Luka 23:35 - Tshwa Bible

³⁵ A vanhu va wa yimile va cuwuka; ni tihosi ti lo mu tseketsela, tiku: I hanyisile vanwani, a ti hanyise loku a hi Kristu wa Nungungulu, a hlawulilweko wakwe. Tis. 22:17; Zak. 12:10; Mat. 27:39

Luka 23:35 Mawu Ofanana

Tisimu 22:17

Nzi nga hlaya marambu ya mina wontihe; Vona va cuwuka va nzi honokela.

Tisimu 35:15

Kanilezi loku nzi khunguvanyeka va tsaka, va tsombana khatiginwe; Lava nzi nga va tiviko va tsombana kasi ku nzi vukela; A va tsiki ku nzi pfemula. Mat. 26:3

Tisimu 4:2

Nwina vana va vanhu, ku ta kala kuva rini a wudzunzo ga mina na gi hunzuka giva tingana ke? Ku ta kala kuva rini na ma ha ranza leʼzi nga nyawuliko ni ku hlota mawunwa ke? (Sela.)

Tisimu 69:26

Hakuva va xanisa loyi u mu bileko, Va wulawula hi kubayiseka ka lava u va tlhavileko.

Tisimu 71:11

Vaku: Nungungulu i mu tsikile; Mu hlongoleni, mu mu khoma, Hakuva a nga kona wo mu hlanguta.

Isaya 42:1

Languta a nanza ga mina, legi nzi gi yimelako, A hlawulilweko wa mina loyi muhefemulo wa mina wu xalalako ha yena; Nzi vekile moya wa mina hehla kakwe, I ta humesela kululama ka vamatiko. Mat. 3:17; 17:5

Isaya 49:7

Jehova a Mutiruli ni Loyi a Basileko wa ka Israeli, E ngalo ka loyi a vanhu va mu kanyisako, loyi tiko gi mu nyenyako, A nanza ga vafumeli: Tihosi ti ta zi wona ti yima, Ni tihosana ti ta khizamela Jehova loyi a tsumbekako, Ni Loyi a Basileko wa ka Israeli, loyi a ku hlawulileko.

Isaya 53:3

I lo nyenyiwa, a aliwa hi vanhu; Munhu wa mihlomulo, a toloveleneko ni kubayiseka; I lo nyenyiwa kota loye vanhu va mu fihlelako tinghohe tabye, A hi mu hlayangi nchumu. Mar. 9:12; Joh. 7:48

Mikosi 3:14

Nzi mahile a xihlekiso ka vontlhe va ka hina, Nzi lisimu labye siku gontlhe.

Zakaria 12:10

Nzi ta chulula a moya wa wunene ni wa mikhongelo hehla ka yindlu ya ka Davida ni hehla ka vaaki va Jerusalema; zonake va ta cuwuka ka mina loyi va nzi tlhavileko. Va ta mu rilela kukotisa loku va rilela a nʼwana wabye wa munwe, va ta mu karatekela, khwatsi hi loku va karatekela a matewula yabye. Joh. 19:37; Kuv. 1:7

Mateu 12:18

Hi gona a nanza ga mina legi nzi gi hlawulileko; Xiranzwa xa mina lexi muhefemulo wa mina wu xaleleko khwatsi ha xona. Nzi ta veka Moya wa mina hehla kakwe, i taba hungu hi kulamula a ka vamatiko.

Mateu 3:17

Zonake ku lo zwala a gezu gi huma matilweni, giku: Loyi hi Nʼwana wa mina a ranzekako, nzi xaleleko khwatsi ha yena. Tis. 2:7; Mar. 1:11; Lu. 9:35; Joh. 12:28; Efe. 1:6

Luka 16:14

A vaFarisi lava va nga hi ziranzi za mali, va lozwa tontlhe leti timhaka; va mu tseketsela. Mat. 23:14

Luka 23:13

Pilatu i lo tsombanyisa a vapristi va hombe ni manghanakana ya tiko ni vanhu, Mat. 27:23; Mar. 15:14; Joh. 18:38

Luka 23:39

Ni xinwe xa zigohi lezi zi nga wa hayekilwe laho xi lo mu rukatela, xiku: A hi wena Kristu ke? ti hanyise zinwe na hina.

1 Pedro 2:4

Tanani ka yena loyi a nga ribye gi hanyako, legi gi alilweko hi vanhu, kanilezi ka Nungungulu gi hlawuleka, gi dzunzeka, Tis. 118:22