Luka 18:43 - Tshwa Bible

⁴³ Khalekhale i lo tlhela a wona; a mu lanza, a dumisa Nungungulu. A vanhu vontlhe loku va zi wonile, va lo dumisa Nungungulu. Xip. 5:26; Miti. 4:21; 11:18

Luka 18:43 Mawu Ofanana

Tisimu 107:15

Ngha vanhu va dumisa Jehova hi kota ya wuxinji gakwe, Hi kota ya zihlamaliso lezi a zi maheleko vanana va vanhu.

Tisimu 107:8

Ngha vanhu va dumisa Jehova hi kota ya wuxinji gakwe, Hi kota ya zihlamaliso lezi a zi maheleko vanana va vanhu.

Tisimu 146:8

Jehova wa vulula mahlo ya zikhumu, Jehova wa ololoxa lava va koramileko, Jehova wa ranza lava va lulamileko. Isa. 35:5; Mat. 11:5

Tisimu 30:2

Jehova, Nungungulu wa mina, Nzi bile huwa ka wena, u nzi hanyisile.

Isaya 35:5

Zonake a mahlo ya zikhumu ma ta vululiwa, Ni tindleve ta ziwiri ti ta vululeka.

Isaya 42:16

Nzi ta fambisa a zikhumu a ndleleni zi nga yi tiviko, Nzi zi rangela mipfutleni zi nga yi tiviko; Nzi ta hunzula munyama wu maha kuwonekela mahlweni kabye, Ni matlhelo ma byekeleko ma ta lulametwa. Lezi zilo nzi ta zi maha, nzi nga ta zi tsika.

Isaya 43:21

A tiko legi nzi ti maheleko gona gi ta nzi dzunza.

Mateu 11:5

a zikhumu za tlhela zi wona, a zikhurubu za famba, a tihlokonho ta basiswa, a ziwiri zazwa, a vafileko va vuxwa, ni zisiwana za kanelelwa a mahungu yo saseka. Isa. 35:6; 61:1; Lu. 4:18; Jak. 2:5

Mateu 21:14

A zikhumu ni zilema zi lota kakwe lomu tempeleni, a zi hanyisa.

Mateu 9:8

Laha vanhu va nga zi wona, va lo rewuka va dumisa Nungungulu, loyi a nyikileko ntamu wa kunghahi ka vanhu.

Luka 13:17

Laha a nga wula leti timhaka, vontlhe a valala vakwe va lo chelwa tingana; ni xidlemo xontlhe xi lo tsaka hi mitiro yontlhe yo saseka leyi yi nga mahiwa hi yena.

Luka 19:37

Zonake loku a tshinela kureleleni ka xitsunga xa maOliva, a xidlemo xontlhe xa vapizani xi lo sangula ku tsaka, xi dumisa Nungungulu hi gezu ga hombe hi kota ya zirewukiso zontlhe lezi va nga zi wonile;

Luka 4:39

Jesu i lo korama hehla kakwe; a kawuka feveri; yi lo mu tsika, a suka zalezo, a va tirela.

Luka 5:26

Vontlhe va lo rewuka, va dumisa Nungungulu, na va chava nguvu, vaku: Nyamutlha hi wonile zirewukiso.

Luka 9:43

Vontlhe va lo hlamala hi ntamu wa Nungungulu. Kanilezi laha vontlhe va nga ha hlamala hi lezi a nga kari a zi maha, i te ngalo ka vapizani vakwe:

Mitiro 11:18

Laha na va zwile leti timhaka va lo miyela, va dumisa Nungungulu, vaku: Kasi Nungungulu i nyikile ni ka vamatiko a kuhunzuluka loku ku yisako wutomini.

Mitiro 26:18

a kuva u vulula mahlo yabye, kasi va huma munyameni vata kuwonekeleni, va suka ntanweni wa Satani vata ka Nungungulu, lezaku va tsetselelwa zionho, va va ni tshomba xikari ka lava va basisilweko hi ku kholwa ka mina. Lu. 1:77, 79; Joh. 8:12; 2 Kor. 4:4; Efe. 1:11; Kol. 1:12-13

Mitiro 4:21

Zonake loku va va honokele, va lo va tsika; a va kumangi nchumu xa ku va tsayisa ha xona, hi kota ya vanhu; hakuva vanhu vontlhe va lo dumisa Nungungulu hi lezi zi mahilweko. Mat. 21:26; Lu. 20:6; 22:2; Xip. 3:7, 8

Va le Galatia 1:24

Vona va lo dumisa Nungungulu ha mina.

1 Pedro 2:9

Kanilezi nwina mu lixaka li hlawulilweko, a vapristi va wuhosi, a tiko gi basileko, a vanhu va lumbako Nungungulu, kasi mu fela a kuba hungu hi mitiro yi rewukisako ya yena loyi a nga mu vitana mu huma munyameni, muta kuwonekeleni kakwe ku hlamalisako; Deut. 10:15; Joh. 17:19; Miti. 26:18