Luka 16:15 - Tshwa Bible

¹⁵ Yena aku ngalo kabye: Hi nwina mu ti mahako lava va lulamileko a mahlweni ka vanhu; kanilezi Nungungulu wa tiva a timbilu ta nwina; hakuva lezi zi tlakukileko xikari ka vanhu, zinyenyeko mahlweni ka Nungungulu. 1 Sam. 16:7; Tis. 7:9; Xip. 10:29

Luka 16:15 Mawu Ofanana

1 Kronekele 29:17

Nungungulu wa mina, nza zi tiva lezaku wena wa hlola a mbilu, ni lezaku wena u xalaliswa hi kululama. Loku ku hi mina, nzi nyikele zontlhe lezi zilo hi kutsaka ka mbilu ya mina; ni kambe a vanhu va wena lava va nga laha, nzi va wonile hi kutsaka loku va humesa a minyikelo yabye.

2 Kronekele 6:30

zwana wena na u hi kwaleyo tilweni, laho u akileko kona, u tsetselela, u nyika ka munwe ni munwani a ka mixuvo yakwe yontlhe, wena loyi u tivako a mbilu ya munhu ni munhu, hakuva hi wena wece u tivako a timbilu ta vana va vanhu, 1 Sam. 16:7; Jer. 11:20; 20:12

Tisimu 10:3

Hakuva a wakubiha wa buma hi mixuvo ya mbilu yakwe; Loyi wa makangwa i rukatela, a kanyisa Jehova.

Tisimu 49:13

Hi gona hanyela ga zipumbu; Kasike lava va va lanzako va tsakiswa hi magezu yabye. (Sela.)

Tisimu 49:18

Hambu lezi a nga khesa muhefemulo wakwe kuhanyeni kakwe, Hambu loku a vanhu va ku dumisa laha wena u ti tsakisako,

Tisimu 7:9

Ngha ku mbhela a kubiha ka va nga lulamangiko; Kanilezi u tiyisa laʼvo lulama; Hakuva wena Nungungulu u lulamile, wa hlolisisa timbilu ni tiswa. 1 Sam. 16:7; Joba 7:17; Kuv. 2:23

Mavingu 16:5

Vontlhe lava va nga ni mbilu ya ku ti kulisa va hi manyalataniso ka Jehova; ima va nga ta pona ku tsayiswa.

Mavingu 20:6

A linyingi la vanhu li taba hungu hi wunene gabye; anilezi himani a nga kumako a munhu wa kutsumbeka?

Mavingu 21:2

A tindlela tontlhe ta munhu ti lulamile kuwoneni kakwe yena nwinyi; anilezi Jehova hi yena a pimako timbilu.

Jeremia 17:10

Mina Jehova nzi hlota mbilu, nzi kamba a tiswa; Nzi nyika ka munwe ni munwani kota mahanyela yakwe, Kukotisa a mbhanzu wa zimaho zakwe. 1 Sam. 16:7; Rom. 2:6; Kuv. 2:23

Malaki 3:15

Makunu hi ngalo a vamatshanza va katekile. Ina, va vuvuma lava va mahako kubiha; va phika Nungungulu, va huluka.

Mateu 23:5

A mitiro yabye yontlhe va yi maha kasi ku woniwa hi vanhu; hakuva va anamisa a mafilakterio yabye, va lehisa a machakafula ya tinguwo tabye. Mitse. 15:38; Deut. 22:12

Mateu 6:16

Loku mu yila, mu nga tsuvi khwatsi hi vaxengeteli, hakuva va tshuvika tinghohe tabye, kasi va fela ku wonwa hi vanhu vaku va yila. Hizinene nziku ka nwina, va sina va wu amukele a nchachazelo wabye. Isa. 58:5

Mateu 6:2

Hikwalaho loku u nyika loyi a vumalako, u ngabi mpunzu mahlweni ka wena, khwatsi hi lezi va mahako a vaxengeteli masinagogeni ni lomo maphangweni, kasi va fela ku dumiswa hi vanhu. Hizinene nziku ka nwina; Va sina va amukele a nchachazelo wabye. Rom. 12:8

Mateu 6:5

Laha mu khongelako, mu nge khwatsi hi vaxengeteli, lava va ranzako a ku khongela na va yimile masinagogeni ni lomu mahanzakanyeni ya maphango, kasi va fela ku woniwa hi vanhu. Hizinene nziku ka nwina, va sina va amukele a nchachazelo wabye.

Luka 10:29

Kanilezi yena na a xuva ku ti lulamisa, aku ngalo: Himani wakelene na mina ke?

Luka 11:39

A Hosi yi te ngalo kakwe: Kunene nwina vaFarisi mu hlaza lahandle ka gombe ni ngelo; kanilezi lomo nzeni mu tele hi kuyiva ni kubiha. Mat. 23:25; Tit. 1:15

Luka 18:11

A muFarisi i lo yima hi tlhelo a khongela, aku: Nungungulu, nza ku bonga hilezi nzi nga fananiko ni vanwani vanhu; va nga makhamba, ni vakanganyisi, ni zirembi, hambu ku khwatsi hi muhlengisi loyi. Tis. 135:2; Isa. 1:15; Kuv. 3:17

Luka 18:14

Nziku ka nwina: Loyi munhu i lo tlhelela kaya na a hlayiwa loyi a lulamileko ku hunza loyi munwani; hakuva ni wihi a ti kulisako i ta koramiswa; kanilezi loyi a ti koramisako i ta kuliswa. Joba 22:29; Mat. 23:12; Jak. 4:6

Luka 18:21

Yena aku ngalo: Zontlhe lezi nzi zi hlayisile kusukela wusweni ga mina.

Luka 18:9

I lo engeta a kanela lowu mufananiso ka vokari lava va ti tsumbako vaku va lulamile, va kanyisa vanwani, aku: Xip. 10:29; 16:15

Luka 20:20

Va lo mu xiya, va ruma tihloli, leti ti nga ti mahisa ku khwatsi ti lulamile, lezaku ti fela a ku mu hika hi kuwulawula kakwe, kasi va fela ku mu nyikela wukosini ni ntanwini wa mufumeli. Mat. 22:15

Luka 20:47

kanilezi na va phanga a tiyindlu ta tinoni, a xikhati va mahako mikhongelo yo leha. Vona va ta tsayiswa hi tsayiselelo wa hombe. Mat. 23:14

Johani 2:25

ku wa nga laveki lezaku a tiviswa nchumu hi za munhu; hakuva a wutsumbu gakwe i wa kari a zi tiva lezi zi nga nzeni ka munhu. 1 Sam. 16:7; 1 Kro. 28:9

Johani 21:17

Aku ngalo ka yena hi xikhati xa wunharu: Simoni, nʼwana Johani, wa nzi ranza ke? Pedro i lo karateka hilezi a ngaku ngalo ka yena hi xikhati xa wunharu: Wa nzi ranza ke? Zonake aku ngalo: Hosi, wa zi tiva zontlhe; wa zi tiva lezaku ngalo nza ku ranza. Jesu aku ka yena: Gisa tiyivu ta mina. Xip. 2:24, 25; 16:30

Mitiro 1:18

Yena i lo ti kumela a simu hi hakhelo ya kubiha kakwe, awa kona hi nghohe, a hanzuka hi laha xikari, ma kubuka a marumbu yakwe wontihe. Mat. 27:5; 2 Ped. 2:15; Tis. 55:23

Mitiro 1:24

Zonake va lo khongela, vaku ngalo: Hosi, wena loyi u tivako a timbilu ta vanhu vontlhe, komba loyi wena u mu hlawulileko ka lava vambiri, Joh. 2:25; Maheb. 7:13; Kuv. 2:23

Mitiro 15:8

Nungungulu loyi a tivako timbilu, i lo va mahela wukustumunyu hi ku va nyika a Moya wa ku Basa, kota lezi a nga nyika ka hina. 1 Kro. 28:9; Jer. 11:20; Xip. 10:44

Va le Roma 3:20

Hakuva a ku na nyama yi ta nga hlayelwa kululama mahlweni kakwe hi mitiro ya nayo; hakuva a nayo wa tivisa hi kuonha. Efe. 2:8, 9; Xip. 7:7; Tis. 143:2; Gal. 2:16; 3:11

Va le Roma 8:27

Loyi a hlolako timbilu wa ma tiva a maalakanyo ya Moya, hakuva wu khongotelela a vobasa khwatsi hi kuranza ka Nungungulu. 1 Tes. 2:4; Kuv. 2:23

1 Va le Korinte 4:5

Hikwalaho mu nga lamuli nchumu hi xihatla, yi kala yita Hosi; leyi yi ta nga humesa kubaseni a zilo zi fihlilweko za munyama, yi wonekelisa a makungo ya timbilu; zonake munwe ni munwani i ta kuma hi ka Nungungulu a kudzunziwa loku ku mu ringeneko. Mat. 7:1; Rom. 2:29; 2 Kor. 5:10; Kuv. 20:12

1 Pedro 3:4

kanilezi ngha mu bombisa a munhu loyi a fihlilweko wa mbilu, hi tinguwo leti ti nga boliko ta moya wa kurula ni kuolova, lowu wu nga ni tsengo wa hombe mahlweni ka Nungungulu. Tis. 45:13; Rom. 2:29; 7:22

1 Pedro 5:5

Hizalezo na nwinawu vaswa, ingisani a masingalakati. Ina, nwentlhe ti boheni hi kutikoramisa, mu tirelana; hakuva Nungungulu wa ala a vamatshanza, kanilezi i nyika tipswalo ka lava va ti koramisako.

Kuvululelwa 2:23

A vana vakwe nzi ta va daya hi kufa; zonake a mabandla wontihe ma ta zi tiva lezaku hi mina nzi hlolako tiswa ni timbilu, nzi ta nyika munwe ni munwani wa nwina khwatsi hi mitiro yakwe. 1 Sam. 16:7; Tis. 62:12; Rom. 2:6

1 Samueli 16:7

Kanilezi Jehova i te ngalo ka Samueli: U nga cuwuki nghohe yakwe hambu ni xiyimo xakwe, hakuva mina a nzi mu lavi. Jehova a nga cuwuki lezi a vanhu va zi cuwukako; hakuva a vanhu va cuwuka a nghohe, kasike Jehova i cuwuka mbilu. Deut. 10:17; Tis. 7:10; Miti. 10:34