Luka 2:41 - Tshwa Bible

⁴¹ A vapswali vakwe va waya Jerusalema a malembe ni malembe mubuzweni wa Pasika. Ekso. 23:15, 17; Deut. 16:1, 16

Luka 2:41 Mawu Ofanana

Eksodusi 12:11

Mu ta yiga kota lezi: Mu bohile ziwunu za nwina, na mu ambele a zilato mikonzweni ya nwina, mu khomile nhonga canjeni ga nwina; muga hi kuhatlisa. I Pasika ga Jehova.

Eksodusi 12:14

Lego siku gi tava xialakanyiso ka nwina; mu ta gi hlayisa giva siku ga ximuse ka Jehova zizukulwaneni zontlhe za nwina: ku tava xiyimiso xa kala kupinzuka.

Eksodusi 34:23

A vavanuna vontlhe xikari ka nwina va ta ti wonekelisa kanharu hi lembe mahlweni ka Hosi Jehova, Nungungulu wa Israeli.

Levi 23:5

Hi hweti yo sangula, ka siku ga 14, laha gambyeni i Pasika ya Jehova;

Mitsengo 28:16

Zonake hi hweti yo sangula, hi siku ga 14 ku tava ni pasika ya Jehova. Ekso. 12:18; Levi 23:5

Luka 2:42

Laha a nga wa hi ni khume ga malembe ni mambiri va lo kanziha kona kota a mukhuwo wa mubuzo.

Johani 11:55

A Pasika ga vaJuda gi wa tshinele; a vanyingi va lomu tikweni va loya Jerusalema, kasi ku ya ti basisa, a Pasika na gi nga se ku chikela. Xip. 2:13; 5:1; 6:4

Johani 13:1

A mubuzo wa Pasika na wu nga se va kona, Jesu na a zi tiva lezaku a xikhati xakwe xi chikele xa kuva a suka tikweni, aya ka Dadani, lezi a nga ranza a vanhu vakwe lava va nga laha misaveni, i lo va ranza kala kugumesa, Mat. 26:2; Xip. 11:1

Johani 2:13

A Pasika ga vaJuda gi wa tshinele, zonake Jesu i lo kanziha aya Jerusalema. Ekso. 12:14; Deut. 16:1; Xip. 6:4

Johani 6:4

Makunu a Pasika, a mubuzo wa vaJuda, gi wa hi kusuhani. Levi 23:5, 7; Deut. 16:1

Deuteronome 12:11

a ka wutshamu lego Jehova Nungungulu wa nwina a ta nga hlawula ku aka kona a vito gakwe, hi laho mu ta nga yisa kona zontlhe lezi nzi mu leletelako zona, a miphahlo ya nwina ya kuhiswa, ni miphahlelo ya nwina, ni za wukhume za nwina, ni minyikelo ya nwina ya ku nziwitela, ni minyikelo ya nwina ya lezi zo saseka leyi mu ta nga nyikela ka Jehova a ku tatisa zifungo za nwina ka Jehova.

Deuteronome 12:18

Kanilezi lezi zilo u taga mahlweni ka Jehova Nungungulu wa wena, ka wutshamu legi Jehova Nungungulu wa wena a ta nga gi hlawula, u taga laho zinwe ni varisanyana va wena, ni vanhanyana va wena, ni malanza ya wena ya xinuna ni ya xisati, ni vaLevi lava va nga laha mutini wa wena; u ti tsakela mahlweni ka Jehova Nungungulu wa wena, mitirweni yontlhe ya mandla ya wena.

Deuteronome 16:16

Wanuna munwe ni munwani i ta ya ti wonekelisa mahlweni ka Jehova Nungungulu wa wena zikhati zinharu hi lembe, laha ka wutshamu lego Jehova a ta nga gi hlawula; lezo hi lezaku mubuzo wa zibaba zi nga hiko na comelo, ni mubuzo wa maviki, ni mubuzo wa mixaxa, kanilezi va nga ti wonekelisi mahlweni ka Jehova na va nga welelangi nchumu;

1 Samueli 1:21

Elkana ni ngango wakwe wontihe va lo kanziha va ya nyikela miphahlo ya lembe ni lembe ka Jehova, ni kuya tatisa xifungo xakwe.

1 Samueli 1:3

Inaloye lembe ni lembe i wa suka laha mutini wakwe a kanziha ku ya khozela mahlweni ka Jehova wa tiyimpi, a maha miphahlo le Xilo. Vafana vambiri va Eli, Hofeni na Fineasi, hi vona va nga hi vapristi va Jehova.