Luka 18:11 - Tshwa Bible

¹¹ A muFarisi i lo yima hi tlhelo a khongela, aku: Nungungulu, nza ku bonga hilezi nzi nga fananiko ni vanwani vanhu; va nga makhamba, ni vakanganyisi, ni zirembi, hambu ku khwatsi hi muhlengisi loyi. Tis. 135:2; Isa. 1:15; Kuv. 3:17

Luka 18:11 Mawu Ofanana

Tisimu 134:1

Khesani Jehova, nwina nwentlhe malanza ya Jehova, Nwina lava mu yimako ndlwini ya Jehova ni wusiku. Ekso. 27:21; Levi 8:35; 1 Kro. 9:33

Tisimu 135:2

Nwina lava mu yimako ndlwini ya Jehova, Lomu tihubyeni ta yindlu ya Nungungulu wa hina.

Mavingu 20:6

A linyingi la vanhu li taba hungu hi wunene gabye; anilezi himani a nga kumako a munhu wa kutsumbeka?

Mavingu 30:12

Li kona ni lixaka li basileko kuwoneni ka lona, asi lezo a li hlaziwangi a chaka ga lona;

Isaya 1:15

Loku mu tlakusela mandla ya nwina ka mina, nzi ta ti vala mahlo; ni loku mu anzisa mikombelo, nzi nga ta yi ingisela, hakuva a mandla ya nwina ma tele hi nkhata.

Isaya 58:2

Kunene, va nzi hlota wontihe masiku, Va ranza ku tiva tindlela ta mina; Kota gi nga tiko gi mahako kululama, Gi nga tsikangiko nongameto wa Nungungulu wa gona; Va kombela ka mina a zileletelo zi lulamileko, Va tsaka hi ku tshinela kusuhani ka Nungungulu.

Isaya 65:5

Lava vange: Tlhela nzhako, U nga tshineli ka mina, hakuva nzi basile ku hunza wena. Va fanana ni musi lomu tinhovini ta mina, I nzilo wu vurako gontlhe siku. Deut. 32:22; Jer. 17:4

Jeremia 2:28

Makunu va kwihi a vanungungulu va wena lava u ti maheleko ke? Hi nga va tsika va yima, hi wona loku va zi kota ku ku hanyisa xikhatini xa makhombo! Hakuva a vanungungulu va wena va ringana ni tsengo wa miti ya wena, o Juda. Deut. 32:37; Vala. 10:14

Jeremia 2:35

Hambu zi hi tano, u ngalo: Kota lezi nzi nga hava nanzu, A zanga yakwe yi sukile ka mina. Languta, nzi ta ku kecara, Lezi u nge ngalo: A nzi onhangi!

Ezekieli 33:31

Vata ka wena kota tolovelo, va tshama mahlweni ka wena kukotisa a vanhu va mina, va ingisela a timhaka ta wena, kanilezi va nga ti mahi. Hi milomu yabye va kombisa liranzo, kanilezi a timbilu tabye ti lanzisela a mabhinzu yabye.

Mika 3:11

A tihosi ta kona ti lamula hi ku xavelelwa, a vapristi va kona va gonzisa hi ku fela nzhiho, a vaprofeti va kona va vumbela mali: kanilezi va ti seketela ha Jehova, vaku: Kasi Jehova a nga xikari ka hina ke? a kubiha a ku na ku hi wela!

Mateu 10:3

Filipu, na Bartolomeu; Tomasi, na Mateu muhlengisi; Jakobe a nʼwana Alfeu, na Tadeu;

Mateu 5:20

Hakuva nza mu byele, nziku; Loku a kululama ka nwina ku nga hunzi a kululama ka vatsali ni vaFarisi, cima mu nga ta enghena mufunweni wa tilo. Rom. 9:31

Mateu 6:5

Laha mu khongelako, mu nge khwatsi hi vaxengeteli, lava va ranzako a ku khongela na va yimile masinagogeni ni lomu mahanzakanyeni ya maphango, kasi va fela ku woniwa hi vanhu. Hizinene nziku ka nwina, va sina va amukele a nchachazelo wabye.

Marku 11:25

Loku mu yimile mu khongela, tsetselelani a munhu loyi mu nga hi ni mhaka naye; kasi ni Raru wa nwina loyi a nga le tilweni a fela ku mu tsetselela a zihambuko za nwina. Mat. 6:14; Kol. 3:13

Luka 20:47

kanilezi na va phanga a tiyindlu ta tinoni, a xikhati va mahako mikhongelo yo leha. Vona va ta tsayiswa hi tsayiselelo wa hombe. Mat. 23:14

Luka 22:41

I lo tsawuka ka vona a pfhukana wa ku hoxa ribye; i lo khizama, a khongela, Mat. 26:39; Mar. 14:35

Va le Galatia 3:10

Hakuva vontlhe lava va tsumbako a mitiro ya nayo va lahasi ka nzhukano; hakuva ku tsalilwe ku ngalo: I rukatelwe mani na mani loyi a nga longoloxiko zilo zontlhe zi tsalilweko bhukwini ga nayo, a zi maha. Deut. 27:26; Jer. 11:3

Va le Filipi 3:6

Hi tlhelo ga kupinyamela, nzi wa xanisa a bandla; ni tlhelo ga kululama loku ku nga ka nayo nzi wa nga hi na kusoleka. Miti. 8:3; Gal. 1:13

Kuvululelwa 3:17

Lezi u nge ngalo: Nzi fumile, nzi ti kumele wukosi, a nzi vumali nchumu; kasi a ku zi tivi lezaku u loyi a xanisekako, ni nyakeke, ni muvumali, ni xikhumu, loyi u nga ni wuna. Hos. 12:8; 1 Kor. 4:8