Luka 17:30 - Tshwa Bible

³⁰ Zi tava nghaho sikwini lego a Nʼwana wa munhu a ta nga wonekeliswa ha gona. 2 Tes. 1:7

Luka 17:30 Mawu Ofanana

Mateu 16:27

Hakuva a Nʼwana wa munhu i tata hi kungangamela ka Raru wakwe, zinwe ni tingelosi takwe; hi kwalaho i ta chachazela munwe ni munwani kotisa mitiro yakwe. Mar. 8:38; 2 Kor. 5:10; Kuv. 2:23

Mateu 24:3

Na a tshamile xitsungeni xa maoliva, a vapizani va lota kakwe na va hi voce, va taku: Hi byele a xikhati zi ta nga maheka ha xona lezi zilo, u hi tivisa ni xiwoniso xa kuwuya ka wena ni xa kugumesa ka tiko.

Mateu 24:37

Kota lezi ku nga maheka masikwini ya Noa, ku tava nghaho a kuwuyeni ka Nʼwana wa munhu.

Mateu 24:39

a va nga tivi nchumu kala wuta ntalo, wu va kukuleta vontlhe; ku tava nghaho a kuwuyeni ka Nʼwana wa munhu.

Mateu 26:64

Jesu aku kakwe: U wulile zona. Ahembalokoke, nza wula ka nwina, nziku: Anzhako ka lezi mu ta wona a Nʼwana wa munhu na a tshamile hi le reveni ga xinene ga Ntamu, na ata hi marefu ya tilo. Tis. 110:1; Dan. 7:13; Miti. 7:55

Marku 13:26

Zonake va ta wona Nʼwana wa munhu na ata hi marefu, a hi ni ntamu wa hombe ni kungangamela. Dan. 7:13; Mat. 16:27; Miti. 1:11

Luka 17:24

Hakuva kota lezi a kuhatima ku hatimako hi tlhelo ginwe ga tilo, ku woninga ni ka tlhelo ginwani; i tava nghaho Nʼwana wa munhu hi siku gakwe. Mat. 18:6, 7; 1 Kor. 11:19

Luka 17:29

Kanilezi sikwini lego Loti a nga huma ha gona Sodoma, ku lona a nzilo ni solufa hi le tilweni, zi va lovisa vontlhe.

Luka 21:22

Hakuva lawa hi masiku ya kuphota, kasi zontlhe lezi zi tsalilweko zi fela ku tatiseka. Dan. 9:26; Zak. 11:1

Luka 21:27

Zonake va ta wona Nʼwana wa munhu na ata hi refu, a hi ni ntamu ni kungangamela ka hombe. Mat. 24:30; Kuv. 1:7; 14:14

1 Va le Korinte 1:7

a kuva mu nga vumali xinyikiwo ni xinwe xa ka moya, na mu kari mu rinzela a kuwonekeliswa ka Hosi ya hina Jesu Kristu;

1 Va le Korinte 1:8

loyi a ta nga mu tiyisa kala magumeso, lezaku mu kumeka na mu nga hi na kusoleka a sikwini ga Hosi ya hina Jesu Kristu. 1 Tes. 5:23; 2 Tes. 3:3

Va le Kolosi 3:4

Laha Kristu, loyi a nga wutomi ga hina, a ta nga wonekeliswa, zonake na nwinawu mu ta wonekeliswa zinwe naye hi kungangamela. Joh. 11:25; 1 Kor. 15:43; 1 Joh. 3:2

2 Va le Tesalonika 1:7

Ni ku nyika nwina lava mu xanisekako a ku humula zinwe na hina, laha Hosi Jesu a ta nga wonekeliswa hi le tilweni zinwe ni tingelosi ta ntamu wakwe phingweni ga nzilo, Kuv. 14:13

1 Pedro 1:13

Hikwalaho ti boheni a ziwunu za kupima ka nwina, mu ti khoma, muva ni kutsumba ku mbheleleko a tipswalweni leti mu ta nga hiwa tona kuwonekelisweni ka Jesu Kristu. Lu. 17:30; Efe. 6:14

1 Pedro 1:7

leyi mu ringiwako hi yona kasi ku hlolwa a kukholwa ka nwina, loku ku nga ni tsengo wa hombe ku hunza nzalama leyi yi lovako, hambu loku yi hlohlwe hi nzilo, lezaku ku fela ku kumeka na ku hi ni kudzunzwa ni kukhesiwa ni wudumo hi siku ga kuwonekeliswa ka Jesu Kristu; Tis. 66:10; Zak. 13:9; Jak. 1:12

1 Pedro 4:13

Kanilezi tsakani loku mu hlengela kuxanisekeni ka Kristu, kasi laha kuvululelweni ka kungangamela kakwe mu fela ku tsaka muva ni zigingi. Miti. 5:41; Rom. 8:17

1 Johani 2:28

Makunu, vana vanga, tshamani ka yena; lezaku hi fela kuva ni kutiya hi siku legi a ta nga wonekeliswa ha gona, hi nga hi na tingana mahlweni ka yena a kuwuyeni kakwe.

1 Johani 3:2

Varanzekako, makunu hina hi vana va Nungungulu; kanilezi a zi se ku wonekeliswa lezi hi ta ngava zona. Ha zi tiva lezaku loku yena a wonekeliswa, hi ta fanana naye; hakuva hi ta mu wona kota lezi a nga zona. Isa. 56:5; Rom. 8:18; Fil. 3:21

Kuvululelwa 1:7

Langutani, wata hi marefu; a mahlo wontihe ma ta mu wona, na vona lava va nga mu tlhava; a vanhu va tixaka tontlhe ta misava va ta tiba zifuva loku va mu wona. Hizona. Amen. Dan. 7:13; Zak. 12:10; Joh. 19:37