak. 5:17

Isaya 55:8

Hakuva a maalakanyo ya mina a hi maalakanyo ya nwina, Ge hambu a tindlela ta nwina a hi tindlela ta mina, Ku wula Jehova.

Mateu 20:15

A zi faneli a kuva nzi maha lezi nzi zi ranzako hi za mina nwinyi ke? kutani a tihlo ga wena gi bihile hilezi nzi nga nene ke? Rom. 9:21

Luka 10:21

Ka xwalexo xikhati Jesu i lo tsaka hi Moya wa ku Basa, aku ngalo: Nza ku bonga, Dadani, Hosi ya tilo ni misava, hakuva u fihlile a timhaka leti ka titlhari ni lava va pimako, u ti wonekelisa ka lava va tsongwani; Ina, Dadani, hakuva u wa ranza ku maha lezo.

Va le Roma 9:15

Hakuva yena i te ngalo ka Mosi: Nzi ta mu zwela wusiwana loyi nzi mu zwelako wusiwana; nzi ta mu mahela wuxinji loyi nzi mu mahelako wuxinji. Ekso. 33:19

Va le Roma 9:20

Munhu nzi wena, u mani wena u ta nga kanetisana na Nungungulu ke? Xana a mbita yi ngaku ka loye a yi wumbileko: Hi yini u nzi wumbisileko lezi ke? Isa. 29:16; 45:9; 64:8

Va le Efesusi 1:11

Ka Kristu hi nyikilwe a tshomba ya hina, hina lava hi yimiselweko yona hi kale, kota a kuxuva ka yena loyi a tirako zilo zontlhe hi khungo ga kuranza kakwe; Isa. 46:10; Rom. 8:17

Va le Efesusi 1:9

I lo hi tivisa a mifihlakalo ya kuranza kakwe kukotisa a kuxuva kakwe loku a ku xuvileko, Kol. 1:26; 2 Tim. 1:9

Jakobe 5:17

Elija i wa hi munhu a nga hi ni mahanyela yo kota hina, i lo kombela ni ku khongela lezaku yi ngani vula; a yi nangi misaveni a malembe manharu ni ntlhanu wa tihweti ni yinwe. 1 Tih. 17:1; Miti. 14:15

Kuvululelwa 11:6

Vona va na ni ntamu wo vala tilo, lezaku a vula yi ngani masikwini lawo va profetako ha wona; va na ni ntamu a ku hunzula mati ma maha nkhata; ni wa kuba misava hi zixaniso zi tsalangeneko, kota lezi va zi ranzako. Ekso. 7:19; Jak. 5:17