Luka 18:23 - Tshwa Bible

²³ Kanilezi laha na a zi zwile, i lo xaniseka nguvu; hakuva i wa hi ni kufuma ka hombe.

Luka 18:23 Mawu Ofanana

Ezekieli 33:31

Vata ka wena kota tolovelo, va tshama mahlweni ka wena kukotisa a vanhu va mina, va ingisela a timhaka ta wena, kanilezi va nga ti mahi. Hi milomu yabye va kombisa liranzo, kanilezi a timbilu tabye ti lanzisela a mabhinzu yabye.

Mateu 19:22

Kanilezi laha na gi zwile gezu lego, a jaha gi lo suka na gi karatekile, hakuva gi wa hi ni titshomba to tala.

Marku 10:22

I lo tshuvika nghohe hi legi gezu, a famba na a karateka; hakuva i wa hi ni titshomba to tala.

Luka 12:15

Aku ngalo kabye: Tlharihani, mu chava a timbilu ta makangwa; hakuva a wutomi ga munhu a nga gi kumi hi wunyingi ga zilo lezi a nga nazo. 1 Tim. 6:7

Luka 18:22

Laha Jesu na zi zwile, i te ngalo kakwe: Wa ha vumala xilo xinwe; xavisa zontlhe lezi u nga nazo, u avela zisiwana, wena u tava ni tshomba le tilweni; zonake ngona u nzi lanzela. Mat. 6:19, 20; 1 Tim. 6:19

Luka 18:24

Jesu na a mu wona aku ngalo: Zi tsanzisa kuyini ka lava va fumileko a ku enghena mufunweni wa Nungungulu! Mat. 11:28; Mat. 19:23; Mar. 10:23

Luka 19:8

Kanilezi Zakeu i lo yima, aku ngalo ka Hosi: Languta, Hosi, nzi pambulela zisiwana a khihlanya ga zilo za mina, ni loku nzi ngha nzi mu kalavele xilo munhu, nzi ta xi tlhelisela na xi engetelwe ka mune. Ekso. 22:1; 1 Sam. 12:3; Xip. 3:14

Luka 21:34

Kanilezi ti woneleni, kasi a timbilu ta nwina ti nga binziwi hi limito ni kuphophiwa, ni kukaratekela ka loku kuhanya, a siku lego gi nga dzuka gi mu chikelela hi xitshuketi kota wugungu. Rom. 13:13; 1 Tes. 5:6; 1 Ped. 4:7

Luka 8:14

Ni leti ti weleko mizweni, hi vona lava va zwileko; kanilezi loku va ti fambela va tlimbiwa hi kukaratekela, ni kufuma ni kutsaka ka kuhanya loku; a va pswali mihanzu yi kala yi buva.

Va le Efesusi 5:5

Hakuva ma zi tiva khwatsi lezaku a zirembi, ni vanhu va nga hlazekangiko, ni vanhu va likaka lava va khozelako zifananiso, va nga tava ni tshomba mufunweni wa Kristu ni Nungungulu. Kuv. 22:15

Va le Filipi 3:8

Ina, nza alakanya zilo zontlhe kulahlekelwa hi kota ya kusaseka ka ku tiva Kristu Jesu a Hosi ya mina; hakuva nzi lahlekelwe hi zilo zontlhe hi kota ya yena, nzi zi alakanya lezaku i chaka, kasi nzi fela ku bhinzula Kristu, Joh. 17:3; 1 Kor. 2:2

Va le Kolosi 3:5

Hikwalaho dayani a ziro za nwina za laha misaveni: a wubhayi, ni kungahlazeki, ni wurembi, ni kumbilukela ka kubiha, ni likaka, li nga kukhozela zifananiso;

1 Johani 2:15

Mu nga ranzi tiko, hambu ni zilo lezi zi nga lomu tikweni. Loku munhu a ranza tiko, a liranzo la Dadani a li kona ka yena. Mat. 6:24; Rom. 12:2