Luka 13:19 - Tshwa Bible

¹⁹ Wu fanana ni mbewu ya xinapi, leyi a munhu a nga yi teka a yi byala sinwini gakwe; yi lo kula, yi maha sinya, ni tinyanyani ta tilo ti wa zumba maravini ya yona.

Luka 13:19 Mawu Ofanana

Xizimba xa ka Solomoni 4:12

Makweru, makoti wanga, i simu gi bhiyelweko; I xibuka xi valelweko, a hlowo yi tiyisilweko.

Xizimba xa ka Solomoni 4:16

Vuka, wena moya wa le Nwalungu, tana wena Dzonga! Pupuxa hehla ka simu ga mina, kasi a kunuhela ka gona ku ta zwala; A muranziwa wa mina a enghene sinwini gakwe, Aga mihanzu ya gona yo nanziha.

Xizimba xa ka Solomoni 6:2

A muranziwa wa mina i fambile sinwini gakwe, le tinzimeni ta mipepo, A ku ya gisa ntlhambi wakwe, ni ku kolela makonʼwa.

Xizimba xa ka Solomoni 8:13

Wena loyi u tshamako masinwini, A vanghana va wena va navela kuzwa gezu ga wena; Nzi mahe nzi gizwa!

Isaya 53:1

Himani a kholilweko lezi hi nga byeliwa zona ke? A woko ga Jehova gi wonekelisilwe ka mani ke? Joh. 12:38; Rom. 10:16

Isaya 53:10

Zi lo mu xalalisa Jehova a ku muba hi kubayiseka. Loku a wutomi gakwe gi mahile a mhamba ya zionho, I ta wona a pswalo wakwe, a lehisa masiku yakwe, Ni kuranza ka Jehova ku ta vuvuma canjeni gakwe. Rom. 6:9

Isaya 58:11

Lezo Jehova i ta ku rangela xontlhe xikhati, I ta xurisa muhefemulo wa wena matshanwini ma womileko, Ni ku tiyisa a marambu ya wena; U ta fanana ni simu gi cheletelweko mati, Ni xibuka lexi a mati ya xona ma nga pswhiko,

Isaya 61:11

Hakuva khwatsi hi misava yi humesako a zimilwa za yona, Ni kukotisa a simu gi milisako a timbewu ti byelweko ka gona, Hizalezo Hosi Jehova i ta milisa kululama ni kukhesa Mahlweni ka wontihe matiko.

Isaya 9:7

A kufuma kakwe ku ta enzeleka, Ni kurula ku nga ta kuva na magumo A hehla ka xitshamu xa wuhosi xa Davida ni mufumo wakwe; Kasi ku wu tiyisa ni ku wu seketela hi nongameto ni kululama, Ku sukela lezi kala kupinzuka. A kupangama ka Jehova wa tiyimpi ku ta maha lezo. A zanga ya Jehova yo vukela Israeli.

Jeremia 31:12

Va tata na va yimbelela hi litsako le xitsungeni xa Zioni, Va tsutsumela a wunene ga Jehova; A ka tirigo, ni vinya, ni mafura, A ka tiyivana ni marole; A muhefemulo wabye wu ta fanana ni simu gi tsakamisilweko, Cima va nga ha ta hleleleka kambe.

Ezekieli 31:6

Tontlhe tinyanyani ta tilo ti wa aka a zisaka za tona maravini ya yona, Zontlhe zihari za khwati zi wa pswala lahasi ka maravi ya yona, Ni matiko wontihe ya hombe ma wa akile a nzhutini wa yona.

Danieli 4:12

A matluka ya yona ma wa sasekile, a mihanzu ya yona na yi tele, na yi hi ni zakuga zo eneta vanhu vontlhe. A zihari za khwati zi wa zumba nzhutini wa yona, a tinyanyani ta tilo ti aka maravini ya yona, zontlhe zivangwa zi hanyako zi wa giswa hi yona.

Danieli 4:21

leyi a matluka ya yona ma nga saseka, na yi tele hi mihanzu, yi hi yona yi gisako vanhu vontlhe: leyi a nzhutini wa yona ku nga zumba a zihari za khwati, a maravini ya yona ku aka a tinyanyani ta tilo,

Zakaria 2:11

A matiko yo tala ma ta namarela ka Jehova hi siku lego, va tava vanhu va mina. Nzi ta tshama xikari ka wena, zonake u ta zi tiva lezaku hi Jehova wa tiyimpi a nzi rumileko ka wena.

Mateu 17:20

I te ngalo kabye: Ihakuva a kukholwa ka nwina ku tsongwanyani. Hizinene nziku ka nwina: Loku mu wa hi ni kukholwa ku kotisa a mbewu ya xinapi, mu wa taku ka xitsunga lexi: Kunuka laha, uya ka legiya wutshamu, xi ta kunuka; a ku na nchumu xi wa ta nga mu tsanza. Mar. 11:23; Lu. 17:6; 1 Kor. 12:9

Marku 4:30

Yena i te ngalo: Hi ta wu fananisa ni yini a mufumo wa Nungungulu ke? Kutani hi wihi a mufananiso hi ta nga wu pimanyisa ha wona ke? Mat. 13:31; Lu. 13:18; Miti. 2:41

Luka 17:6

Hosi yi te ngalo: Loku mu wa hi ni kukholwa ku kotisa a mbewu ya xinapi, ngha muku ka sinya leyi ya nkuwu: Simuka, u ya byaliwa bimbini; yi wa ta mu ingisa. Mat. 17:20; 21:21; Mar. 9:23

Mitiro 2:41

Lava va nga amukela a timhaka takwe va lo bapatizwa; hi lego siku ku lo engetelwa a 3,000 wa vanhu lomu bandleni.

Mitiro 21:20

Vona laha va nga wa zi zwile va lo dumisa Nungungulu, vaku ka yena: Makabye, hi nga wona a mazana-zana ya vaJuda va kholilweko, vona vontlhe va pinyamela a navo; Xip. 23:3; Rom. 10:2; Gal. 1:14

Mitiro 4:4

Kanilezi a vanyingi va lava va ngazwa a mhaka va lo kholwa; ni tsengo wa vavanuna wu wa hi kusuhani ka 5,000.

Va le Roma 15:19

zi mahiwa hi ntamu wa ziwoniso ni masingita, a ntanwini wa Moya wa ku Basa. Nzi kanele ivangeli ya Kristu kusukela Jerusalema ni matlhelweni ya kona nzi kala nzi chikela Ilurikumi. Miti. 19:11

Kuvululelwa 11:15

A ngelosi ya wuntlhanu ni timbiri yi loba mpunzu wa yona; ku zwakala a magezu ya hombe le tilweni, maku ngalo: Makunu a mufumo wa misava wu lumba Hosi ya hina, na Kristu wa yona; yena i ta fuma kala kupinzuka ni kupinzuka. Isa. 27:13; Dan. 2:44