Luka 23:2 - Tshwa Bible

² va sangula ku mu kecara, vaku: Hi kumile loyi munhu na a kari a kucetela a tiko ga hina, a tsimbeta vanhu ku khupa khupo ka Kesari, na a ti wula lezaku yena i Kristu a hosi. Joh. 19:12; Miti. 17:7

Luka 23:2 Mawu Ofanana

1 Tihosi 18:17

Laha Ahabi a nga wonile Elija, i te ngalo kakwe: Xana a hi wena muxanisi wa va ka Israeli ke?

Tisimu 35:11

Ku humele a vakustumunyu va mawunwa, Va nzi wutisa a timhaka nzi nga ti tiviko. Mat. 28:60; Lu. 23:2, 10; Joh. 18:30

Tisimu 62:4

Va maha xikungo ntsena ku mu wisa hasi na hi kutlakukeni kakwe, Va tsakiswa hi mawunwa; Va katekisa hi milomu yabye, Na va rukatela timbilwini tabye. (Sela.)

Jeremia 20:10

Hakuva nzi zwile vanyingi na va nzi hleva, Matlhelweni wontihe ku kona kuchava. Vaku: Mu kecareni, hi ta mu kecara. A vanghana lava nzi toloveleneko navo Va langutela a kuwa ka mina, vaku: Kutani a nga kucetelwa, zonake hi ta mu hluthula, Kasi hi ti photela ka yena.

Jeremia 38:4

Zonake a vahombe va lo byela hosi, vaku: A munhu loyi a dayiwe, hakuva wa rera a mawoko ya tinhenha leti ti seleko mutini lowu, ni mawoko ya tiko gontlhe, hi ku va byela a timhaka ta kunghahi; a munhu loyi a nga xuveli a tiko wunene, kanilezi wa gi xuvela makhombo. Am. 7:10

Amosi 7:10

Zonake Amazia a mupristi wa le Beteli i lo rumela a ka Jeroboamu a hosi ya ka Israeli, aku: Amosi i ku hlevile xikari ka yindlu ya ka Israeli; a tiko a gi zi koti ku timisela timhaka takwe.

Zakaria 11:8

Hi hweti yinwe nzi lo lovisa varisi vanharu, hakuva a moya wa mina wu wa karele hi tiyivu, ni moya wa tonawu wu wa swihala ha mina.

Mateu 17:27

kanilezi kasi hi nga va khunguvanyisa famba bimbini, u ya tlonweka ximemba, u khoma a xidluwani lexi u ta nga xi tlhukula kuranga. Laha na u ahlamisile a nomu wa xona, u ta kuma a xekeli; gi teke, u va nyika a ya mina ni ya wena.

Mateu 22:21

Vaku ka yena: Za Kesari. Zonake i te ngalo kabye: Tlhelisani ka Kesari lezi zi nga za Kesari, ni ka Nungungulu lezi zi nga za Nungungulu. Xip. 17:25; Rom. 13:7

Mateu 27:11

Laha Jesu a nga wa yimile mahlweni ka mufumeli, yena i lo mu wutisa, aku: Wena u hosi ya vaJuda ke? Jesu aku ngalo kakwe: U wula zona. Mar. 15:2; Lu. 23:3; Joh. 18:37

Marku 12:17

Jesu aku kabye: Tlheliseni ka Kesari lezi zi nga za Kesari, ni ka Nungungulu lezi zi nga za Nungungulu. Va lo hlamala nguvu ha yena.

Marku 15:2

Pilatu i lo mu wutisa, aku: Hi wena hosi ya vaJuda ke? A hlamula, aku kakwe: U wula zona, Mat. 27:11

Luka 23:14

aku ngalo kabye: Mu tisile loyi munhu ka mina, muku wa kucetela vanhu; kanilezi na nzi mu hlolile mahlweni ka nwina, a nzi kumangi nanzu ka yena ka zilo lezi mu mu kecarako ha zona. Mavesi 1, 2, 4

Luka 23:5

Kanilezi va lo hlohlotela nguvu, vaku: Wa vuxa pfilupfilu vanhwini, hi ku gonzisa Judia gontlhe; i sangule hi le Galilea, a kala a chikela ka legi wutshamu.

Johani 18:29

Hikwalaho Pilatu i lo huma ka vona, aku: I keco muni mu nehako hi loyi munhu ke?

Johani 18:30

Va lo hlamula, vaku ngalo kakwe: Loku munhu loyi a wa nga onhangi, ngha hi nga mu nehangi ka wena.

Johani 19:12

Makunu Pilatu i wa lava ku mu tlhatlha; kanilezi a vaJuda va lo kanyuluka, vaku: Loku u tlhatlha loyi munhu, a ku xaka ga Kesari; hakuva ni wihi a ti mahako hosi i kanyisa Kesari. Lu. 23:2; Miti. 17:7

Mitiro 24:13

Cima a va zi koti ku tiyisa mahlweni ka wena lezi va nzi kecarako ha zona makunu.

Mitiro 24:5

Hi kumile lezaku munhu loyi i bihile, muvuxi wa vilinganya xikari ka vontlhe vaJuda lava va akileko misaveni yontlhe, ni murangeliwa lihunzu la vaNazareta; Lu. 23:2; Xip. 6:13; 16:20; 17:6

Va le Roma 13:7

Nyikani ka vontlhe lezi zi va faneleko: a khupo ka loyi a faneleko ku khupelwa; a nzhuvo ka loyi a faneleko ku lubyiwa; mu chava loyi a faneleko ku chabyiwa, mu dzunza loyi a faneleko ku dzunziwa. Levi 19:3; Lu. 20:25