Luka 12:17 - Tshwa Bible

¹⁷ i lo alakanya mbilwini yakwe, aku: Nzi ta maha yini, hakuva a nzi na wutshamu ga ku hlengeletela kona a mavele ya mina?

Luka 12:17 Mawu Ofanana

Mutshawuteli 11:2

Zi avanyisele ka ntlhanu ni vambiri, hambu ka ntlhanu ni vanharu; hakuva a ku tivi a khombo gi ta nga huma laha misaveni.

Isaya 58:7

Ina, u ta phamela loyi a nga ni ndlala a zakuga za wena, Ni ku rurela a ndlwini ya wena lava va vumalako va nga hiko na muti; U ambexa lava va nga hiko na tinguwo, Ni kuva u nga fulareli loyi a nga nyama ya wena hi xiviti. Mat. 25:35

Mateu 16:7

Va lo wulawulisana, vaku; A hi tekangi zibaba.

Mateu 5:42

Mu nyike loyi a ku kombelako, ni loyi a ku lombako u nga mu fulareli. Deut. 15:8; Lu. 6:30, 35

Luka 10:25

Zonake a mugonzisi wo kari wa nayo i lo yima, a mu ringa, aku: Mugonzisi, nzi ta maha yini, kasi nzaga a tshomba ya wutomi ga pinzukelwa ke? Mat. 19:16; 22:35

Luka 11:41

Kanilezi nyikani zinyikiwo ka zisiwana hi lezi zi nga za lomo nzeni; zonake zontlhe zi tava zi hlazekile ka nwina. Isa. 58:7; Dan. 4:27; Xip. 12:33

Luka 12:16

I lo kanela a mufananiso kabye, aku: A simu ga munhu wo kari wo fuma gi lo pfuna ha hombe nguvu;

Luka 12:18

Aku ngalo: Nzi ta maha lezi: nzi ta hahlula a zigurumbu za mina, nzi aka za hombe; hi laho nzi ta nga hlengeletela kona a mavele ya mina wontihe ni zilo za mina.

Luka 12:22

Yena aku ngalo ka vapizani vakwe: Hikwalaho nziku ka nwina: Mu nga karatekeli a kuhanya ka nwina, lezaku mu taga yini; hambu ni mimiri ya nwina, lezaku mu ta ambala yini. Mat. 6:25

Luka 12:29

Mu nga lavi lezi mu ta ngaga, ni lezi mu ta nganwa, kambe mu nga kanakani.

Luka 12:33

Xavisani lezi mu nga nazo, mu nyika zisiwana; ti maheleni a zikhwama zi nga hlakaliko, a tshomba le tilweni leyi yi nga mbheliko; laho a khamba gi nga bhoxiko, hambu ni sumba yi nga giko. Mat. 6:20; 19:21; Miti. 2:45; 4:34

Luka 16:3

A nekwa yi lo alakanya mbilwini ya yona, yiku: Nzi ta maha yini, lezi a hosi ya mina yi nzi susako wunekweni ga mina ke? A nzi na ntamu ku rima, ni ku kombela nzi na ni tingana.

Luka 16:9

Nziku ka nwina: Ti maheleni a maxaka hi cuma lexi xi nga lulamangiko; kasi loku xi mbhelile, va fela ku mu amukela mixaxeni ya pinzukelwa. Dan. 4:27; Mat. 6:19; 19:21

Luka 18:22

Laha Jesu na zi zwile, i te ngalo kakwe: Wa ha vumala xilo xinwe; xavisa zontlhe lezi u nga nazo, u avela zisiwana, wena u tava ni tshomba le tilweni; zonake ngona u nzi lanzela. Mat. 6:19, 20; 1 Tim. 6:19

Luka 19:17

Aku ngalo ka gona: U mahile khwatsi, nanza go saseka; lezi u nga tsumbeka ka lezi zi tsongwani, u ta fumela khume ga miti.

Luka 3:11

I lo hlamula aku ngalo kabye: Loyi a nga ni mabhaji mambiri ngha aha loyi a vumalako, ni loyi a nga ni zakuga, a mahewo Zalezo. 2 Kor. 8:14; Jak. 2:15, 16

Mitiro 16:30

a va humesa, aku: Tihosi, nzi fanele ku maha yini kasi nza hanyiswa ke? Lu. 3:10; Xip. 2:37

Mitiro 2:37

Laha na va zi zwile, va lo tlhabyiwa timbilwini, vaku ka Pedro ni ka vanwani vapostoli: Vamakabye, hi ta maha yini ke? Zak. 12:10; Lu. 3:10; Xip. 9:6; 16:30

Va le Roma 12:13

Vunetelani a vobasa kuvumaleni kabye; mu amukela vapfhumba hi kutsaka. Maheb. 6:10; 13:2

1 Timote 6:17

Laya vona lava va fumileko laha misaveni, lezaku va nga ti kukumukisi, va nga tsumbi kufumeni ku nga tiyangiko, kanilezi va tsumba Nungungulu, loyi a hi nyikako zilo zontlhe hi matsenya lezaku hi tsaka ha zona.

1 Johani 3:16

Ha li tiva liranzo hi kota ya lexi, lezaku Jesu i lo nyikela kuhanya kakwe hi kota ya hina; hikwalaho hi yimelwe hi ku nyikela a kuhanya ka hina hi kota ya vamakabye. Joh. 3:16; Rom. 5:8