Luka 22:52 - Tshwa Bible

⁵² Jesu i te ngalo ka vapristi va hombe, ni tinduna ta tempeli, ni masingalakati, lava va nga mu tela: Nwina mu humele na mu hlomile a tisupado ni zigomba, kukotisa loku nzi hi muphangi ke?

Luka 22:52 Mawu Ofanana

2 Tihosi 11:15

Mupristi Jehoiada i lo leletela a tinduna ta yimpi, aku ka tona: Mu humeseni lomu tixaxeni; loyi a mu lanzako mu dayeni hi tlhari, hakuva mupristi i waku va nga dzuka va mu dayela lomu ndlwini ya Jehova.

Mateu 26:47

Na a ha wulawula, Judasi, a munwe wa vakhume ni vambiri, i lota zinwe ni xidlemo xa hombe, xi nga hi ni tisupado ni zigomba, xita hi le ka vapristi va hombe ni masingalakati ya vanhu. Mar. 14:43; Lu. 22:47; Joh. 18:3

Mateu 26:55

Hi lexo xikhati Jesu aku ngalo ka xidlemo: Lezi nwina mu tako na mu hlomile tisupado ni zigomba, mu tela ku ta nzi khoma kota muphangi ke? Nzi lo tshama tempeleni masiku ni masiku nzi gonzisa, a mu nzi khomangi.

Luka 22:37

Hakuva nziku ka nwina: Ku fela ku tatiseka ka mina lezi zi tsalilweko ku ngalo: I hlayelwe zinwe ni vaonhi; hakuva lezi zi kanelweko ha mina za tatiseka makunu. Isa. 53:12; Mar. 15:28

Luka 22:4

I lo famba a ya wulawula ni vapristi va hombe ni tinduna ta yimpi, lezaku i ta mu nyikelisa kuyini kabye.

Luka 22:51

Jesu aku ngalo: Tsikani, basi! I lo khumba a ndleve ya gona, a gi hanyisa.

Luka 22:53

Laha nzi nga wa hi na nwina masiku wontihe lomu tempeleni, a mu ringangi ku nzi khoma; kanilezi lexi hi xikhati xa nwina ni ntamu wa munyama. Joh. 12:27

Johani 17:12

Na nza ha hi navo, nzi lo va hlayisa vitweni ga wena, legi u nzi nyikileko gona; nzi va gongile, a ku na munwe a lovileko, saseka a nʼwana wa kulova, kasi a mitsalo yi fela ku tatiseka. Tis. 109:8; Maheb. 2:13; 1 Joh. 2:19

Mitiro 5:26

A nduna yi loya zinwe ni malanza a ku ya va neha; kanilezi va wa nga va susumetangi hi ntamu, hakuva va lo chava vanhu, vaku va nga gandliwa hi maribye. Mat. 14:5; 21:26