Luka 15:24 - Tshwa Bible

²⁴ hakuva a nwananga loyi i wa file, kanilezi i tlhelile a hanya; i wa lahlekile, makunu i kumilwe. Va lo sangula ku tsaka. Efe. 2:1; 5:14; Kuv. 3:1

Luka 15:24 Mawu Ofanana

Genesisi 45:28

Zonake Israeli aku: Ku enele! A nʼwana wa mina wa hanya; nzi taya nzi ya mu wona na nzi nga se kufa.

Isaya 35:10

Ina, lava va tirulweko hi Jehova va ta tlhela, Vaya Zioni hi tisimu ta litsako; A kutsaka ka pinzukelwa ku tava tihlokweni tabye, Va ta kuma makatekwa ni litsako, A hlomulo ni kutsikwila zi ta tsutsuma. Joh. 16:22; Kuv. 21:4

Isaya 66:11

Kasi mu ta anwa mu xura Hi mali ya kuchavelelwa kakwe; Kasi mu ta buzela, Mu tsakiswa hi wunyingi ga mavele yakwe.

Ezekieli 34:16

Nzi ta lava leyi yi nga lahlekile, nzi wuyisa leyi yi nga pengisilwe, nzi bohelela leyi yi tshobyilweko, nzi tiyisa leyi yi babyako. Kanilezi nzi ta lovisa leti ti nonileko ni ta ntamu; nzi ta ti risa hi nongameto.

Ezekieli 34:4

Leti to rereka a mu ti tiyisetangi, ge hambu a ku chuma leyi yi nga babya, kutani ku bohelela leyi yi tshobyilweko, ni ku wuyisa leyi yi nga wa pengisilwe, hambu ku lava leyi yi nga wa lahlekile; kanilezi mu lo ti fumela hi kutsimbeketa ni tihanyi.

Mateu 8:22

Kanilezi Jesu aku kakwe: Nzi lanzele, u tsika a vafileko va lahla vafileko vabye.

Marku 8:22

Zonake va lo chikela le Betsaida. Ku lo nehiwa ka yena a xikhumu, va mu khongotela lezaku a xi khumba.

Luka 10:19

Langutani, nzi mu nyikile ntamu wa ku kanzihela tinyoka ni tihume, ni hehla ka ntamu wontihe wa nala; a ku na nchumu xi ta nga mu lamata. Mar. 16:18; Miti. 28:5

Luka 15:23

mu neha a role gi nonileko, mu gi tlhava; hi taga, hi tsaka:

Luka 15:25

Kanilezi a nʼwana wakwe loyi wa nhonzwa i wa hi le masinwini; ku te laha a nga kari a tshinela mutini, i lozwa kuyimbelela ni kukina.

Luka 15:32

Kanilezi zi wa fanele ku va hi tsaka ni ku nengela; hakuva a nakuloni loyi i wa file, kanilezi i tlhelile a hanya; i wa lahlekile, makunu i kumilwe.

Luka 15:4

Hi wihi ka nwina, a na nga ni 100 ga tiyivu, loku a lahlekelwe hi yinwe ya tona, a nga siyiko leti ta 99 le xiwuleni, a famba a ya lava leyi yi lahlekileko, a kala a yi kuma ke? Mat. 18:12

Luka 19:10

Hakuva a Nʼwana wa munhu i tele ku ta lava ni ku hanyisa lezi zi lahlekileko. Mat. 18:11

Luka 9:60

Jesu aku ka yena: Tsika a vafileko va lahla a vafileko vabye; kanilezi wena famba u yaba hungu hi mufumo wa Nungungulu.

Johani 11:25

Jesu aku kakwe: Mina nzi kuvuka ni wutomi; loyi a kholwako ka mina, hambu loku a file, i ta hanya; Xip. 1:4; 3:36; 5:21; Kol. 3:4

Johani 5:21

Hakuva khwatsi hilezi Dadani a vuxako a vafileko a va hanyisa, hizalezo kambe a Nʼwana wa va hanyisa lava a zi ranzako. Lu. 7:14; Xip. 11:25, 43

Va le Roma 11:15

Hakuva loku a kuhoxiwa kabye ku hunzukile kuva a kutlhanganyiswa ka misava, xana a kuamukelwa kabye ku tava yini? ku tava kuhanya ka kuvuxiwa hi ka vafileko.

Va le Roma 12:15

Tsakani zinwe ni lava va tsakako, mu rila ni lava va rilako.

Va le Roma 6:11

Hizalezo na nwinawu, ti wuleni lezaku mu file hi tlhelo ga kuonha, kanilezi mu hanyela Nungungulu ka Kristu Jesu. Gal. 2:19

Va le Roma 6:13

Hambu ni ku nyikela a ziro za nwina kuonheni ziva matlhari ya kungalulami; kanilezi ti nyikeleni ka Nungungulu, khwatsi hi lava va humileko kufeni va hanya, ni ziro za nwina ziva matlhari ya kululama ya ku tirela Nungungulu.

Va le Roma 8:2

Hakuva a nayo wa Moya wa kuhanya loku ka Kristu Jesu wu nzi tlhatlhisile nayweni wa kuonha ni wa kufa. Joh. 8:36; 1 Kor. 15:45; Gal. 2:19

1 Va le Korinte 12:26

Hikwalaho loku a xiro xinwe xi xaniseka, ziro zontlhe zi xaniseka zinwe naxo; ni loku xiro xinwe xi dzunziwa, ziro zontlhe zi tsaka zinwe naxo.

Va le Efesusi 2:1

Yena i lo mu vuxa, nwina lava mu nga wa file hi zihambuko ni zionho za nwina, Joh. 5:24

Va le Efesusi 2:5

i lo hi hanyisa zinwe na Kristu laha hi nga file hi kota ya zihambuko za hina (mu hanyisilwe hi tipswalo). Rom. 5:6; 6:4

Va le Efesusi 5:14

Hikwalaho i ngalo: Khindlimuka wena loyi u etleleko, u vu ka hi ka vafileko, Kristu i ta ku woninga. Isa. 60:1; Joh. 5:25; Rom. 6:4, 5

Va le Kolosi 2:13

Na nwina lava mu nga file hi kota ya zihambuko za nwina ni wukhuna ga nyama ya nwina, i lo mu vuxa zinwe naye; na a tsetselela zihambuko zontlhe za hina.

1 Timote 5:6

Kanilezi a noni leyi yi ti tsakisako ntsena, yi file na ya ha hanya.

Juda 1:12

Lava hi vona va nga makhwanga mibuzweni ya nwina ya liranzo, laha va gako zinwe na nwina a va chavi ku lonzola. Va hi marefu ma nga hiko na mati, ma kukuletwako hi timheho; va fanana ni tisinya a xikhatini xa wuxika ti nga hiko na mihanzu, ti womileko kumbiri, ti tsuwulwa ni mitsu; Mav. 25:14; 1 Kor. 11:21; 2 Ped. 2:13

Kuvululelwa 3:1

Tsalela a ngelosi ya bandla ga le Sardisi, uku: Loyi a nga ni ntlhanu wa mimoya ni mimbiri ya Nungungulu, ni tinyeleti ta ntlhanu ni timbiri, i ngalo: Nza yi tiva mitiro ya wena, lezaku u na ni vito gaku wa hanya, kasi lezo u file. Efe. 2:1, 5