Luka 13:24 - Tshwa Bible

²⁴ Kurumetani ku enghena hi nyangwa yi hlongileko; hakuva nziku ka nwina: Mbanyingi va ta nga ringa ku enghena, kanilezi va ta tsanzeka. Mat. 7:13; Rom. 9:31

Luka 13:24 Mawu Ofanana

Mavingu 14:6

A mutseketseli wa hlota wutlhari kanilezi a nga gi kumi; anilezi za hehuka ka loyi a nga ni kupimisisa ku kuma wutivi.

Mavingu 21:25

A mixuvo ya lolo ya mu daya; akuva a mandla yakwe ma ala ku tira.

Mutshawuteli 10:15

A ntiro wa xipumbu wa xi karata, hakuva a xi yi tivi a ndlela yi yako mutini.

Isaya 1:15

Loku mu tlakusela mandla ya nwina ka mina, nzi ta ti vala mahlo; ni loku mu anzisa mikombelo, nzi nga ta yi ingisela, hakuva a mandla ya nwina ma tele hi nkhata.

Ezekieli 33:31

Vata ka wena kota tolovelo, va tshama mahlweni ka wena kukotisa a vanhu va mina, va ingisela a timhaka ta wena, kanilezi va nga ti mahi. Hi milomu yabye va kombisa liranzo, kanilezi a timbilu tabye ti lanzisela a mabhinzu yabye.

Mateu 11:12

Ku sukela masikwini ya Johani Mubapatizi ku kala makunu a mufumo wa tilo wu engheniwa hi ntamu, wu wutliwa hi lava va nga ni ntamu. Lu. 16:16

Luka 13:23

Ni wo kari aku ngalo kakwe: Hosi, va tsongwani lava va hanyiswako ke? Yena i te ngalo ka vona:

Luka 21:36

Rinzelani zikhati zontlhe, na mu kombela lezaku muva ni ntamu ku pona zontlhe lezi zi ta nga maheka, ni ku yima mahlweni ka Nʼwana wa munhu. Mat. 24:42; Xip. 18:1; Tis. 1:5

Johani 13:33

Vana vanga, xikhati xi tsongwani na nza ha hi na nwina. Mu ta nzi lava; kanilezi lezi nzi nga wula ka vaJuda, nziku: Lomo nzi yako kona, a mu zi koti kuta; makunu nza wula lezo ka nwina. Xip. 7:34; 8:21

Johani 5:4

Hakuva a ngelosi yi wa relela hi zikhati zo kari, yi ta vindlukisa a mati ya lomu xitivaneni; zonake loyi a nga ranga a enghena matini loku mati ma vindlusilwe, i wa hanyiswa hi gihi wubabyi legi a nga hi nago.

Johani 6:27

Mu nga tireli a zakuga lezi zi mbhelako, kanilezi tirelani a zakuga lezi zi simamisako wutomini ga pinzukelwa, lezi a Nʼwana wa munhu a ta nga mu nyika zona; hakuva hi yena loyi a vekilweko xifungo hi Dadani, loyi a nga Nungungulu. Mat. 3:17; 17:5; Xip. 4:14

Johani 7:34

Mu ta nzi lava, kanilezi mu nga ta nzi kuma; ni laha nzi nga kona, nwina a mu zi koti kuta. Hos. 5:6; Xip. 13:33

Johani 8:21

I lo engeta aku ngalo kabye: Mina nza famba, zonake mu ta nzi lava, kanilezi mu ta fela kuonheni ka nwina; ni laha nzi yako kona, a mu zi koti kuta, Xip. 7:34; 13:33; Vesi 24

Va le Roma 10:3

Hakuva va wa kohlwa hi kululama ka Nungungulu, na va lava ku ti yimisela a kabye kululama, a va ti koramisangi kululameni ka Nungungulu.

Va le Kolosi 1:29

Hizalezo nzi tirelako zona mina, na nzilwa khwatsi hi kutira ka ntamu wakwe lowu wu tirako nguvu ka mina.

Maheberu 4:11

Hikwalaho a hi pinyameleni a ku enghena kuhumuleni loku, kasi ku ngavi ni munwe loyi a wako hi kungaingisi ka kunghaho. Xip. 3:12, 18, 19

Joxua 7:3

Vona va lo wuya ka Joxua va taku kakwe: Ngha a vanhu va nga fambi vontlhe, kanilezi ngha ku famba 2,000, kutani 3,000 wa vavanuna, va ta ya hlasela Ai. U nga karati vontlhe vanhu hi kuya leyo hakuva mbatsongwani.

2 Pedro 1:10

Hikwalaho, vamakabye, pinyameleni nguvu hi ku tiyisa a kuvitanwa ni kuhlawulwa ka nwina; hakuva loku mu maha lezo, cima mu nga ta khunguvanyeka; 1 Joh. 3:19