Luka 4:1 - Tshwa Bible

¹ Jesu na a tele hi Moya wa ku Basa, i lo suka Jordani, a yiswa hi Moya le xiwuleni Mat. 4:1; Mar. 1:12

Luka 4:1 Mawu Ofanana

1 Tihosi 18:12

Loku nzi sukile, ku ta si dzuka kuta a Moya wa Jehova wu ta ku tlakula wu ku yisa laha nzi nga ku tiviko; nzi tava nzi tivisile Ahabi, a wuya a nga ku kumi, zonake a nzi daya. Kasilezo a nanza ga wena ga chava Jehova kusukela wunwananeni gakwe. 2 Tih. 2:16; Miti. 3:39

1 Tihosi 19:4

kanilezi yena i lo famba a pfhuka wa siku gontlhe aya xiwuleni; i lo ya chikela a tshama lahasi ka sinyana, a kombela kufa, aku: Zi ringene! Jehova, teka muhefemulo wa mina, hakuva a nzi va hunzi kululama a vadadani va mina! Jona 4:3

Isaya 61:1

A Moya wa Hosi Jehova wu le hehla ka mina, Hakuva Jehova i nzi totile akuva nzi kanela a mahungu yo saseka ka lava va vumalako; I nzi rumile a ku chuma lava va nga ni timbilu ti tshovekileko, Ni kuba hungu ga kutlhatlheka ka laʼva bohilweko, Ni kutlhatlhiswa ka tiperesu; Mat. 11:5; Lu. 4:18

Ezekieli 3:14

Zonake a moya wu to nzi tlakula, wu nzi susa. Nzi lo famba hi kukarateka na nzi hiseka moyeni wa mina, ni canja ga Jehova gi wa tira hi ntamu hehla ka mina.

Mateu 3:16

Jesu laha na a bapatizilwe i lo huma zalezo hi lomo matini, languta, a tilo gi lo vululeka, a wona Moya wa Nungungulu wu relela kota tuva hehla kakwe. Isa. 11:2; Mar. 1:10; Lu. 3:22

Luka 2:27

Yena i lo yiswa tempeleni hi Moya; ni laha a vapswali va nga enghenisile a nwanana Jesu, kasi va fela ku maha ha yena kota a mukhuwo wa nayo, Mat. 4:1

Luka 3:3

I loya tikweni gontlhe gi renzelekeleko Jordani, na a kanela a kubapatizwa ka kuhunzuluka, kasi vanhu va tsetselelwa zionho; Mat. 3:1; Mar. 1:4; Xip. 1:77

Luka 3:38

wa Enosi, wa Sete, wa Adamu, wa Nungungulu. Gen. 5:1, 2

Luka 4:14

Jesu i lo tlhelela Galilea hi ntamu wa Moya; ni wudumo ga yena gi la su ga fenemete tikweni gontlhe ga leyo. Mat. 4:12; Joh. 4:43; Miti. 10:37

Luka 4:18

A Moya wa Hosi wu le hehla ka mina, Hakuva yi nzi totile a kuva nzi kanela a mahungu yo saseka ka lava va vumalako; Yi nzi rumile a kuba hungu hi kutlhatlhiswa ka laʼva bohilweko, Ni kutlheliselwa kuwona ka zikhumu, Ku tlhatlhisa lava va giswako mbhukutsa, Isa. 61:1

Johani 1:32

Johani i lo kustumunya aku: Nzi wonile a Moya wu relela hi le tilweni kota tuva, wu tshama hehla kakwe. Mat. 3:18

Johani 3:34

Hakuva loyi Nungungulu a mu rumileko, i wulawula timhaka ta Nungungulu; hakuva Nungungulu a nga nyiki Moya hi lipimo. Lu. 7:16; 24:19; Xip. 1:16

Mitiro 1:2

ku kala siku lego a nga tlakuselwa tilweni, anzhako ka kuva a layile hi Moya wa ku Basa a vapostoli lava a nga va hlawulile. 1 Tim. 3:16; Maheb. 1:3

Mitiro 10:38

yaku ngalo: Nungungulu i lo tota Jesu wa le Nazareta hi Moya wa ku Basa ni ntamu; loyi a nga nzulanzula a maha kusaseka, a hanyisa vontlhe lava va nga tsimbeketwa hi Diabolus; hakuva Nungungulu i wa hi naye. Lu. 4:18; Joh. 3:2; Xip. 4:27

Mitiro 8:39

Laha va nga humele matini, a Moya wa Hosi wu lo wutla Filipu; ni nduna a ya ha mu wonangi kambe, hakuva yi lo simama ndleleni ya yona na yi tsakile. 1 Tih. 18:12; Ezek. 3:12