Luka 15:22 - Tshwa Bible

²² Kanilezi a raru wakwe i te ngalo ka malanza yakwe: Hatlisani, mu neha a nguwo yo saseka nguvu, mu mu ambexa; mu mu mehela a phera litihweni lakwe, ni zilato mikonzweni yakwe;

Luka 15:22 Mawu Ofanana

Genesisi 41:42

Faro i lo susa a phera yakwe titihweni lakwe, a yi vekela litihweni la Josefa, i lo mu ambexa a tinguwo to saseka ta wukene, i lo mu boha a kadiyadi ga nzalama nhanwini yakwe.

Estere 3:10

A hosi yi lo susa a phera ya yona canjeni ga yona a yi nyikela ka Hamani nʼwana Hamedata a muAgage, a nala wa vaJuda;

Estere 8:2

A hosi yi lo susa a phera ya yona, leyi a nga yi tekile ka Hamani, a yi nyikela ka Mordekai. Estere i lo yimisa Mordekai kuva nwinyi wa yindlu ya Hamani.

Tisimu 132:16

Nzi ta ambexa vapristi va gona hi kuhanyisa, Ni vakubasa va gona va ta kanyuluka hi litsako.

Tisimu 132:9

A vapristi va wena a va ambale kululama, Ni vobasa va wena va kanyuluka hi kutsaka.

Tisimu 18:33

Wa maha milenge ya mina yi fanana ni ya pswele ga hlangu, A nzi veka matshanwini ya mina ma tlakukileko.

Tisimu 45:13

A nhwana wa hosi wa ngangamela hi wukosi lomu ndlwini, A tinguwo takwe ti lukilwe hi nzalama.

Xizimba xa ka Solomoni 7:1

Yi sasekisile kuyini milenge ya wena zilatweni, O nhwana wa hosi! Ni magunyungu ya matsambokulu ya wena me khwatsi tidayimani, Lowu wu nga ntiro wa mandla ya titlhari.

Isaya 61:10

Nzi ta tsaka nguvu ka Jehova, A muhefemulo wa mina wu ta tsakela Nungungulu wa mina, Hakuva i nzi ambexile a nguwo ya kuhanyisa, A nzi fenengeta hi nguwo ya kululama Khwatsi hi muyeni a ti bombisako hi xidlodlo, Ni kukotisa a muswika a ti bombisako hi tinzalama. Hab. 3:18; Lu. 1:47; Kuv. 3:5

Luka 15:21

Zonake a nʼwana aku ngalo kakwe: Dada, nzi onhele tilo, ni mahlweni ka wena; a nza ha faneli ku vitanwa aku nzi nʼwana wa wena. Tis. 51:4

Luka 15:23

mu neha a role gi nonileko, mu gi tlhava; hi taga, hi tsaka:

Va le Roma 13:14

Kanilezi ambalani a Hosi Jesu Kristu, mu nga alakanyeli a nyama, a kuva mu lanza a kunavela ka yona. Gal. 3:27; 5:16

Va le Roma 3:22

ku nga kululama ka Nungungulu ku tako hi kukholwa ka Jesu Kristu a ka vontlhe va kholwako. A ku na kuhambana, Xip. 4; Kol. 3:11

Va le Roma 8:15

Hakuva a mu amukelangi a moya wa wukhumbi lezaku mu tlhela mu chava; kanilezi nwina mu lo amukela a moya wa wunʼwana, lowu hi vitanako ha wona, hiku: Abba! Dadani! Isa. 56:5; 2 Tim. 1:7; Maheb. 2:15

Va le Galatia 3:27

Hakuva nwina nwentlhe lava mu nga bapatizelwa Kristu, mu ambele Kristu.

Va le Efesusi 6:15

na mu ambele mikonzweni ya nwina a zilato za ivangeli ya kurula. Isa. 52:7

Deuteronome 33:25

Zikwinyaro za wena zi tava za ziketse ni za suku, A ntamu wa wena wu ta ecana ni masiku ya wena.

Kuvululelwa 19:8

I lo nyikiwa ku ambala tinguwo to saseka ta wukene, ti basisilweko tiku pa! A tinguwo to saseka ta wukene hi mitiro ya kululama ya vobasa. Tis. 45:13, 17; 132:9

Kuvululelwa 2:17

Loyi a nga ni tindleve, ngha a ingisa lezi a Moya wu byelako mabandla. Loyi a hlulako nzi ta mu nyika a manna ma fihlilweko, nzi mu nyika ni ribye go basa, legi ku tsalilweko ka gona a vito giswa; a ku na munhu a gi tivako, saseka loyi a gi amukelako. Xip. 19:12

Kuvululelwa 3:18

Nza ku khongotela a kuva u ti xavela ka mina a nzalama yi hlutilweko hi nzilo, kasi wa fuma; ni tinguwo to basa, kasi wa ambala, ku nga woneki a tingana ta wumbyiri ga wena; ni muri wa ku tota mahlo ya wena, kasi wa wona. Isa. 55:1; Mat. 13:44; 2 Kor. 5:3

Kuvululelwa 6:11

Ku lo hiwa ka munwe ni munwani wa vona a nguwo yo basa yo leha; va lo byeliwa a kuva va humula xikhatanyana, wu kala wu tatiseka a ntsengo wa malanza-kulobye ni vamakabye lava va ta nga dawa khwatsi hi vona. Tis. 68:17; Maheb. 12:22

Kuvululelwa 7:9

Anzhako ka lezo nzi lo cuwuka, nzi wona a xidlemo xa tsanza-vahlayi, xa matiko wontihe, ni tixaka, ni mifumo, ni tirimi, na xi yimile mahlweni ka xitshamu xa wuhosi ni mahlweni ka Yivana, na va ambele a tinguwo to basa to leha, na va hi ni micinzu mandleni yabye; Rom. 11:25; Xip. 3:5, 18; 5:9; 6:11