Luka 23:34 - Tshwa Bible

³⁴ Jesu aku ngalo: Dada, va tsetselele, hakuva a va zi tivi lezi va zi mahako. Zonake va lo avelana tinguwo takwe xikari kabye hi ku hlahluva. Mat. 5:44; Miti. 7:60; Mar. 15:24

Luka 23:34 Mawu Ofanana

Genesisi 50:17

Mu ta byela Josefa, muku: Tsetselela milanzu ya vamakabye va wena ni kuonha kabye, hakuva va ku mahele kubiha; hikwalaho tsetselela malanza ya Nungungulu wa raru wa wena, a kuonha kabye! Zonake Josefa i lo rila laha va nga wa wulawula ka yena.

Tisimu 22:18

Va avana tinguwo ta mina, Va hlahluveta a bhaji ga mina. Mat. 27:35; Lu. 23:34; Joba 19:23

Isaya 53:12

Hikwalaho nzi ta mu nyika xiavelo xakwe ni vahombe, I ta avana muphango ni laʼva ntamu, Hakuva i nyikele kuhanya kakwe kufeni, A hlayiwa zinwe ni vahambunyeti, Hambu lezo a nga rwala a zionho za vanyingi, A kombelela vahambunyeti. Lu. 22:37; 23:33; Joh. 17:2, 6

Mateu 11:25

Hi lexo xikhati Jesu i lo wulawula, aku: Nza ku khesa Dada, Hosi ya tilo ni misava, hi lezi u nga fihlela a titlhari ni vapimako a timhaka leti, kanilezi u zi wonekelisa ka lava va tsongwani. Lu. 10:21; 1 Kor. 1:19; 2 Kor. 3:14

Mateu 11:26

Ina, Dada, hakuva lezo zi wa sasekile mahlweni ka wena.

Mateu 5:44

Kanilezi mina nziku ka nwina: Ranzani valala va nwina, mu kombelela lava va mu xanisako; Lu. 6:27, 35; 23:34; Miti. 7:60

Marku 15:24

Laha na va mu belele, va lo avelana a tinguwo takwe xikari kabye, na va ti hlahluveta, lezaku hi yihi a ta nga teka munwe ni munwani. Tis. 22:18; Lu. 23:34; Joh. 19:23

Luka 22:42

aku: Dada, loku u zi ranza, susa a gombe legi ka mina; ahemba-lokoke, na ku nga hi kuranza ka mina, kanilezi ka wena a ku maheke.

Johani 17:9

Nza va khongelela; a nzi khongeleli tiko, kanilezi nzi khongelela vona lava u nzi nyikileko, hakuva mba wena. 1 Joh. 5:19

Johani 19:11

Jesu i lo mu hlamula, aku: Ngha u nga hi na ntamu hehla ka mina, loku u nga nyikiwangi wona hi le hehla; hikwalaho loyi a nzi nyikeleko ka wena i na ni nanzu wa hombe. Lu. 22:53; Xip. 7:30

Mitiro 16:28

Kanilezi Paule i lo vitana hi gezu ga hombe, aku: U nga ti lamati, hakuva hina hontlhe hi kona.

Mitiro 3:17

Makunu vamakabye, nza zi tiva lezaku mu zi mahile hi kungativi, kota lezi va nga zi maha ni varangeli va nwina. Lu. 23:34; 1 Kor. 2:8

Mitiro 7:60

Zonake i lo khizama, aba huwa hi gezu ga hombe, aku: Hosi, u nga va hlayeli a xionho lexi. Laha na a wulile lezo i lo etlela. Lu. 23:34

Va le Roma 12:14

Va katekiseni lava va mu xanisako; katekisani, mu nga rukateli. 1 Ped. 3:9

1 Va le Korinte 2:8

A wutlhari legi a tihosi ta nguva leyi a ti gi tivi; hakuva loku ti wa gi tivile, ngha ti nga belelangi a Hosi ya kungangamela. Miti. 13:27

1 Va le Korinte 4:12

ha ti karata hi ku tira hi mandla ya hina; loku hi rukatelwa hi tlhela hi katekisa; loku hi xaniswa, hina ha timisela; Mat. 5:44; Miti. 18:3; 1 Tim. 4:10; 1 Ped. 2:23

1 Timote 1:13

hambu lezi a kale nzi nga hi ni nzhukano, nzi hi muxanisi ni mulamati. Kanilezi nzi lo mahelwa wuxinji, hakuva nzi lo zi maha hi kungativi na nzi nga se ku kholwa. Lu. 23:34; Joh. 9:39; Miti. 8:3; 9:1; 1 Kor. 15:9; Fil. 3:6

1 Pedro 3:9

Mu nga tlheliseli a kubiha hi kubiha, hambu ku tlhelisela a nzhukano hi nzhukano; kanilezi katekisani vanhu, hakuva mu vitanelwe lezo, lezaku mu taga a tshomba ya kukateka. Mat. 5:39