Luka 16:24 - Tshwa Bible

²⁴ I lo vitana aku ngalo: Dadani Abrahama, nzi mahele wuxinji, u ruma Lazaru, a kuva a peta wutlha ga litiho lakwe matini, a ta titimeta a lirimi la mina, hakuva nza xaniseka nguvu phingweni legi. Isa. 66:24; Zak. 14:12; Mar. 9:44

Luka 16:24 Mawu Ofanana

Joba 20:21

Ku hava nchumu a nga wu khadamulangiko, Hikwalaho a kutsaka kakwe ku nga tava ka simasima.

Isaya 27:11

Loku maravi ma womile, ma ta tshobyiwa, A vavasati va ta va dzivela nzilo ha wona; Hakuva i tiko gi nga tlharihangiko, Hikwalaho a muvangi wa gona a nga ta gi zwela wusiwana, Ni loyi a nga va wumba a nga ta va mahela tipswalo.

Isaya 66:24

Zonake va ta huma, va wona a zirumbi za lava va hambunyetileko mahlweni ka mina; hakuva a xiwungwani xabye xi nga tafa, ge hambu a nzilo wabye wu nga ta timeka. Va ta maha xinyenyeko ka nyama yontlhe. Dan. 12:2; Mar. 9:48

Zakaria 14:12

Lowu hi ntungu lowu Jehova a ta ngaba ha wona a matiko wontlhe lawa ma ngalwa na Jerusalema: A nyama yabye yi ta bola na va yimile hi mikonzo yabye; a mahlo yabye ma ta bola lomu makheleni ya wona, ni tirimi tabye ti ta bola; lomu milonwini yabye.

Mateu 25:41

Zonake i taku ngalo ka lava va nga reveni gakwe ga xibhabha: Sukani ka mina, nwina mu rukatelweko, mu ya nzilweni wa pinzukelwa lowu wu longiselweko Satani ni tingelosi takwe; Tis. 6:8; 2 Ped. 2:4

Mateu 3:9

Mu nga alakanyi muku: Hi na Abrahama, a nga dadani wa hina; hakuva nza mu byela lezaku Nungungulu i na ni ntamu ku vuxela Abrahama a vanana hi maribye laya, Joh. 8:33, 39; Miti. 13:26; Rom. 4:1

Mateu 5:22

Kanilezi mina nziku ka nwina: Kani hi mani a zangarelako makabye wakwe i yimelwe hi ku lamulwa hi hubye; kani hi wihi a ta nga wula ka makabye wakwe, aku: Xipumbu, i yimelwe hi ku lamulwa hi hlengeletano; kani hi wihi a wulako aku: Wena u phuphulu, i yimelwe hi ku hoxiwa Gehena ga nzilo. Jak. 2:20; 1 Joh. 3:15

Luka 16:30

Yena aku ngalo: Kokwihi, dadani Abrahama; kanilezi loku munwe a humako hi ka vafileko aya ka vona, va ta hunzuluka.

Luka 19:9

Jesu aku ngalo ka yena: Inyamutlha a kuhanyiswa ku enghenile ndlwini leyi, kota lezi yenawu a nga nʼwana wa Abrahama. Rom. 4:11, 12, 16; Xip. 13:16

Luka 3:8

Humesani mihanzu yi faneleko kuhunzuluka, mu nga dzuki mu wula timbilwini ta nwina: Hi na Abrahama, a nga dadani wa hina; hakuva nza mu byela, lezaku Nungungulu i na ni ntamu ku vuxela Abrahama a vanana hi maribye laya.

Johani 4:10

Jesu i lo hlamula, aku kakwe: Loku u wa xi tivile a xinyikiwo xa Nungungulu, ni lezaku himani a nge ngalo ka wena: Hi nga nziha nzinwa, ngha u kombele yena, zonake ngha na yena a ku nyikile a mati ya kuhanya. Isa. 12:3; Jer. 2:13; Zak. 13:1

Johani 4:14

kanilezi kani hi wihi a nwako mati laya nzi mu nyikako wona, cima a nga tazwa tora; kanilezi a mati laya nzi mu nyikako wona, ma ta maha a xibuka xa mati nzeni kakwe, laya ma velako ma yisa wutomini ga pinzukelwa. Xip. 6:35, 58; 7:38

Johani 7:37

Hi siku go gumesa, legi gi nga siku ga hombe ga mubuzo, Jesu i lo yima, aba hungu, aku: Loku munhu azwa tora, a ate ka mina, a tanwa. Levi 23:36; Isa. 55:1; Kuv. 22:17

Va le Roma 4:12

Lezaku a maha raru wa zitshiva, na ku nga hi ku enghena wukwera ntsena, kanilezi na va lanzela a ndlela ya kukholwa loku a dadani wa hina Abrahama a nga hi nako na a ha hi khuna.

2 Va le Tesalonika 1:8

a ta va tlhelisela lava va nga mu tiviko Nungungulu, ni lava va nga ingisiko ivangeli ya Hosi ya hina Jesu. Tis. 79:6; Maheb. 10:27; 12:29

Jakobe 2:13

Hakuva loyi a nga mahangiko wuxinji a nga ta mahelwa wuxinji kulamuleni; kanilezi a wuxinji gi ta ti kulisa hehla ka kulamula. Mav. 21:13; Mat. 6:15

Jakobe 3:6

Na lona lirimi i nzilo; a lirimi i tiko ga kubiha xikari ka ziro za hina; li nyenyezisa a miri wontihe, li dzivela a ndlela yontlhe ya kuhanya ka hina, lona wutsumbu li dzivelwa hi nzilo wa Gehena. Mat. 15:19; Mar. 7:15

Kuvululelwa 19:20

A xihari xi lo khomiwa zinwe ni muprofeti wa mawunwa, loyi a nga maha zirewukiso mahlweni ka xona, lezi a nga khohlisa ha zona lava va nga wa amukele a xifungo xa xihari, ni lava va nga khozela a xifananiso xa xona; hi wumbiri gabye va lo hoxwa na va ha hanya lomu tiveni ga nzilo legi gi vurako hi solufa. Dan. 7:11; Xip. 13:12; 14:10; 16:13

Kuvululelwa 20:15

Ni wihi loyi ku nga tsaliwangiko a vito gakwe lomu bhukwini ga wutomi, i lo hoxwa tiveni ga nzilo.

Kuvululelwa 22:1

Zonake yi lo nzi komba a congo wa mati ya wutomi, na ma vangamela khwatsi hi kristali, wu huma xitshanwini xa wuhosi xa Nungungulu ni xa Yivana, Ezek. 47:1; Zak. 14:8

1 Samueli 28:16

Samueli i te ngalo: Makunu u nzi wutisela yini na u wona lezaku Jehova i sukile ka wena a tlhela a maha nala wa wena?