Luka 22:70 - Tshwa Bible

⁷⁰ Vona vontlhe vaku ngalo: Kasi hi wena Nʼwana wa Nungungulu ke? Aku ngalo kabye: Nwina ma wula muku, hi mina yena.

Luka 22:70 Mawu Ofanana

Tisimu 2:12

Khizamelani a nisanyana kasi a nga zangari, Mu lova ndleleni ya nwina; Hakuva a nga zangara lokuloku. Va katekile vontlhe va chavelako ka yeng. Tis. 34:9; Isa. 30:18; Jer. 17:7

Tisimu 2:7

Nzi taba nyiwo ya Jehova, Jehova i te ngalo ka mina: Wena u nʼwana wa mina, Nzi ku psweleko nyamutlha.

Mateu 26:25

Judasi loyi a nga mu nyikela, aku: Rabi hi mina ke? Aku kakwe: U wula zona.

Mateu 26:64

Jesu aku kakwe: U wulile zona. Ahembalokoke, nza wula ka nwina, nziku: Anzhako ka lezi mu ta wona a Nʼwana wa munhu na a tshamile hi le reveni ga xinene ga Ntamu, na ata hi marefu ya tilo. Tis. 110:1; Dan. 7:13; Miti. 7:55

Mateu 27:11

Laha Jesu a nga wa yimile mahlweni ka mufumeli, yena i lo mu wutisa, aku: Wena u hosi ya vaJuda ke? Jesu aku ngalo kakwe: U wula zona. Mar. 15:2; Lu. 23:3; Joh. 18:37

Mateu 27:43

I tsumbile Nungungulu; a mu tlhatlhise makunu, loku a kari a mu ranza; hakuva i te ngalo: Nzi Nʼwana wa Nungungulu. Tis. 22:8

Mateu 27:54

Laha a nduna ya zana ni lava va nga hi nayo va lavelela Jesu, na va wonile a kutsekatseka ka misava, ni zinwani zi nga wa mahekile, va lo chava nguvu, vaku: Hakunene, loyi i wa hi Nʼwana wa Nungungulu! Mar. 15:39; Lu. 23:47

Mateu 3:17

Zonake ku lo zwala a gezu gi huma matilweni, giku: Loyi hi Nʼwana wa mina a ranzekako, nzi xaleleko khwatsi ha yena. Tis. 2:7; Mar. 1:11; Lu. 9:35; Joh. 12:28; Efe. 1:6

Mateu 4:3

Zonake a muringi i lota, a taku ka yena: Loku wena u hi Nʼwana wa Nungungulu, laya a maribye lawa lezaku ma maha zibaba.

Marku 14:62

Jesu aku: Hi mina yena. Mu ta wona Nʼwana wa munhu na a tshamile hi le reveni ga xinene ga ntamu, na ata hi marefu ya tilo. Mat. 24:30; 26:64; Lu. 22:69

Marku 15:2

Pilatu i lo mu wutisa, aku: Hi wena hosi ya vaJuda ke? A hlamula, aku kakwe: U wula zona, Mat. 27:11

Luka 22:71

Zonake vaku: Ga ha laveka hikuyini a wukustumunyu ke? Hina hi zi zwile hi le nonwini wakwe.

Luka 23:3

Pilatu i lo mu wutisa, aku: Wena u hosi ya vaJuda ke? Yena i lo hlamula, aku: U wula zona. Mat. 27:11; 1 Tim. 6:13

Luka 4:41

Ni madimoni ma lo huma ka vanyingi, na ma kanyuluka, maku: Wena u Nʼwana wa Nungungulu. Kanilezi i lo ma kawuka, a nga ma vumeli ku wulawula, hakuva ma wa zi tiva lezaku hi Kristu. Mar. 1:25, 34; 3:11

Johani 1:34

Nzi zi wonile, nza maha wukustumunyu lezaku loyi i Nʼwana wa Nungungulu.

Johani 1:49

Nataneli i lo hlamula, aku ngalo: Rabi, wena u Nʼwana wa Nungungulu, U Hosi ya vaIsraeli. Mat. 14:33; 27:42

Johani 10:30

Mina na Dadani hi munwe.

Johani 10:36

xana mu nzi byela, mina loyi Dadani a nzi basisileko ni ku nzi rumela tikweni, muku: Wa rukatela; hi lezi nzi nge ngalo: Nzi Nʼwana wa Nungungulu ke? Xip. 3:17; 5:17, 18; 6:27; Lu. 1:35

Johani 18:37

Zonake Pilatu aku ngalo kakwe: Kasi wena u hosi ke? Jesu i lo hlamula, aku: Wa wula wena uku nzi hosi. Nzi belekelwe lezo, nzi tele lezo tikweni, lezaku nzi fela ku kustumunya hi zinene. Vontlhe lava va nga va zinene, va ingisa a gezu ga mina. Xip. 8:47; 1 Joh. 3:19; 4:6

Johani 19:7

A vaJuda va lo hlamula, vaku; Hina hi na ni nayo, hi nayo lowu i yimelwe hi kufa, hakuva i ti mahile a Nʼwana wa Nungungulu. Levi 24:16; Mat. 26:65; Xip. 5:18