Luka 24:30 - Tshwa Bible

³⁰ Ku te laha a nga wa tshamile navo kugeni, i lo teka xibaba, a xi katekisa, a xi khema, a nyika kabye. Mat. 14:19

Luka 24:30 Mawu Ofanana

Mateu 14:19

Loku a byelile zidlemo a ku tshama lahasi byanyini, i lo teka a ntlhanu wa zibaba ni zidluwani zimbiri, a cuwuka tilweni a zi katekisa, a khema zibaba a zi nyika ka vapizani, a vapizani va avela zidlemo.

Mateu 15:36

Zonake i lo teka a ntlhanu wa zibaba ni zimbiri ni zidluwani za kona, a bonga, a zi khema, a nyika vapizani, ni vapizani va avela zidlemo. Xip. 14:19; Lu. 22:19

Mateu 26:26

Na va kari vaga, Jesu i lo teka xibaba, a khesa, a xi khema; i lo nyika vapizani aku: Tekani, muga; lexi hi miri wa mina. Mar. 14:22; 1 Kor. 11:23-25; 10:16

Marku 14:22

Laha va nga haga, Jesu i lo teka xibaba; loku a xi katekisile, i lo xi khema, a va nyika, aku: Tekani, lexi hi miri wa mina. Mat. 26:28; Lu. 22:19; 1 Kor. 11:23

Marku 6:41

Jesu i lo teka a ntlhanu wa zibaba ni zidluwani zimbiri, a cuwuka tilweni, a zi katekisa ni ku khema zibaba; zonake i lo nyika ka vapizani ku zi avela ka vanhu, ni zidluwani zimbiri i lo zi avanyisa xikari ka vona vontlhe. 1 Sam. 9:13; Mat. 26:26

Marku 8:6

I lo laya xidlemo ku tshama hasi; zonake i lo teka a ntlhanu wa zibaba ni zimbiri, a khesa, a zi khema, a nyika ka vapizani vakwe, kasi ku avela ka vanhu; va lo zi veka mahlweni ka xidlemo.

Luka 22:19

Yena i lo teka xibaba, laha na a bongile, i lo xi khema, a va nyika, aku: Lexi hi miri wa mina, lowu wu nyikelwako nwina; mahani lezo, mu nzi alakanya ha zona. 1 Kor. 11:24

Luka 24:29

Va lo mu khongotela, vaku: Xwana na hina, hakuva gi hlwile, a wusiku gi tshinele. Yena i lo enghena a ku ya tshama navo. Miti. 16:15

Luka 24:35

Na vona va lo hlawutela lezi zi nga humelela ndleleni, ni lezaku va mu tivisile kuyini laha a nga khema xibaba.

Luka 9:16

I lo teka a ntlhanu wa zibaba ni zidluwani zimbiri, a cuwuka tilweni a zi katekisa, a zi khema; i lo nyika ka vapizani ku zi avela ka zidlemo.

Johani 6:11

Zonake Jesu i lo teka a zibaba, laha na a bongile, i lo avela ka lava va nga tshamile lahasi, zinghaho ni zidluwani, va kala va xura.

Mitiro 2:42

Vona va lo pinyamela kugonziseni ka vapostoli, ni le kutlhanganeni, ni kukhemeni ka xibaba, ni mikhogelweni. Maheb. 10:25

Mitiro 2:46

A masiku ni masiku va lo pinyamela hi mbilu yinwe lomu tempeleni, va khema xibaba le kaya, vaga kuga kabye hi kutsaka ni matsenya, Lu. 24:53; Xip. 20:7

Mitiro 27:35

Laha a nga wulile lezo, i lo teka xibaba, a bonga Nungungulu mahlweni ka vontlhe, a xi khema, a sangula kuga. Mat. 15:36; Mar. 8:6; Joba 6:11