Luka 3:11 - Tshwa Bible

¹¹ I lo hlamula aku ngalo kabye: Loyi a nga ni mabhaji mambiri ngha aha loyi a vumalako, ni loyi a nga ni zakuga, a mahewo Zalezo. 2 Kor. 8:14; Jak. 2:15, 16

Luka 3:11 Mawu Ofanana

Ezekieli 18:7

loyi a nga onhelangiko munhu, loyi a tlhelisileko a seve wa loyi a nga hi ni nanzu, loyi a nga wutliko nchumu, loyi a phamelako loyi a nga ni ndlala, a hanzulela loyi a nga ni wuna; Ekso. 22:26; Deut. 24:10; Mat. 25:35

Danieli 4:27

Hikwalaho wena hosi, amukela wusungukati ga mina, susa a zionho za wena hi ku maha kululama, ni zigoho za wena hi ku hawukela lava va vumalako; kutani ku ta kuva a kukateka ka wena ku simama.

Mateu 25:40

A Hosi yi ta hlamula yiku ka vona: Hizinene nzi ngalo ka nwina: Kota lezi mu zi mahileko ka munwe wa lava vamakabye va mina va tsongwani, mu zi mahile ka mina. Mav. 14:31; Mar. 9:41; Maheb. 6:10

Luka 11:41

Kanilezi nyikani zinyikiwo ka zisiwana hi lezi zi nga za lomo nzeni; zonake zontlhe zi tava zi hlazekile ka nwina. Isa. 58:7; Dan. 4:27; Xip. 12:33

Luka 18:22

Laha Jesu na zi zwile, i te ngalo kakwe: Wa ha vumala xilo xinwe; xavisa zontlhe lezi u nga nazo, u avela zisiwana, wena u tava ni tshomba le tilweni; zonake ngona u nzi lanzela. Mat. 6:19, 20; 1 Tim. 6:19

Luka 19:8

Kanilezi Zakeu i lo yima, aku ngalo ka Hosi: Languta, Hosi, nzi pambulela zisiwana a khihlanya ga zilo za mina, ni loku nzi ngha nzi mu kalavele xilo munhu, nzi ta xi tlhelisela na xi engetelwe ka mune. Ekso. 22:1; 1 Sam. 12:3; Xip. 3:14

Johani 13:29

Hakuva a vanwani va lo alakanya lezaku, lezi Judasi a nga khoma xikhwama, Jesu a mu byela ku, Xava lezi hi zi lavako mubuzweni, kutani ku ya nyika nchumu ka zisiwana. Xip. 12:6

Mitiro 10:2

I wa hi munhu a pinyamileko kukhongeleni, loyi a nga chava Nungungulu zinwe ni yindlu yakwe yontlhe; i wa bana nguvu ka zisiwana, ni xontlhe xikhati i wa khongela ka Nungungulu. Gen. 18:19; Xip. 22:12

Mitiro 10:31

aku: Korneliu, a mikombelo ya wena yi zwilwe, ni kuhana ka wena ka tibyiwa mahlweni ka Nungungulu. Dan. 10:12; Maheb. 6:10

Mitiro 10:4

I lo yi cuwukisisa hi kuchava, aku ngalo: Mahungu muni, Hosi? Yona yiku ngalo kakwe: A mikhongelo ya wena ni kuhana ka wena zi yile ziya maha xialakanyiso mahlweni ka Nungungulu. 2 Kro. 7:15; Tis. 65:2

Va le Efesusi 4:28

Ngha loyi a nga hi khamba a nga ha yivi kambe; kanilezi a ti karate a tira lezi zi sasekileko hi mandla yakwe, kasi a fela kuva nazo zo nyika loyi a vumalako.

1 Timote 6:17

Laya vona lava va fumileko laha misaveni, lezaku va nga ti kukumukisi, va nga tsumbi kufumeni ku nga tiyangiko, kanilezi va tsumba Nungungulu, loyi a hi nyikako zilo zontlhe hi matsenya lezaku hi tsaka ha zona.

1 Timote 6:18

Va laye lezaku va maha zo saseka, va fuma hi mitiro yi nene, va ranza ku avela vanwani a zilo zabye, va hana;

Maheberu 6:10

Hakuva Nungungulu a hi loyi a nga lulamangiko wo kala a rivala a mitiro ya nwina, ni liranzo leli mu nga li kombisa vitweni gakwe, laha mu nga vunetela lava vo basa, kota lezi ma ha vunetelako ni zalezi. Mat. 10:42; Joh. 13:20; 1 Tes. 1:3

Jakobe 1:27

A kukholwa ku basileko, loku ku nga hiko na kusoleka mahlweni ka Nungungulu wa hina a Dadani, hi loku: A kuya kamba zisiwana ni tinoni kuxanisekeni kabye, ni ku ti hlayisa a nga hi na bala hi za tiko. Isa. 1:16; Mat. 25:36; Rom. 12:2

Jakobe 2:14

Vamakabye va mina, xana zi vuna yini loku munhu aku i na ni kukholwa, kanilezi a nga hi na mitiro? A kukholwa ka kunghaho ku nga mu hanyisa ke? Mat. 7:26; Xip. 1:23

1 Johani 3:17

Kanilezi kani hi wihi a nga ni zilo za tiko legi, a wona makabye na a vumala, a nga mu hawukeli, a liranzo la Nungungulu li nga tshamisa kuyini ka yena? Deut. 15:7; Lu. 3:11

1 Johani 4:20

Loku munhu a wula aku: Nza mu ranza Nungungulu, na a venga makabye wakwe, wa hemba; hakuva loyi a nga ranziko makabye wakwe loyi a mu wonako, a nga zi koti ku ranza Nungungulu loyi a nga mu woniko. Xip. 2:4