Luka 15:15 - Tshwa Bible

¹⁵ I lo famba a ya khoza ka munhu wa tiko lego; loyi a nga mu ruma masinwini yakwe a ku ya risa makhumba.

Luka 15:15 Mawu Ofanana

2 Kronekele 28:22

Hambu lezo a nga wa hi khombyeni i lo simamisa a onhela Jehova.

Eksodusi 10:3

Zonake Mosi na Aroni va loya ka Faro va yaku ngalo kakwe: Jehova, Nungungulu wa maHeberu, i ngalo: U ta ala kala rini a ku ti koramisa mahlweni ka mina? Tlhatlha a vanhu va mina va ya nzi khozela.

Isaya 1:5

Hi yini mu ta nga nonohisa mu biwa, hi ku anzisa a kuhluwuka ka nwina? A hloko yontlhe ya babya, a mbilu yontlhe yi bayiseka.

Isaya 57:17

Nzi mu zangarele nzi muba Hi kota ya xionho xakwe xa likungo; Nzi lo ti fihla zangeni ya mina, Na yena a su hutsetse a famba hi ndlela ya kuranza ka mbilu yakwe.

Jeremia 5:3

O Jehova, xana a mahlo ya wena a ma cuwukeli a zinene ke? Wena u va bile, kanilezi a va zwangi kubayisa. U va lovisile, kanilezi a va vumelangi ku layiwa. Va nonohisile a tinghohe tabye a ku hunza ni ribye, Va ala ku hunzuluka. Isa. 1:5; 9:13

Ezekieli 16:52

Wena loyi u nga sola vamakwenu, rwala a tingana ta wena hi kota ya zionho za wena lezi zi nyenyezileko ku hunza zabye, va lulamile ku hunza wena. Ina, kanganyiseka u rwala tingana ta wena, hakuva u basisile a vamakwenu.

Ezekieli 16:63

kasi u fela ku khumbula, uva ni tingana, u nga ha vululi a nomu wa wena hi kota ya tingana ta wena, laha nzi ta ngava nzi ku tsetselele zontlhe lezi u zi mahileko, ku wula Hosi Jehova.

Nahume 3:6

Nzi ta ku phatsekela chaka, nzi ku nyenyezisa, nzi ku maha a xilo xi rewukisako.

Malaki 2:9

Hikwalaho nzi mu mahile mu soleka ni kuva vo biha mahlweni ka vanhu vontlhe, hakuva a mu hlayisi a tindlela ta mina, kanilezi mu cuwuka a nghohe ya munhu loku mu tlhamusela a nayo. 1 Sam. 2:30

Mateu 7:6

Mu nga nyiki timbyana lezi zi basileko, hambu ni ku hoxa maperola ya nwina ka makhumba, ma nga taku ma ma kanzihela lahasi hi mikonzo ya wona, ma mu hunzulukela ma mu hanzula. Mav. 9:7, 8; Miti. 13:45, 46

Luka 15:13

Anzhako ka masiku ma tsongwani, a nʼwana loyi wa nzisana i lo hlengeletela zontlhe, a famba matiko wundle; a ya hangalasa a tshomba yakwe hi kuonhakala.

Luka 15:14

Laha na a hangalasile zontlhe, ku lo huma a ndlala ya hombe ka tiko lego, yena a sangula ku vumala.

Luka 15:16

I lo navela ku xura hi makamba lawa ma giwako hi makhumba; kanilezi a nga nyikwangi hi munhu.

Va le Roma 6:22

Kanilezi makunu na mu tlhatlhisilwe kuonheni, na mu hi malanza ya Nungungulu, mu bhinzule a kubasiswa, ni magumeso ya kona hi wutomi ga pinzukelwa.

Titusi 3:3

Hakuva kale na hinawu hi wa hi zipumbu, hi nga ingisi, na hi pengile, hi hi tikhumbi ta kunavela ko biha ni kutitsakisa kunyingi; hi lo hanya hi matshoho ni makangwa, hi nyenyiwa, hi vengana.