Luka 2:10 - Tshwa Bible

¹⁰ A ngelosi yiku ngalo ka vona: Mu nga chavi, hakuva nza mu bikela a mahungu ya kutsaka ka hombe, loku ku ta ngava ka vanhu vontlhe. Gen. 12:3; Mat. 28:19; Mar. 1:15

Luka 2:10 Mawu Ofanana

Genesisi 12:3

Nzi ta va katekisa lavo va ku katekisako, nzi mu ruka loye a ku rukatelako; hi ka wena wontihe matiko ma ta katekiswa. Miti. 3:25; Gal. 3:8

Isaya 40:9

Kanzihani xitsungeni xo tlakuka Nwina lava mu nehelako Zioni a mahungu yo saseka, Tlakusani magezu ya nwina hi ntamu, Nwina lava mu nehelako Jerusalema mahungu yo saseka. Tlakusani magezu ya nwina, mu nga chavi, Byelani miti ya ka Juda, muku: Langutani Nungungulu wa nwina.

Isaya 41:27

Hi mina wo ranga nzi byelileko Zioni, nziku: Hi valavo, hi valavo! Nzi ta nyika Jerusalema munwe a kanetako mahungu yo saseka.

Isaya 49:6

E ngalo: A zi ringani loku u hi nanza ga mina Lezaku u vuxa a tixaka ta ka Jakobe ntsena, Ni ku wuyiseta lava va ponileko va ka Israeli; Kambe nzi ta ku veka a kuva kuwonekela ka vamatiko, Kasi a kuhanyisa ka mina ka chikela magumelweni ya misava. Lu. 1:79; 2:32; Miti. 1:47

Isaya 52:10

Jehova i funungule a woko gakwe ga kubasa mahlweni ka matiko wontihe, A magemeta-musi ya misava ma ta wona a kuhanyisa ka Nungungulu wa hina.

Isaya 52:7

Yi sasekisile kuyini le zitsungeni A mikonzo ya loyi a nehako a mahungu yo saseka, Loyi a wulawulako kurula; Loyi a nehako mahungu yo saseka yo tsakisa, A kanelako hi kuhanyisa; Loyi a nge ngalo ka Zioni: Nungungulu wa wena wa fuma! Nah. 1:15; Rom. 10:15

Isaya 61:1

A Moya wa Hosi Jehova wu le hehla ka mina, Hakuva Jehova i nzi totile akuva nzi kanela a mahungu yo saseka ka lava va vumalako; I nzi rumile a ku chuma lava va nga ni timbilu ti tshovekileko, Ni kuba hungu ga kutlhatlheka ka laʼva bohilweko, Ni kutlhatlhiswa ka tiperesu; Mat. 11:5; Lu. 4:18

Danieli 10:19

aku: U nga chavi, wena wanuna a ranzekako nguvu! A kurula akuve na wena, tiyisa mbilu, kunene, tiyisa mbilu! Laha a nga wulawula na mina nzi lo kuma ntamu, nziku: Wulawula hosi yanga, hakuva u nzi nyikile ntamu.

Zakaria 9:9

Tsaka nguvu, nhanyana wa le Zioni! Bana mikulungwani, wena nhanyana wa le Jerusalema. Languta, a hosi ya wena yata ka wena. I lulamile, i na ni kuhlula; ngwa ku ti koramisa, i khilele a mbongola, a role ga pswele ga mbongola. Isa. 12:6; Mat. 21:5; Joh. 12:15

Mateu 14:27

Kanilezi Jesu a hatla a va byela, aku: Tiyani-hlana, hi mina; mu nga chavi.

Mateu 28:18

Zonake Jesu i lo tshinela ka vona, aku kabye: Wu nyikilwe ka mina a ntamu wontihe a tilweni ni laha misaveni; Dan. 7:13; Lu. 10:22; Miti. 2:36; Efe. 1:21; Maheb. 1:2

Mateu 28:5

A ngelosi yi lo wula ka vavasati, yiku: Mu nga chavi; hakuva nza zi tiva lezaku mu lava Jesu, loye a nga belelwe.

Marku 1:15

aku: A xikhati xi tatisekile, ni mufumo wa Nungungulu wu tshinele; hunzulukani mu kholwa hi ivangeli. Dan. 9:25; Mat. 3:2; Gal. 4:4

Marku 16:15

Aku ngalo kabye: Fambani misaveni yontlhe, mu ya kanela ivangeli ka vanhu vontlhe. Mat. 28:19; Joh. 15:16; Kol. 1:23

Luka 1:13

Kanilezi a ngelosi yi te ngalo kakwe: U nga chavi, Zakaria; hakuva a xikombelo xa wena xi zwilwe; a sati wa wena Elizabeti i ta ku pswalela a nisanyana, u ta mu chula vito gakwe ku hi Johani.

Luka 1:19

A ngelosi yi mu hlamula, yiku kakwe: Nzi mina Gabrieli, loyi a yimako mahlweni ka Nungungulu; nzi lo runwa a ku ta wulawula na wena, ni ku ku byela a mahungu laya yo saseka. Dan. 8:16; Maheb. 1:14

Luka 1:30

A ngelosi yiku ngalo kakwe: U nga chavi. Maria; hakuva u kumile thomo ka Nungungulu.

Luka 2:11

Hi lezaku nyamutlha mu belekelwe a Muhanyisi le mutini wa Davida, loyi a nga Kristu a Hosi. Isa. 9:6; Mat. 1:21

Luka 24:47

ni lezaku a kuhunzuluka ni kutsetselelwa ka zionho ku ta kanetwa vitweni gakwe xikari ka matiko wontihe, ku sangula hi le Jerusalema. Gen. 12:3; Isa. 49:6; Dan. 9:24; Mika 4:2; Mal. 1:11; Miti. 13:38

Luka 8:1

Ku te hi lokuloku anzhako ka lezo, yena i lo nzulanzula mitini ni zimitaneni, na a kanela ni ku tlhatlhambutela ivangeli ya mufumo wa Nungungulu, ni vakhume ni vambiri va wa hi zinwe naye.

Mitiro 13:32

Hina ha mu nehela a mahungu yo saseka ya xitsumbiso lexi xi nga mahiwa ka vakokwani, Gen. 3:15; 12:3; 22:18; Rom. 4:13

Va le Roma 10:15

Kambe, vanhu va ta kanelisa kuyini loku va nga rumiwangi ke? Khwatsi hi lezi ku tsalilweko ku ngalo: Yi sasekisa kuyini a mikonzo ya vona lava va nehako a mahungu yo saseka! Isa. 52:7

Va le Efesusi 3:8

Mina loyi nzi nga tsongwanyanyani xikari ka vobasa vontlhe, nzi lo nyikiwa a tipswalo leti ta ku kanela ka vamatiko a ivangeli ya titshomba ta Kristu leti ti nga kambiwiko; 1 Kor. 15:9; Kol. 1:27

Va le Kolosi 1:23

loku nwina mu simamisa kukholweni, na mu zimekilwe muku nde, mu nga tsiki ku tsumba a ivangeli leyi mu yi zwileko, leyi yi nga kanelwa ka zivangwa zontlhe lahasi ka tilo, leyi mina Paule nzi nga mahiwa nanza ga yona.