Luka 12:21 - Tshwa Bible

²¹ Zinghaho ni loyi a ti veketelelako a tshomba, na a nga fumangi hi ka Nungungulu. Mat. 6:20; 1 Tim. 6:18, 19

Luka 12:21 Mawu Ofanana

Mavingu 13:7

I kona loyi a ti fumisako na a nga hi na nchumu; kona loyi a ti mahako xisiwana kasi i fumile.

Hosea 10:1

Israeli i vina wu tlhumileko nguvu, wu pswalako mihanzu. I anzisile a maalati yakwe maringano ni wunyingi ga mihanzu yakwe; laha a misava yakwe yi nga enzeleka ku nona, hi kona a nga engetela kusaseka ka zifananiso.

Habakuka 2:9

Khombo a give ka loyi a fumisako a yindlu yakwe hi bhinzu go biha, kasi a aka a xisaka xakwe le hehla, a ti ponisa khombyeni.

Luka 12:33

Xavisani lezi mu nga nazo, mu nyika zisiwana; ti maheleni a zikhwama zi nga hlakaliko, a tshomba le tilweni leyi yi nga mbheliko; laho a khamba gi nga bhoxiko, hambu ni sumba yi nga giko. Mat. 6:20; 19:21; Miti. 2:45; 4:34

Luka 16:11

Hikwalaho loku mu nga tsumbekangi ka cuma xi nga lulamangiko, zonake himani a ta nga mu nyika ku lonzowota a tshomba yi nene ke?

Luka 6:24

Kanilezi mu tava ni khombo nwina lava mu fumileko; hakuva mu sina mu tangalisilwe. Am. 6:1; Mat. 6:2, 5, 16

Va le Roma 2:5

Hi kunonoha ka mbilu ya wena leyi yi nga hunzulukiko u ti vekela zanga a sikwini ga zanga, laha ku ta nga wonekeliswa a kulamula ku lulamileko ka Nungungulu, Jak. 5:3

2 Va le Korinte 6:10

a ku khwatsi hi xanisekile, kasi lezo ha tsaka xikhati xontlhe; a ku khwatsi hi lava va vumalako, kasi lezo hi fumisa votala; a ku khwatsi a hi na nchumu, kasi lezo hi na ni zilo zontlhe.

1 Timote 6:9

Kanilezi lava va ranzako a ku ngha va fuma, va wela kuringweni ni maphanyeni, ni kumbilukeleni kunyingi ka wupumbu ku bayisako, lezi zi nyupetako vanhu kulobyisweni ni kulahlekeni. Mat. 13:22

Jakobe 2:5

Ingisani, vamakabye va mina va ranzekako; Xana Nungungulu a nga hlawulangi lava va vumalako hi za tiko, lezaku vava lava va fumileko kukholweni, ni kuva zigatshomba ya mufumo lowu a wu tsumbisileko vona lava va mu ranzako ke? Ekso. 20:6; Joh. 7:48; Kuv. 2:9

Kuvululelwa 2:9

Nza tiva a kuxaniseka ka wena, ni wusiwana ga wena, kasi lezo u fumile, ni ku rukatelwa hi vona lava va nge ngalo vaJuda, na va nga hi vona, kanilezi na va hi va sinagoga ga Satani. Lu. 12:21; Rom. 2:17; Xip. 3:9