Luka 16:3 - Tshwa Bible

³ A nekwa yi lo alakanya mbilwini ya yona, yiku: Nzi ta maha yini, lezi a hosi ya mina yi nzi susako wunekweni ga mina ke? A nzi na ntamu ku rima, ni ku kombela nzi na ni tingana.

Luka 16:3 Mawu Ofanana

Estere 6:6

Zinghaho Hamani i lo enghena. A hosi yiku kakwe: Xini hi ta nga mahela a munhu loyi a hosi yi xuvako ku mu dzunza? A xikhati lexo Hamani i waku mbilwini yakwe: Himani munwani a nga dzunziwako hi hosi ahandle ka mina?

Mavingu 13:4

A mbilu ya lolo ya navela, kanilezi a nga kumi nchumu; anilezi a mbilu ya loyi a tirako yi ta kulukiswa.

Mavingu 15:19

A ndlela ya lolo yi khwatsi libhingo la mizwa; anilezi a ndlela ya loyi a lulamileko yi basile.

Mavingu 18:9

Loyi a lolohako ntirweni wakwe, aloye i nakulobye wa mulovisi.

Mavingu 19:15

A wulolo gi wisela munhu wurongweni; i muhefemulo wa lolo wu tazwa ndlala.

Mavingu 20:4

A lolo a gi rimi loku ku hi ni xirami; ikwalaho i tava mukombeli xikhatini xa kuhula, a nga kumi nchumu.

Mavingu 29:21

Loku a nanza gi wundliwa hi ku heniwa kusukela wunwananeni ga gona, kugumeseni gi nga ta kombisa xichavo.

Isaya 10:3

Mu ta maha yini hi siku ga tsayiselelo, Laha a bhubhutsa gi tako hi le kule? Mu ta chavela ka mani kasi ku vuniwa ke? A titshomba ta nwina mu ta ti veka kwihi?

Jeremia 5:31

A vaprofeti va profeta mawunwa, ni vapristi va fumela na va layiwa hi vona; hi lezo a vanhu va mina va zi lavako. Kanilezi mu ta maha yini a magunweni ya kona ke? Ezek. 13:6; Mat. 23:1

Hosea 9:5

Mu ta maha yini sikwini ga gotsovanyano wa ximuse, ni sikwini ga mubuzo wa Jehova ke?

Mateu 20:8

Laha gi nga hlwile, a nwinyi wa xivina aku ka nekwa yakwe: Vitana zitiri, u va nyika hakhelo yabye; sangula hi ka vo gumesa kala ka va kuranga.

Marku 10:46

Vona va lo chikela Jeriko. Laha Jesu a nga ha huma Jeriko, zinwe ni vapizani vakwe ni xidlemo xa hombe, Bartimeusi nʼwana Timeusi, a xikhumu xi nga hi mukombeli, i wa tshamile reveni ga ndlela. Mat. 20:29; Lu. 18:35

Luka 12:17

i lo alakanya mbilwini yakwe, aku: Nzi ta maha yini, hakuva a nzi na wutshamu ga ku hlengeletela kona a mavele ya mina?

Luka 16:2

Yena i lo yi vitana, aku ka yona: Zini lezi nzi zi zwako ha wena ke? Hlawutela a mahungu ya wunekwa ga wena, hakuva a zi koteki a kuva u hi nekwa kambe.

Luka 16:20

Kambe ku wa hi ni mukombeli, a nga hi Lazaru a vito gakwe, loyi a nga wa tshama nyangweni ya loyi wo fuma, na a tele hi zilonza.

Luka 16:22

A mukombeli i lofa, a yiswa hi tingelosi xifuveni xa Abrahama; na yena munhu wo fuma i lofa a lahliwa.

Luka 16:4

Nza zi tiva lezi nzi ta nga zi maha, lezaku kasi va fela ku nzi amukela tindlwini tabye laha na nzi susilwe wunekweni ga mina.

Luka 18:4

Ku wa hi xikhati xo kari na a nga vumeli; kanilezi hi lenzhako i lo alakanya, aku: Hambu lezi nzi nga chaviko Nungungulu, ne ni ku khatala hi munhu;

Johani 9:8

A vaakelane vakwe, ni lava va nga wa mu wonile na hi mukombeli, vaku ngalo: A hi yena loyi a nga wa tshama a kombela ke?

Mitiro 3:2

Ku wa rwelwe a munhu wo kari loyi a nga wa hi xilema hi le rumbyini ga nyine wakwe, loyi va nga mu veka a masiku ni masiku laha nyangweni yi vitwako Yo Saseka, kasi a kombela a zinyikiwo ka lava va nga enghena lomo tempeleni. Joh. 9:8

Mitiro 9:6

Kanilezi suka, u enghena mutini, u ta byeliwa kona lezi u faneleko ku zi maha. Lu. 3:10; Xip. 2:37

2 Va le Tesalonika 3:11

Hakuva hi zwile lezaku vanwani va nwina va famba hi vilinganya, va nga tiri nchumu, kanilezi va fambafamba va maha vanwankoti. Isa. 56:10; 1 Tim. 5:13