Luka 21:8 - Tshwa Bible

⁸ Yena aku ngalo: Tlharihani lezaku mu nga pengiswi; hakuva vanyingi Va tata hi vito ga mina, va taku: Nzi mina yena; niku: A xikhati xi tshinele; kanilezi mu nga va lanzeli. Mat. 24:4; Efe. 5:8; 2 Tes. 2:3

Luka 21:8 Mawu Ofanana

Jeremia 29:8

Hakuva Jehova wa tiyimpi, a Nungungulu wa Israeli i ngalo: Mu nga khohliswi hi vaprofeti va nwina lava va nga xikari ka nwina, ni vavumbi va nwina, mu nga dzuki mu ingisa a miloro leyi mu yi lorako.

Mateu 24:11

Ku ta huma vaprofeti vanyingi va mawunwa, va pengisa votala. 2 Ped. 2:1; 1 Tim. 1:4

Mateu 3:2

aku: Hunzulukani, hakuva mufumo wa tilo wu tshinele. Xip. 4:17; 10:7

Mateu 4:17

A ka xikhati lexo Jesu i lo sangula ku kanela, aku: Hunzulukani, hakuva a mufumo wa tilo wu tshinele. Mar. 1:14, 15; Xip. 10:7

Luka 17:23

Va taku ngalo ka nwina: Mangabye, hi gaya! Mangabye, hi loyi laha! Mu ngayi, hambu ni ku va lanzela. Xip. 21:8; Mat. 24:23; Mar. 13:21

Luka 21:7

Va lo mu wutisa, vaku: Mugonzisi, zi ta maheka rini lezi ke? Xi tava xiwoniso muni xi ta nga komba lezaku xi tshinele xikhati xa kutatiseka ka zontlhe lezo ke?

Luka 21:9

Laha mu ta ngazwa kulwa ni nyenganyenga, mu nga chabyiswi; hakuva zi fanele a kuva zi humelela kuranga; kanilezi a kugumelwa ku nga ta chikela hi xikhanzakanya xa zalezo.

Johani 5:43

Nzi tile hi vito ga Dadani, a mu nzi amukeli; kasi loku ata munwani hi vito gakwe yena nwinyi, yena mu ta mu amukela.

Johani 8:24

Hikwalaho nzi mu byelile, lezaku mu ta fela zionhweni za nwina; hakuva loku mu nga kholwi lezaku nzi mina yena, mu ta fela zionhweni za nwina. Vesi 21; Mar. 16:16

Johani 8:28

Hikwalaho Jesu aku ngalo: Loku mu tlakusile Nʼwana wa munhu, zonake mu ta zi tiva lezaku nzi mina yena, ni lezaku a nzi mahi nchumu ha nzoce, kanilezi nza kanela kota lezi a nzi gonzisileko Dadani. Xip. 3:14; 12:32; Rom. 1:4

1 Va le Korinte 6:9

Xana a mu zi tivi lezaku a vangalulamangiko va nga taga a tshomba ya mufumo wa Nungungulu ke? Mu nga kohliswi: hakuva a zirembi, ni vakhozeli va zifananiso, ni zibhayi, ni lava va ti mahako vavasati, ni lava va ti bihisako ni vanwani vavanuna, Isa. 3:11

Va le Efesusi 5:6

Ngha mu nga dzuki mu kanganyiswa hi timhaka ta hava; hakuva hi kota ya zionho zo maha lezo gata a khulo ga Nungungulu hehla ka lava va nga ingisiko. Jer. 29:8; Mat. 24:4

2 Va le Tesalonika 2:3

Mu nga kanganyiswi hi munhu ha nchumu; hakuva a kuranga ku tava kona kutlhelela nzhako, ku wonekeliswa a Munhu wa kuonha, a nga nʼwana wa kulahleka, Dan. 7:23; Joh. 17:12; 1 Tim. 4:1; Kuv. 13:11

2 Timote 3:13

Kanilezi a vanhu vo biha ni vakanganyisi va ta nonohisa vaya mahlweni kubiheni, va kanganyisa vanwani, va tlhela va kanganyiswa.

1 Johani 4:1

Varanzekako, mu nga kholwi mimoya yontlhe, kanilezi hlotani a mimoya mu tiva loku yi huma ka Nungungulu; hakuva a vaprofeti vanyingi va mawunwa va la suga fenemete laha tikweni. Jer. 29:8; Mat. 24:24; Kuv. 2:2

2 Johani 1:7

Hakuva vakhohlisi vanyingi va humele vaya tikweni, lava va nga vumeliko lezaku Jesu Kristu i tile nyameni. Hi yena mukanganyisi tlhelo Mukaneti wa Kristu; 1 Joh. 4:1-3

Kuvululelwa 1:3

I katekile loyi a gonzako a xiprofeto lexi, ni lava va zwako a timhaka ta xona, va hlayisa lezi zi tsalilweko kona; hakuva a xikhati xi laha kusuhani. Jak. 5:8; Lu. 11:28; Rom. 13:11

Kuvululelwa 12:9

Zonake drako loyi wa hombe, a nga nyoka leyi ya kale, yi tibyako Muhlevi na Satani, a mukhohlisi wa tiko gontlhe, yena i lo hoxwa lahasi misaveni, ni tingelosi takwe ti lo hoxwa zinwe naye. Gen. 3:1; Lu. 10:18; Xip. 9:1