Luka 16:16 - Tshwa Bible

¹⁶ A nayo ni vaprofeti zi lo simamisa a kala a chikela Johani; ku sukela lexo xikhati ya kanetwa a ivangeli ya mufumo wa Nungungulu, munwe ni munwani a maha hi ntamu ku enghena ka wona. Mat. 4:17; 11:12, 13; Xip. 7:29

Luka 16:16 Mawu Ofanana

Mateu 10:7

Kufambeni ka nwina kanelani muku: A mufumo wa tilo wu tshinele. Lu. 9:2; Xip. 3:2

Mateu 15:11

Lezi zi enghenako nonwini a hi zona zi bihisako munhu: kanilezi lezi zi humako nonwini, hi zona zi bihisako munhu. Miti. 10:15; Rom. 14:14, 17, 20

Mateu 21:32

Hakuva Johani i lota, a ta mu tivisa a ndlela ya kululama, a mu mu kholwangi; kanilezi a vahlengisi ni zibhayi va lo mu kholwa; hambu lezi mu nga zi wona, a mu hunzulukangi, kasi mu fela ku kholwa hi yena. Xip. 3:1; Lu. 3:12, 13

Mateu 3:2

aku: Hunzulukani, hakuva mufumo wa tilo wu tshinele. Xip. 4:17; 10:7

Mateu 4:17

A ka xikhati lexo Jesu i lo sangula ku kanela, aku: Hunzulukani, hakuva a mufumo wa tilo wu tshinele. Mar. 1:14, 15; Xip. 10:7

Mateu 4:23

Jesu i lo nzulanzula le Galilea gontlhe, na a gonzisa masinagogeni yabye, na a kanela ivangeli ya mufumo, a chuma tixaka tontlhe ta tinghumbe, ni tixaka tontlhe ta mababyi xikari ka vanhu. Xip. 24:14; Mar. 1:34; Lu. 4:14

Marku 1:14

Laha Johani na a valelwe paxweni; Jesu i loya Galilea, na a kanela ivangeli ya Nungungulu, Mat. 4:12, 23

Marku 1:45

Kanilezi yena i lo suka a ya hlawutela nguvu, ni ku hangalasa a mahungu lawa, a kala Jesu a nga ha zi koti ku enghena ni wihi muti kubaseni; kanilezi i wa fanele ku tshama lehandle wutshanwini ga xiwula, ni vanhu va lota kakwe hi matlhelo wontihe.

Luka 10:11

Hambu ni ntshuri wa muti wa nwina, lowu wu namareleko mikonzweni ya hina, ha wu phumunhela ka nwina; ahemba-lokoke, tivani lezaku a mufumo wa Nungungulu wu tshinele.

Luka 10:9

mu hanyisa a vababyi lava va nga ka wona, muku ka vona: A mufumo wa Nungungulu wu tshinele ka nwina. Mat. 3:2; 4:17; 10:7; Xip. 9:2

Luka 16:29

Kanilezi Abrahama aku ngalo: Va na na Mosi ni vaprofeti; ngha va ingisa vona. Isa. 8:20; Joh. 5:45; Miti. 15:21

Luka 16:31

Abrahama a engeta, aku: Loku va nga ingisi Mosi ni vaprofeti, va nga ta kholwa, hambu loku a vuka munwe hi ka vafileko. Joh. 12:10, 11

Luka 9:2

I lo va ruma a ku ya kanela a mufumo wa Nungungulu, ni ku hanyisa a vababyako. Mat. 10:7; Mar. 6:12; Xip. 10:1, 9

Johani 1:45

Filipu i lo kuma Nataneli, aku kakwe: Hi mu kumile loyi Mosi a nga tsala ha yena nayweni, kambe ni vaprofeti, hi Jesu wa le Nazareta, a nʼwana Josefa. Gen. 3:15; Deut. 18:18; Isa. 4:2; Mika 5:2

Johani 11:48

Loku hi mu tsika a maha lezo, a vanhu vontlhe va ta kholwa ka yena; zonake a vaRoma va ta ta hi tekela a wutshamu legi ni tiko ga hina.

Johani 12:19

Lezo a vaFarisi va lo wulawula xikari kabye, vaku: Langutani, a mu vuni nchumu; mangabye, a tiko gontlhe ga mu lanzisela. Xip. 11:47

Johani 5:4

Hakuva a ngelosi yi wa relela hi zikhati zo kari, yi ta vindlukisa a mati ya lomu xitivaneni; zonake loyi a nga ranga a enghena matini loku mati ma vindlusilwe, i wa hanyiswa hi gihi wubabyi legi a nga hi nago.

Mitiro 3:18

Kanilezi Nungungulu i zi tatisile lezo, lezi a nga zi tivisile kale hi milomu ya vaprofeti vontlhe, lezaku, Kristu wakwe i ta xaniseka. Tis. 22; Isa. 50:6; 53:5; Dan. 9:26; 1 Ped. 1:10