Luka 23:9 - Tshwa Bible

⁹ I lo mu wutisa timhaka to tala, kanilezi Jesu a nga mu hlamulangi nchumu.

Luka 23:9 Mawu Ofanana

Tisimu 39:9

Nza miyela, a nzi vululi nomu wa mina, Hakuva hi wena u zi tirileko.

Isaya 53:7

I lo hlokiswa, hambu lezi a nga ti tsongahata, Na a nga vululi nomu wakwe; Khwatsi hi yivana leyi yi gulelwako kutlhabyiweni, Ni yivu leyi yi miyelako mahlweni ka mukayi, Hizalezo a nga vululangi nomu wakwe. Mat. 23:63; Joh. 1:29; Miti. 8:32

Mateu 27:12

Laha a nga kecariwa hi vapristi va hombe ni masingalakati, a nga hlamulangi nchumu. Joh. 19:9

Mateu 27:14

Cima a nga mu hlamulangi nchumu, hambu ni mhaka yinwe; hi ka lezo a mufumeli i lo hlamala nguvu.

Mateu 7:6

Mu nga nyiki timbyana lezi zi basileko, hambu ni ku hoxa maperola ya nwina ka makhumba, ma nga taku ma ma kanzihela lahasi hi mikonzo ya wona, ma mu hunzulukela ma mu hanzula. Mav. 9:7, 8; Miti. 13:45, 46

Marku 15:5

Kanilezi a nga hlamulangi nchumu, laha ka kuva na Pilatu a hlamala. Isa. 53:7; Joh. 19:9

Luka 13:32

Yena aku ngalo kabye: Fambani, mu ya byela hlati loye, Languta, inyamutlha na manziko nzi hlongola madimoni, nzi hanyisa a vababyako, nzi ta mbhetisa mundlwani. Maheb. 2:10

Luka 23:10

A vapristi va hombe ni vatsali na va yimile kwalaho, va lo mu kecara hi ntamu.

Johani 19:9

a enghena kambe ndlwini ya wuhosi, aku ngalo ka Jesu: Uta hi kwihi ke? Kanilezi Jesu a nga mu hlamulangi nchumu. Isa. 53:7; Mat. 27:12, 14

Mitiro 8:32

Makunu a wutshamu ga lomo mitsalweni legi a nga kari a gonza hi legi: I lo yiswa kutlhabyiweni kota yivu, Khwatsi hi yivana leyi yi miyelako mahlweni ka mukayi wa yona, Lezo a nga vululangi nomu wakwe. Isa. 53:7

1 Pedro 2:23

laha a nga rukatelwa a nga rukatelangiwo; laha a nga xaniseka a nga dzuxangi, kanilezi i lo yisa mhaka yakwe ka loyi a lamulako hi nongameto. Mat. 27:39; Lu. 23:46; Joh. 8:48