Luka 24:44 - Tshwa Bible

⁴⁴ Aku ngalo kabye: Hi tona timhaka leti nzi nga ti kanela ka nwina, laha nzi nga wa ha hi na nwina, nziku: Timhaka tontlhe leti ti tsalilweko ha mina nayweni wa Mosi, ni ka vaprofeti, ni lomu ka Tisimu, ti fanele ku tatiseka. Mat. 16:21; Mar. 8:31

Luka 24:44 Mawu Ofanana

Genesisi 14:18

Melkizedeki a hosi ya le Salema, i lo neha a kuga ni vinya, i wa hi mupristi wa Nungungulu wa le Hehlahehla. Tis. 110:4; Maheb. 7:1

Genesisi 22:18

Ni lezaku hi pswalo wa wena a matiko wontihe ya misava ma ta katekiswa, hakuva wena u lo ingisa a gezu ga mina. Miti. 3:25; Gal. 3:8

Genesisi 3:15

Nzi ta veka livengo xikari ka wena ni wasati, ni xikari ka pswalo wa wena ni pswalo wa wasati; i ta ku gandla a hloko, na wenawu u ta mu luma a xirenze xakwe. Rom. 16:20; Maheb. 2:14; 1 Joh. 3:8

Genesisi 49:10

A wuhosi Cima gi nga ta suka ka Juda, Ni nhonga ya wuhosi xikari ka milenge yakwe, A kala a chikela Xilo, Zonake ni vamatiko va ta mu ingisa.

Tisimu 118:22

A ribye legi gi nga aliwa hi vaaki, Gi mahile a hloko ya magumo. Isa. 28:16; Mat. 21:42; 1 Ped. 2:4

Isaya 28:16

Hikwalaho Hosi Jehova i ngalo: Langutani, nza veka a ribye giva xiseketelo le Zioni, A ribye gi ringilweko, a ribye ga magumo, ga lisima, a xiseketelo xi tiyileko; Loyi a gi tsumbako a nga ta tsutsuma. Tis. 118:22; Mat. 21:42; Rom. 9:33

Isaya 52:13

Langutani, a nanza ga mina gi ta humelela, I ta kuliswa, a dzunziwa, a tlakuswa hehla. Miti. 2:33; Fil. 2:9

Isaya 7:14

Hikwalaho yona Hosi wutsumbu yi ta mu nyika muwoniso: A nhwana i ta xura nyimba, a pswala nisanyana, i ta chula vito ga yena Immanueli. Mat. 1:23; Lu. 1:31

Isaya 9:6

Hakuva hi pswalelwe nʼwana, hi nyikilwe a nisanyana, A wuhosi gi vekilwe makatleni yakwe; Yena i ta vitanwa ku Sungukati gi Hlamalisako, Nungungulu Nyamintamu, Dadani wa Pinzukelwa, Hosi ya Kurula. Lu. 1:31; Rom. 8:32; Efe. 2:14

Jeremia 23:5

A masiku mata, ku wula Jehova, lawo nzi to vuxela Davida a Hluke gi lulamileko. I tava hosi ya ngoma, a humelela, yena i ta lamula hi nongameto ni kululama lomu tikweni.

Jeremia 33:14

Ma hata masiku, ku wula Jehova, lawo nzi to tatisa a mhaka yi nene nzi yi wulileko hi yindlu ya ka Israeli ni xungetano hi yindlu ya ka Juda.

Ezekieli 17:22

Hosi Jehova i ngalo: Mina nzi ta teka a choka ya maravi yo gumesela ya sedare, nzi yi veka; nzi ta khatlula a hluke ginwe go olova nzi gi byala le hehla ka xitsunga xo tlakuka.

Ezekieli 34:23

Nzi ta yimisa murisi munwe hehla ka tona, i ta ti risa, yena a nanza ga mina Davida; i ta ti risa, ava murisi wa tona. Joh. 10:11; Maheb. 13:20; 1 Ped. 2:25

Danieli 2:44

A masikwini ya tihosi leto, Nungungulu wa le tilweni i ta vuxa a mufumo wu to kala wu nga lobyiswi, ni wuhosi ga wona cima gi nga ta nyikelwa ka ginwani tiko. Wu ta panza wu lovisa yontlhe mifumo leyi, wona wu ku tsonzoma kala kupinzuka. Mika 4:7; Lu. 1:33; 1 Kor. 15:24

Danieli 7:13

Lomu miwonisweni ya wusiku nzi lo wona a munwe loyi a fananako ni nʼwana wa munhu na ata hi marefu ya tilo, ata ka wakale hi masiku, a yisiwa mahlweni kakwe. Mat. 16:27; 24:30; Mar. 14:62

Hosea 3:5

Anzhako ka lezo a vanana va ka Israeli va ta tlhela va hlota Jehova a Nungungulu wabye, na Davida a hosi yabye; a masikwini yo gumesa va ta chavela ka Jehova ni wuneneni gakwe. Isa. 2:2; Jer. 30:9; Mika 4:1

Amosi 9:11

Hi siku lego nzi ta vuxa a tenda ga Davida legi gi wileko, nzi lema a tifa ta gona; nzi ta vuxa marumbi yakwe, nzi ta gi aketa khwatsi hi lezi gi nga hi zona kale;

Zakaria 12:10

Nzi ta chulula a moya wa wunene ni wa mikhongelo hehla ka yindlu ya ka Davida ni hehla ka vaaki va Jerusalema; zonake va ta cuwuka ka mina loyi va nzi tlhavileko. Va ta mu rilela kukotisa loku va rilela a nʼwana wabye wa munwe, va ta mu karatekela, khwatsi hi loku va karatekela a matewula yabye. Joh. 19:37; Kuv. 1:7

Zakaria 13:7

Supado! Vukela a murisi wa mina, a munhu wa ka hina, ku wula Jehova wa tiyimpi. Bana murisi, a tiyivu ti ta hangalaka; nzi ta nawuluta a canja ga mina hehla ka lava va tsongwani. Mat. 26:31; Mar. 14:27

Zakaria 14:4

Hi siku lego i ta yima hi mikonzo yakwe le xitsungeni xa maOliva, kusuhani ni Jerusalema hi tlhelo ga Muhuma-gambo; a xitsunga xa maoliva xi ta avanyeka hi laha xikari, ku sukela tlhelo ga Muhuma-gambo kala Mupela-gambo. Laho ku tava kona a nzhelelo wa hombe, a khihlanya ginwe ga xitsunga gi ta tshinela Nwalungu, a ginwani gi tshinela Dzongeni.

Zakaria 6:12

uku ka yena: Jehova wa tiyimpi i ngalo: Languta, a wanuna loyi a vito gakwe a nga Hluke, i ta mita wutshanwini gakwe, a aka a yindlu ya Jehova. Isa. 11:1; Jer. 23:5; 33:15

Zakaria 9:9

Tsaka nguvu, nhanyana wa le Zioni! Bana mikulungwani, wena nhanyana wa le Jerusalema. Languta, a hosi ya wena yata ka wena. I lulamile, i na ni kuhlula; ngwa ku ti koramisa, i khilele a mbongola, a role ga pswele ga mbongola. Isa. 12:6; Mat. 21:5; Joh. 12:15

Mitsengo 21:8

Jehova i te ngalo ka Mosi: Maha a nyoka yo tshisa u yi hayeka laha mhanzeni, kasi loku munhu a lumiwa hi nyoka, i ta cuwuka ka nyoka leyi ya suku, a hanya.

Mitsengo 35:25

Ni tlhangano wu ta tlhatlhisa mudayi canjeni ga muphoteli, ni mutlhangano wu ta mu tlhelisela mutini wa wuponelo lowu a nga tsutsumela ka wona. Yena i ta tshama lomo kala kufa ka mupristi wa hombe loyi a totilweko hi mafura ya kubasa.

Mateu 1:22

Makunu zontlhe lezi zi mahekile aku kasi ku fela ku tatiseka lezi a Hosi yi nga wula hi muprofeti, ku ngalo:

Mateu 16:21

Hi xikhati lexo Jesu i lo sangula ku tivisa a vapizani vakwe lezaku i fanele kuya Jerusalema, a ku ya xaniseka nguvu hi masingalakati, ni vapristi va hombe, ni vatsali, a dayiwa, a tlhela a vuka hi siku ga wunharu. Mar. 8:31; Lu. 9:22

Mateu 26:54

Zonake yi ta tatiseka hikuyini a mitsalo, yi nge ngalo zi fanele ku maheka lezi ke? Isa. 53:7

Mateu 26:56

Kanilezi zontlhe lezi zi maheka, kasi ku fela ku tatiseka a mitsalo ya vaprofeti. Zonake a vapizani vontlhe va lo mu siya, va tsutsuma. Jesu a lamuliwa hi mupristi wa hombe.

Marku 9:31

hakuva i wa gonzisa vapizani vakwe, aku kabye: A Nʼwana wa munhu i ta nyikelwa mandleni ya vanhu, va ta mu daya; laha na a delwe i ta tlhela a vuka anzhako ka masiku manharu. Mat. 17:22; Lu. 9:44

Luka 21:22

Hakuva lawa hi masiku ya kuphota, kasi zontlhe lezi zi tsalilweko zi fela ku tatiseka. Dan. 9:26; Zak. 11:1

Luka 22:37

Hakuva nziku ka nwina: Ku fela ku tatiseka ka mina lezi zi tsalilweko ku ngalo: I hlayelwe zinwe ni vaonhi; hakuva lezi zi kanelweko ha mina za tatiseka makunu. Isa. 53:12; Mar. 15:28

Luka 24:46

aku ngalo kabye: Ku tsalilwe lezaku Kristu i ta xaniseka, a tlhela a vuka hi ka vafileko hi siku ga manharu; Tis. 22; Isa. 53:2; Miti. 17:3

Luka 9:22

aku: Nʼwana wa munhu i yimelwe hi ku xaniseka nguvu, ni ku aliwa hi masingalakati, ni vapristi, va hombe, ni vatsali; a dawa, a tlhela a vuka hi siku ga manharu. Mat. 16:21; 17:22

Luka 9:44

Ngha timhaka leti ti tikirela tindleveni ta nwina lezaku, Nʼwana wa munhu i ta nyikelwa mandleni ya vanhu. Mat. 17:22

Johani 3:14

Kukotisa lezi Mosi a nga tlakusa a nyoka xiwuleni, hizalezo Nʼwana wa munhu i fanelwe ku tlakuswa; Mitse. 21:9

Johani 5:39

Mu kamba mitsalo, hakuva mu alakanya lezaku ka yona mu ta kuma a wutomi ga pinzukelwa; yona hi yona yi kustumunyako hi mina. Isa. 8:20; Lu. 16:29; 24:27

Johani 5:46

Hakuva loku mu wa kholwa hi Mosi, ngha na mu kholwa hi mina; hakuva yena i tsalile hi mina. Gen. 3:15; 22:18; Deut. 18:15

Mitiro 13:33

lezaku Nungungulu i xi tatisile ka hina, vana vabye, hilezi a nga vuxa Jesu; kota lezi ku tsalilweko lomu ka Lisimu la wumbiri, ku ngalo: Wena u Nʼwana wa mina, nzi ku psweleko nyamutlha. Tis. 2:7; Maheb. 5:5

Mitiro 13:40

Hikwalaho ti woneleni, lezaku ku nga dzuki ku wela hehla ka nwina lezi zi tsalilweko mabhukwini ya vaprofeti, ku ngalo: Hab. 1:5

Mitiro 2:27

Hakuva u nga ta tsika a muhefemulo wa mina le Hayidesi, Ge hambu ku tsika a Wakubasa wa wena a wona kubola. Lu. 1:35

Mitiro 3:18

Kanilezi Nungungulu i zi tatisile lezo, lezi a nga zi tivisile kale hi milomu ya vaprofeti vontlhe, lezaku, Kristu wakwe i ta xaniseka. Tis. 22; Isa. 50:6; 53:5; Dan. 9:26; 1 Ped. 1:10

Mitiro 7:37

Hi yaloye Mosi a ngaku ngalo ka vanana va ka Israeli: Nungungulu i ta mu vuxela a muprofeti wo kota mina xikari ka vamakabye va nwina. Deut. 18:15

Maheberu 10:1

Kota lezi a nayo wu nga ni xiruti ntsena xa zilo zo saseka lezi zi tako, na wu nga fananisi hi kumbheleleko a xiyimo xa zona, cima a wu zi koti ku mbhelelisa vona lava va tshinelako hi miphahlelo leyi va nyikelako yona malembe ni malembe. Kol. 2:17

Maheberu 3:5

Mosi hizinene, i wa tsumbekile lomu ndlwini yontlhe ya Nungungulu khwatsi hi nanza, lezaku a kustumunya hi lezi zi ta nga wulawulwa hi lenzhako; Ekso. 14:31; Jox. 1:2

Maheberu 7:1

Melkizedeki loyi a nga hi hosi ya le Salema, tlhelo mupristi wa Nungungulu a nga Hehla-hehla, yena i lo tlhangana na Abrahama na a wuya hi le ko daya tihosi, a mu katekisa. Gen. 14:18

Maheberu 9:8

A Moya wa ku Basa wu kombisa hi lezi, lezaku a ndlela ya ku enghena lomu Wutshanwini go Basabasa a yi se ku vululiwa, a tabernakeli go ranga na ga ha yimile. Joh. 14:6

1 Pedro 1:11

na va lavisisa lezaku xikhati muni, kutani xi tava xa kuyini a xikhati lexi xi nga kombiwa hi Moya wa Kristu lowu wu nga hi ka vona, laha wu nga kustumunya hi mahlweni hi zixaniso za Kristu, ni kungangamela loku ku ta nga lanzela hi lenzhako. Isa. 53:3; Dan. 9:26; 2 Ped. 1:21

Kuvululelwa 19:10

Nzi lowa hasi mikonzweni ya yona a ku yi khozela, kanilezi yiku ka mina: Hi nga wona, u nga mahi lezo! Nzi nanza khwatsi hi wena ni vamakabye va wena lava va nga hi wukustumunyu ga Jesu. Khozela Nungungulu, hakuva a wukustumunyu ga Jesu hi moya wa kuprofeta. 1 Joh. 5:10; Xip. 22:8, 9