Luka 16:2 - Tshwa Bible

² Yena i lo yi vitana, aku ka yona: Zini lezi nzi zi zwako ha wena ke? Hlawutela a mahungu ya wunekwa ga wena, hakuva a zi koteki a kuva u hi nekwa kambe.

Luka 16:2 Mawu Ofanana

Mutshawuteli 12:14

Hakuva Nungungulu i ta yisa a mitiro yontlhe kulamuleni, ni zontlhe lezi zi fihlilweko, hambu zi sasekile, kutani za kubiha. 1 Kor. 4:5; 2 Kor. 5:10; Kuv. 20:12

Mateu 12:36

Nza mu byela, nziku: A timhaka tontlhe ta hava leti va ti wulawulako vanhu, va ta ti hlamulela ha tona sikwini ga kulamula.

Mateu 20:8

Laha gi nga hlwile, a nwinyi wa xivina aku ka nekwa yakwe: Vitana zitiri, u va nyika hakhelo yabye; sangula hi ka vo gumesa kala ka va kuranga.

Luka 12:20

Kanilezi Nungungulu aku ngalo kakwe: Phuphulu nzi wena, a wusiku legi a muhefemulo wa wena wu ta vitaniwa wu suka ka wena, zonake a zilo lezi u zi veketeleko zi ta lumba mani ke? Joba 20:22; Tis. 52:7; Jak. 4:14

Luka 12:42

A Hosi yi te ngalo: Himani a nekwa yi kholekileko, leʼyo tlhariha, leyi a hosi ya yona yi ta nga yi yimisa hehla ka malanza ya yona, kasi ku va avela zakuga hi xikhati xa kona ke? Mat. 24:45; 25:21; 1 Kor. 4:2

Luka 16:1

I lo engeta a wula ka vapizani; aku: A munhu a fumileko i wa hi ni nekwa, yi nga kecariwa ka yena, lezaku ya hangalasa xuma xakwe.

Luka 16:3

A nekwa yi lo alakanya mbilwini ya yona, yiku: Nzi ta maha yini, lezi a hosi ya mina yi nzi susako wunekweni ga mina ke? A nzi na ntamu ku rima, ni ku kombela nzi na ni tingana.

Va le Roma 14:12

Hizalezo a munwe ni munwani wa hina i ta ti hlamulela mahlweni ka Nungungulu. Mat. 12:36

1 Va le Korinte 1:11

Hakuva nzi bikelwe ha nwina, vamakabye, hi va ka Kloe, lezaku kukanetana ku kona xikari ka nwina.

1 Va le Korinte 4:2

Tlhatakumbiri ku laveka ka tinekwa lezaku ti kumeka na ti tsumbekile.

1 Va le Korinte 4:5

Hikwalaho mu nga lamuli nchumu hi xihatla, yi kala yita Hosi; leyi yi ta nga humesa kubaseni a zilo zi fihlilweko za munyama, yi wonekelisa a makungo ya timbilu; zonake munwe ni munwani i ta kuma hi ka Nungungulu a kudzunziwa loku ku mu ringeneko. Mat. 7:1; Rom. 2:29; 2 Kor. 5:10; Kuv. 20:12

2 Va le Korinte 5:10

Hakuva hina hontlhe hi yimelwe hi ku wonekeliswa kota lezi hi nga zona mahlweni ka xitshamu xa kulamula xa Kristu; kasi munwe ni munwani a fela ku amukela lezi zi ringanako lezi a zi mahileko na a ha hi mirini, kutani zo saseka hambu zi hi za kubiha. Kuv. 22:12

1 Timote 4:14

U nga mahi mihoni hi xinyikiwo lexi xi nga ka wena, lexi u nga nyikiwa xona hi kuprofeta zinwe ni kutlhatekwa ka mandla ya masingalakati. Miti. 6:6; Xip. 1:18; 2 Tim. 1:6

1 Timote 5:24

A zionho za vanhu vanwani zi le kubaseni, zi va rangela kulamulweni; kanilezi a za vanwani za va lanza hi lenzhako.

1 Pedro 4:10

Ngha munwe ni munwani a amukeleko a xinyikiwo xo kari, a tirela vanwani ha xona, kota tinekwa ti nene ta tipswalo ti tsalangeneko ta Nungungulu. Mat. 24:45; 1 Kor. 4:7

1 Pedro 4:5

Kanilezi va ta ti hlamulela mahlweni ka loyi a longileko a ku lamula lava va hanyako ni vafileko. Miti. 17:31

Kuvululelwa 20:12

Nzi lo wona a vafileko, lava vahombe ni vatsongwani, na va yimile mahlweni ka xitshamu xa wuhosi, ku lo vululwa mabhuku. Ku lo vululwa ginwani bhuku gi nga bhuku ga wutomi; ni vafileko va lo lamulwa hi lezi zi tsalilweko mabhukwini hi mitiro yabye. Tis. 69:28; Jer. 17:10; Dan. 7:10