Luka 19:17 - Tshwa Bible

¹⁷ Aku ngalo ka gona: U mahile khwatsi, nanza go saseka; lezi u nga tsumbeka ka lezi zi tsongwani, u ta fumela khume ga miti.

Luka 19:17 Mawu Ofanana

Genesisi 39:4

Hi kota ya lezo Josefa i lo kuma thomo mahlweni kakwe, a mu tirela. Zonake a nwinyi wakwe i lo mu yimisa ku maha muhlayisi wa yindlu yakwe, ni kuva muhlayisi wa zontlhe lezo a nga wa hi nazo.

Mavingu 27:18

Loyi a hlayisako a sinya ya kuwu, i taga mihanzu ya yona; inghaho ni loyi a hlayisako a nwinyi wakwe i ta dzunziwa.

Mateu 25:21

A hosi yakwe yi te ngalo ka yena: U mahile khwatsi, nanza go saseka gi tsumbekileko; u wa tsumbekile ka zilo zi tsongwani, nzi ta ku yimisa hehla ka zinyingi; enghena kutsakeni ka hosi ya wena. Lu. 12:44; 2 Tim. 2:12

Luka 16:10

Loyi a tsumbekako ka lezi zi tsongwani, i tsumbekile ni ka lezi za hombe; ni loyi a nga lulamangiko ka lezi zi tsongwani, a nga lulamangi ni ka lezi za hombe. Mat. 25:21; Xip. 19:17

Luka 19:16

A ga kuranga gi lota, gi taku: Hosi, a pondo ya wena yi bhinzule khume ga tipondo.

Luka 19:18

A ga wumbiri gi lota, gi taku: Hosi, a pondo ya wena yi bhinzule a ntlhanu wa tipondo.

Luka 22:30

kasi ma fela kuga ni kunwa mezeni ya mina le mufunweni wa mina; mu ta tshama zitshanwini za wuhosi, mu lamula khume ga tixaka ni timbiri ta Israeli. Tis. 49:14; Mat. 8:11; Kuv. 19:9

Va le Roma 2:29

Kanilezi a muJuda wa zinene, hi loyi a nga yena lomu mbilwini; a wutshiva hi legi gi nga ga mbilu, legi gi mahiwako moyeni, na ku nga hi kota ya kutsala; yena a nga khesiwi hi vanhu, kanilezi hi Nungungulu. 2 Kor. 3:6; Kol. 2:11; Joh. 1:47; Xip. 7:6; Fil. 3:3; 1 Ped. 3:4

1 Va le Korinte 4:5

Hikwalaho mu nga lamuli nchumu hi xihatla, yi kala yita Hosi; leyi yi ta nga humesa kubaseni a zilo zi fihlilweko za munyama, yi wonekelisa a makungo ya timbilu; zonake munwe ni munwani i ta kuma hi ka Nungungulu a kudzunziwa loku ku mu ringeneko. Mat. 7:1; Rom. 2:29; 2 Kor. 5:10; Kuv. 20:12

2 Timote 2:10

Hikwalaho nzi timisela zontlhe hi kota ya vahlawulilweko, kasi na vonawu va fela ku kuma a kuhanyiswa loku ku nga ka Kristu Jesu, zinwe ni kungangamela ka pinzukelwa. 2 Kor. 1:8

1 Pedro 1:7

leyi mu ringiwako hi yona kasi ku hlolwa a kukholwa ka nwina, loku ku nga ni tsengo wa hombe ku hunza nzalama leyi yi lovako, hambu loku yi hlohlwe hi nzilo, lezaku ku fela ku kumeka na ku hi ni kudzunzwa ni kukhesiwa ni wudumo hi siku ga kuwonekeliswa ka Jesu Kristu; Tis. 66:10; Zak. 13:9; Jak. 1:12

1 Pedro 5:4

Kasi laha a Murisi wa hombe a ta nga wonekeliswa, mu ta kuma a xidlodlo xa kungangamela lexi xi nga guhaliko. 2 Tim. 4:8; Maheb. 13:20; Jak. 1:12

1 Samueli 2:30

Hikwalaho Jehova Nungungulu wa ka Israeli i ngalo: Mina nzi wulile lezaku a yindlu ya wena ni yindlu ya raru wa wena yi ta famba mahlweni ka mina kala kupinzuka. Kanilezi makunu Jehova i ngalo: Lezo a zive kule na mina! Hakuva nzi ta dzunza lava va nzi dzunzako; kanilezi lava va nzi kanyisako va ta wiswa tingana.