Luka 2:14 - Tshwa Bible

¹⁴ A wudzunzo a give ka Nungungulu le hehla matilweni, Ni kurula misaveni xikari ka vanhu tava a xaleleko ha vona. Isa. 57:19; Joh. 3:16; Efe. 2:17; Kol. 1:20; Kuv. 5:13

Luka 2:14 Mawu Ofanana

Isaya 44:23

Yimbelelani nwina matilo, hakuva Jehova i zi tirile! Matshamu ya kueta ya misava, kanyulukani! Tlhavani zizimba nwina zitsunga, Na wena khwati ni tisinya to ntlhe ti nga ka wena; Hakuva Jehova i tlhatlhisile Jakobe, A ti dumisa ha Israeli.

Isaya 49:13

Tlhavani zizimba nwina matilo! tsaka wena misava, Bhumani nwina zitsunga, hakuva Jehova i tangalisile a vanhu vakwe, I zwele wusiwana a ka vakwe lava va hlokiswako.

Isaya 57:19

Nzi ta veka kukhesa milonwini ya vanhu: Kurula ka loyi a nga le kule, Ni kurula ka loyi a nga kusuhani! Ku wula Jehova: Nzi ta mu hanyisa. Efe. 2:17; Maheb. 13:15

Mika 5:5

I ta neha kurula. Laha a muAssiria a ta nga enghena tikweni ga hina, a kanziha lomu ziluvelweni za hina, hi ta mu vuxela ntlhanu wa varisi ni vambiri, ni ntlhanu ni tinharu a tihosana ta vanhu.

Mateu 21:9

Ni zidlemo lezi zi nga rangile ni lezi zi nga lanzela, zi lo kanyuluka, ziku: Hozana ka Nʼwana Davida; a ku khesiwe yena loyi a tako vitweni ga Hosi; Hozana ka le hehla-hehla. Tis. 118:26; Xip. 23:39

Luka 1:79

A ku va woninga lava va tshamileko munyameni ni le nzhutini wa kufa, Ni ku rangela a mikonzo ya hina ndleleni ya kurula. Isa. 9:2; Mat. 4:16

Luka 19:38

vaku: A yi khesiwe a Hosi leyi yi tako vitweni ga Jehova; a kurula a kuve le tilweni, ni kungangamela le hehla-hehla! Tis. 118:26; Xip. 2:14; 13:35

Luka 2:13

Hi xitshuketi xa zalezo ku wa hi zinwe ni ngelosi a mabandla ya le tilweni, ma nga dumisa Nungungulu, maku: Gen. 28:12; Tis. 103:20; Dan. 7:10

Luka 2:15

Laha a tingelosi ti nga sukile ka vona ti tlhelela tilweni, a varisi vaku ka munwe ni munwani: A hi fambeni Betlehema, hi ya wona lexi xi mahekileko kona, lexi a Hosi yi xi tivekisileko ka hina.

Luka 3:22

ni Moya wa ku Basa wu lo relela hehla kakwe hi dzumba ga tuva, ni gezu gi lo huma hi le tilweni, giku: Wena u Nʼwana wa mina a ranzekako, nzi xalele ha wena.

Johani 14:27

A kurula nza ku siya ka nwina; nza mu nyika a kurula ka mina; a nzi mu nyiki kota lezi gi nyikisako zona tiko. A timbilu ta nwina ngha ti nga karateki, hambu ni ku chava. Fil. 4:7; Kol. 3:15

Johani 17:4

Nzi ku dumisile misaveni, hi ku mbheta a ntiro lowu u nzi nyikileko wona a ku wu tira. Xip. 5:36; 13:31; 15:10

Johani 3:16

Hakuva Nungungulu i lo ranza tiko kota lezi, a kala a nyikela a Nʼwana wakwe a belekilweko yece, kasi ni wihi loyi a kholwako kakwe a nga lovi, kanilezi ave ni wutomi ga pinzukelwa. Rom. 5:8; 1 Joh. 4:9

Mitiro 10:36

Ma yi tiva a mhaka leyi a nga yi rumela ka vana va Israeli, laha a nga kanela a mahungu yo saseka ya kurula hi Jesu Kristu, loyi a nga Hosi ya vontlhe; Isa. 57:19; Kol. 1:20; Dan. 7:14; Kuv. 17:14

Va le Roma 5:1

Hikwalaho na hi hlayelwe kululama hi kukholwa, hi na ni kurula ni Nungungulu hi Hosi ya hina Jesu Kristu; Isa. 32:17; Joh. 16:33; Efe. 2:14

Va le Efesusi 1:6

kasi ku dumisa a kungangamela ka tipswalo takwe, leti a nga hi nyika tona hi kota ya Xiranzwa xakwe. Isa. 43:21; Mat. 17:5; Rom. 3:24

Va le Efesusi 1:9

I lo hi tivisa a mifihlakalo ya kuranza kakwe kukotisa a kuxuva kakwe loku a ku xuvileko, Kol. 1:26; 2 Tim. 1:9

Va le Efesusi 2:4

Kanilezi Nungungulu loyi a teleko wuxinji, hi kota ya liranzo lakwe la hombe leli a hi ranzileko ha lona, Rom. 10:12

Va le Efesusi 2:7

lezaku a zikhatini lezi za ha tako a fela ku kombisa a wukulu ga hombe ga tipswalo takwe, hi wunene gakwe legi a hi maheleko gona nzeni ka Kristu Jesu.

Va le Filipi 2:11

kasi a tirimi tontlhe ti fela ku wulela lezaku Jesu Kristu i Hosi, a dumiswa Nungungulu Dadani. Joh. 13:13

Va le Filipi 2:13

Hakuva hi Nungungulu a vangako ka nwina a kuxuva ni kutira, hi kota ya wunene gakwe. Maheb. 13:21

Va le Kolosi 1:20

lezaku a ta ti tlhanganisa ha yena ni zilo zontlhe za laha misaveni, kutani za le tilweni, na a vanga kurula hi nkhata wa xihambano xakwe.

2 Va le Tesalonika 2:16

A Hosi ya hina Jesu Kristu, ni Nungungulu a Dadani wa hina, loyi a hi ranzileko, ni ku hi nyika a kutangaliswa ka pinzukelwa, ni kutsumba ko saseka hi tipswalo takwe, Kuv. 1:5

Kuvululelwa 5:13

Ni zilo zontlhe zi vangilweko lezi zi nga le tilweni, ni za laha misaveni, ni lezi zi nga lahasi ka misava, ni lezi zi nga bimbini, ni zontlhe zi nga ka zona, nzi lo zizwa ziku: A kubongwa, ni wudumo, ni kukhesiwa, ni kufuma, a zive ka loyi a tshamileko xitshanwini xa wuhosi ni ka Yivana, kala kupinzuka ni kupinzuka. Fil. 2:10; 1 Tim. 6:16; Xip. 7:10